哥哥的 Golden Reward

今日放學回來後，

哥哥好興奮咁同我講佢拎左Gold Award

根據佢所說的，每堂表現好，幫老師之類就有1 positive score, 佔夠300 就有gold award

佢每星期都check 下自己多左幾多Fight Miles, 好認真

其實聖誕前已儲夠300miles, 不過今日先派比d 同學們，應該係一次過準備再派，方便d

其實我覺得英國既state school 小學普遍都不錯的，尤其小朋友比較細，比較少行為問題

另外，小學通常比較細間，一級由一班，兩班，到4班不等，通常學校都不會用成績分班，但英文，數學會按能力分組，同學之間比較相對下少d, 尤其無分數，無排名

不過，上到中學，始終小朋友開始大，會反叛，能力既高低開始分野比較大，而且學既野深左，如果基礎打得唔好，會追得比較辛苦。同一時間，學校會把成績好的和成績差的分班上堂，聽說，教既野，功課，資源都會有分別。

成績好的小朋友，上堂自然比較專心d, 功課交齊d (聽哥哥說，即使上到中學，欠交功課也沒什麼大問題，老師也不太理，若有欠交，家長會收到email. 哥哥學校好搞笑，有次我地收到欠交既email, 當然好緊張問哥哥點解欠交，哥哥說他交了，我地叫佢返學校問清楚老師。然係，得回來的答案是，功課既list upload 左去學校system, 上面有 upload & submit button, 但有d 功課係hard copy 比老師，唔係網上交，如art, 仲有d 其他功課，老師話要avoid 交左當無交 就交hard copy 前影相再upload 去system, 咁system 就知交左 不過，哥哥話之前老師無叫要網上交一次先，成件事就變得好奇怪，交左hatd copy 老師怎麼不update system 做submitted 呢， anyway, 自此唯有叫哥哥check 清楚，乜都online submit 左先）

聽有d 在其他中學既小朋友講，有d 中學既課室係非常嘈，無乜人聽書

中學一級有10班，每班30人，即一級有300人，全部都係按地址收生，不按成績。所以，300人入面，肯定有成績好的，也有成績不好的，學校無可避免地會把小朋友按成績分開，而且是每科主科都分

英文，按成績分10班

數學，按成績分10班

其他科，好似life skill, dt 就打散

所以，每個小朋友都有機會識晒其餘299個小朋友，好處係識得多人，不好處係，每堂都和不同同學一齊上，而且，每一堂係同學去不同科目既課室上堂，所以每日帶回校既東西，每堂都要拎住去唔同課室

聽哥哥說，因為有按成績分班，所以有d 同學因為成績差不多，所以係成日見，11月時，數學還因為考過試，試過重新分班添

上到中學，功課仍然不多，聽說偶爾有d 小test, 不過，學校不會通知家長，連分數都不會通知家長，我只是偶爾見到哥哥帶回來既試卷，貫徹學生的事學生自己負責，家長不用理，做英國家長都幾輕鬆，不過放學見佢咁鬼得閒，真係唔多慣，現在大左又無細個睇咁多書，成日篤住電話 電話真係扼殺閱讀興趣既頭號殺手

========================