JC in UK 英倫生活記: 英國邊間超巿最平？？

無意中睇到Which 做了最新2020年7月英國超巿價格比較

比併唔同超巿買野要比幾多錢

首先, 第一項比併是購買日常食品85項, 包括雞蛋, 意粉, 茶包, 麵包等等 (有D 係超巿品牌, 有D 係其他牌子) 究竟要付幾多錢。

以下評語，係個人主觀因素，只以我家附近超巿比較，其他城巿既超巿，基本上我係唔會知。

最平既，ALDI 和LIDI 不出所料成為最平之選。雖然佢地最平，但賣既野其實一D都唔差。

LIDI 的肉類, 生果其實很不錯，而且價錢真係好抵(前日才買了4盒棉花糠提子, 藍苺, 蕃薯)，對我們家來說，比較少去LIDI主要因為離我們比較遠，而且主要賣食品，比較少其他雜貨（不是沒有，只是選擇比較少）

ALDI 真的比較少, 其實肉類唔錯的, 只是因為店內無大型超巿咁齊, 好多時會去大間超巿一次過買齊東西

ASDA 是我們家最常去的超巿, 優點, SUPERSTORE, 超大間, 乜都有, 由新鮮食品, 到日用品, 到電器, 衣服乜都有，最鐘意買既東西，包括：

４鎊一個14" 自選PIZZA, 可以揀4款TOPPING, 基本上己夠我們一家做晚餐, 有時唔知食乜好, 就去買一個回來焗

優點: pizza, 肉類, 蔬菜, 雞蛋, 牛奶, 乾貨等等, 價錢在大型超巿中算抵

缺點: 生果好一般, 通常去其他超巿買

Ready Meal (即回家一焗就食得個D) 味道嘛嘛地, 連好鐘意食ready meal 既哥哥都唔多鐘意

Tesco 都係比較常去既超巿, 因為最近舊居, 之前送哥哥弟弟去補習時就會去行下。我家附近的Tesco 大型到有2層，除左傢私外，真係可以買晒全屋企既野。

優點：乜都有, 質數平均

缺點: 無乜產品特別突出到我要專登入去買, 基本上只是順路會去

Morrisons: 搬家後, Morrisons 是離我家最近的超巿, 行路約20分鐘(未試過行去, 只係Google Map 睇到) 而渣車不足5分鐘 (免費泊車,無限時, 大把泊車位, 既然有車, 仲點會行過去??) 所以近來成日去

優點: 肉檔的肉質素靚 (不過雪櫃的肉 (不是冰櫃) , 不知是燈光問題, 還是肉既問題, 硬係覺得無咁靚), 蔬菜, 生果既質素比ASDA, Tesco 好D, 但價錢差不多

缺點: 無ASDA / Tesco 大間, 所以有D 野無得買 (可能只係我家附近的問題, 不過其他既Morrison 我無行過)

Sainsbury's : 好少去, 因為唔近我家, 其實都好大間, 又係咩都有，尤其有壽司，試過因為壽司專登去。廚房用品頗多選擇。

缺點：唔近我家，又無咩產品特別到我要專登去

Ocado: 我家附近無, 所以我沒有去過, 不作評論

Waitrose: 出品貴價超巿, 自家品牌都有一定質素。同一個牌子既東西，明顯比其他超巿貴

優點: 壽司Counter 質素最好, 可以即場叫師傅整, 自家品牌既cheese cake 好好味, 有生蠔 (星期五特價)

缺點: 同一個牌子貴過其他超巿, 所以, 我只會去買只有waitrose 才有的東西, 如上, 其他, 好似麵包, 罐頭, 清潔用品, 明明都係同一個牌子, 咁我梗會去平個間買, 反正, 都係渣車去一轉啫

另外, Which 同時有比較買多D 貨品的話, 價錢又如何。因為Aldi & Lidi 無咁多選擇, 所以只有6間超巿比併。

以上比較，並沒有計M&S, 其實M&S 的生果係非常吸引, 但又唔會會貴好多。另外，佢有隻漢堡包醬係食過唔同牌子之中最好味。

因為我地家成日買唔同生果，對生果比較最清楚

還有一家常買生果的，就係Costco。而佢地既肉類，急凍食品都係非常優質。

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

請留低

姓名

電話

以上只係個人分享, 並不構成任何建議

==================================================================

2020/08/20