面對香港咁既情況,
好明顯, 呢兩日又多人談論左移民呢個問題啦
我都知, 要下定決心移民係唔易架
好多人都有類似既問題
1) 移民後搵唔返現在咁既職位, 人工
2) 無晒親人朋友
3) 唔適應外國生活
以上既問題, 移民前當然有諗過啦
但我諗得最多既, 係對我黎講, 乜野最重要??
呢一刻, 我兩個仔既將來, 對我最緊要
錢, 搵多搵少, 都係兩餐啫, 其實係外國既消費比香港低, 雖然人工少左, 不過支出都少左喎
稅高咩.... 出糧個刻己經扣左稅, 從來沒有到過手, 所以沒什麼感覺, 只係睇到糧單個一刻會覺得... 嘩, 扣咁多既, 但, 只係一個從來都沒有見過既數字....
人工高低, 職位高低, 睇你要點比較啦, 有時有D 野, 你自己唔去比較就可以啦
而且, 你又換來多一點家庭樂時間喎
親友, Face-time , Whatsapp 囉
和朋友仍然保持Whatsapp 聯絡, 只係無得出席聚會, 但大家仍然有共同話題
家人就Face-time, 傾電話多, 現在科技發達, 仲有幾十年前要寫信咩
就算係香港, 都未必日日見啦
適應外國生活, 我覺得今時今日適應己經比幾十年前輕鬆吧
現在移民既人, 英文都唔會差得去邊, 識聽識講
幾十年前D 人移民掛住香港, 仲要去租無線錄影帶 (我正正有朋友係呢到, 佢中學移民過黎)
現在D人, 仲睇無線咩... 上網睇NETFLIX 乜都有得睇, 上網睇新聞, FACEBOOK, 和朋友傾計,
如果唔出門口, 同係香港有咩分別
而以上問題, 你希望係你身上出現, 還是希望在仔女身上出現??
如果小朋友在外國長大, 讀書,
佢畢業就在當地由初級做起
佢所有朋友, 社交網絡都在當地
你所擔心既事, 就唔會係佢身上出現
但..........
如果你真係唔想走
那, 先送小朋友去讀書??
讀完書之後, 可唔可以留低???
英國既移民法之中, 有一條叫10 year route,
當你合法地居住在英國10年, 就可以申請永居
(唔好諗住用本BNO 出出入入當自己住緊, 拎用BNO 入境只算是遊客, 一年不可以留多過180日, 如果你諗住去一轉法國又返入英國, 英國未必比你入境, 就算比你入境, 你既身份只係遊客, 不是居民, 英國係唔會當你居住過的)
合法居住係指拎住VISA 居住, 住滿10 年
係咪開始計緊應該由YEAR 幾開始讀??
除左要住滿10年, 仲有另一個條件, 就係10年內, 不能離開英國合共540日
平均計, 一年不能離開54日
要達到呢個條件, 係不可以每個長假都返香港
以香港普遍留學生最少一年返香港兩三次, 就己經不達標了
所以, 如果想小朋友係英國讀10年再取永居, 就要好好佈署
以中學7年, 大學三年計, 由Year 7 開始讀, 大學畢業剛剛好
因為一年不能離開超過54日 (最好不要計太盡, 以免真有急事都不能返香港)
一年只能選一個長期回香港
其他假期只能留在英國 (英國也有不少地方可以遊水玩水呀)
小朋友不能返香港, 那就大人飛過去陪他們吧
題外話:
中學生在英國留學, 需要一個在英國的監護人
我知有不少人搵監護人都係做做樣
因為長假多數返香港
不會[真的] 在長假中去監護人家中住
有D 在長假真要需要留在英國, 又要另找一個家庭住
今年疫情嚴重, 中小學停課時, 不少留學生要急找地方住
所以如果找監護人, 最好找一個真的可以在長假照顧小朋友的監護人
現在己經在英國讀緊書, 但離英日子超晒標又如何?
將來唔知會唔會改, 但現在在大學或MASTER 畢業, 都可以留英國工作兩年
有2年工作經驗, 可以去搵一份幫你申請工作簽証既工
(我的移民顧問說, 若有公司請, 但公司沒有資格申請工作簽証, 他們可以幫手搞簽證)
也可以在讀大學時, 試下申請START UP VISA, 因為沒有資金要求, 若有好的創業念頭, 可以先試試創業, 兩年的Start Up Visa t期內, 可創業之餘, 也可以打工, 適合資金不多的朋友
只要有心移民, 就必定可以想出一個方法
萬事起頭難,
一旦開始做, 就會發現沒想像中困難
一步一步來, 只會越來越接近目的地
以下是過往文章大合集, 若對移民英國有疑問, 可以先看以下文章有沒有想知既資料
移民英國, 最常見問題 (英國簽證, 移民前後準備, 英國生活大全集)
==================================================================
如果大家想我多D 分享唔同既英國資料, 如英國生活, 或移民顧問資料, 可以Email 比我
Email : jcinuk2018@gmail.com
請留低
姓名
電話
以上只係個人分享, 並不構成任何建議
==================================================================
更多英國生活分享 https://www.facebook.com/JasperXJayden/
沒有留言:
張貼留言