HK VS UK 小動物大比拼

HK VS UK 小動物大比拼

今次的大比拼, 是小動物, 包括寵物, 和昆蟲 😜

#1 狗

香港受限於居住環境, 室內的活動空間有限
好多住宅不許養寵物
即使可以養狗, 好多地方又唔比狗入
所以小狗在香港就無乜活動空間

但,
英國就唔同了
如果你住HOUSE, 本身屋前屋後己有花園可以玩
附近又有大大公園給小狗跑來跑去
我經常看到有人帶大狗小狗去公園

連英國疫情最嚴重的時候,
政府都容量狗主每日帶小狗外出散步一次
所以小狗在英國的活動空間大好多

#貓

在香港養貓, 有好多要注意的地方,
如不能太窗, 又或者一定要安裝紗網
貓除了去看醫生, 沖涼修甲之外, 正常不會外出, 外出時也會用袋/籠裝好才出門
一旦走失了, 便要四出尋貓
好像完全不會認得回家的路一樣

不過

在英國就完全不一樣
英國的家貓和野貓都一樣會四圍走
有朋友養貓, 除了定時回家食野, 晚上回家睡覺外,
平日就一早出門四周玩

以前我家的後園, 每日至少有3隻家貓在圍欄上經過,
有時還會跳入我家後園

難道英國的貓會認路, 香港的貓不會??
還是因為香港的貓因為平常不出門, 一出門便會迷路??

#4 蚊

係香港, 如果去郊外, 或多草叢既地方,
有時連樓下公園, 都要用蚊怕水
因為香港D 蚊真係可以狂咬人

不過呢, 英國係無咬人吸血既蚊
所以即使英國多森林, 草地, 樹叢,
外出都唔駛擔心 (特別惹蚊的人聽到特別開心)

所以,係英國超巿, 蚊怕水係放係travelling 既部份
只係去旅行先需要買
(聽說蘇格蘭有D 會吸血的蠓, 好細好細隻, 不過去年去蘇格蘭旅行都沒有遇到)


#5 曱甴 / 小強

係香港, 最怕見到小強, 尤其在家中出沒

不過, 超幸運, 英國係無小強架
相比蚊患, 我覺得英國無小強更令人高興

#6 老鼠

香港當然有老鼠,
不過好多屋苑的鼠患不算嚴重

係英國, 我住的附近真係唔覺有老鼠出沒
(可能夜晚才出動, 我己回到家, 還是貓太多?)
聽朋友說, 倫敦的舊屋比較多鼠患, 而且還是在屋內出現
如果我家出現老鼠,
肯定嚇死我

#7 松鼠

香港好難見到既松鼠,
係英國真係好平常
尤其不時跳入我家花園搵野食

#8 野兔

在香港, 我真的沒有在街外見過有兔子
不過, 英國真係不時見到兔子出沒
而且通常是一家大細出沒添

#9 鴨

在英國, 有好多大大小小的湖,
通常湖都有一大堆鴨子住客
當見到有人拿食物, 就會全部游過來食

#10 天鵝

英國的天鵝, 都是屬於英女皇
是受保護動物
通常湖都有天鵝, 和鴨一同生活,
不過, 因為天鵝比較大隻,
常常搶鴨仔既野食

#11 狐狸

英國郊區不時有狐狸出沒
不過唔似松鼠, 兔仔咁常出沒
尤其日頭更少見

但
最常看到的, 反而是路上的狐狸屍體
可能狐狸都是夜間出沒,
晚上時馬路少車
當狐狸過馬路時沒有注意到,
就好容易被車撞倒

#12 馬

在香港, 基本上只有馬場, 和給遊客去的農場才有馬
不過呢, 係英國, 真係有唔少人在家養馬
而且不少地方還有馬道, 專給馬行的道路

今天帶兩兄弟去公園玩時, 就遇到2隻馬散步

暫時先寫12種小動物, 諗到再加上吧

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

香港 VS UK 超巿雜貨大比拼

香港 VS UK 超巿雜貨大比拼

之前有一篇講過英國超巿食品價錢
今次講下雜貨

英國買野本身有VAT 20%,
而食品是不用VAT 的
有關什麼食品不用VAT, 可以參考以下政府網
https://www.gov.uk/guidance/rates-of-vat-on-different-goods-and-services#food-and-drink-animals-animal-feed-plants-and-seeds

Food and drink for human consumption is usually zero-rated but some items are always standard-rated. These include catering, alcoholic drinks, confectionery, crisps and savoury snacks, hot food, sports drinks, hot takeaways, ice cream, soft drinks and mineral water.  Restaurants must always charge VAT on everything eaten either on their premises or in communal areas designated for their customers to use, such as shared tables in a shopping centre or airport food courts.  In addition, restaurants and takeaway vendors must charge VAT on all hot takeaways and home deliveries, but do not need to charge VAT on cold takeaway food unless it’s to be eaten in a designated area.  Certain animals, animal feeding products, plants and seeds also qualify for the zero rate, but only if the conditions in the following VAT notices are met, however products packaged as pet food are standard-rated.

供人食用的食品和飲料通常為零稅率，但某些物品保持標準稅率。 這些包括餐飲，酒精飲料，糖果，薯片和鹹味小吃，熱食品，運動飲料，熱食，冰淇淋，軟飲料和礦泉水。 餐館必須對在其場所或指定供客戶使用的公共區域內食用的所有東西收取增值稅，例如購物中心或機場美食廣場中的共用桌子。 此外，餐廳和外賣攤販必須對所有熱賣和外賣商品收取增值稅，但除非在指定區域內食用，否則無需對冷賣食品收取增值稅。 某些動物，動物飼料產品，植物和種子也符合零稅率標準，但前提是必須滿足以下增值稅通知中的條件，但包裝為寵物食品的產品必須符合標準稅率。


說回正題,
由於雜貨都有VAT, 基本上大部份雜貨都比香港貴一點,
比較以下日用品 (希望盡量找回同一個牌子, 不過有D 貨品比較困難, 另外, 超巿牌既日用雜貨通常比較平, 好唔好用就見仁見智)
UK: https://groceries.asda.com/
HK: https://www.parknshop.com/zh-hk/

1. 廁紙
2. 盒裝紙巾
3. 包裝紙巾
4. 廚房紙
5. 洗潔精
6. 洗碗波波
7. 淋浴露
8. 洗頭水
9. 牙膏
10. 漱口水
11. 洗衣球

#廁紙

我印象中, 香港廁紙應該係大約30蚊10卷?? 現在加價到接近40 了嗎??

UK: Andrex Supreme Quilted Toilet Roll 9 卷4鎊, 平均一卷 44.4P 約HKD 4.5 一卷 (廁時不時特價, 應該好少人會正價買吧)

HK: Andrex 10卷HKD 39.90, 平均一卷HKD 4

英國廁紙既質地可以差好遠, 我地之前用開呢隻Andrex Supreme Quilted, 現在就用Costco 買的, 都是三層比較厚身。有一次係amazon 訂Andrex Cotton, 以為會軟滑D, 點知係Cotton natural, 標榜少D 化學品, 質地超級薄, 只可以用來抺咀....

#2 盒裝紙巾

UK : Kleenex 盒裝紙巿,  1鎊一盒, 即大約HKD10 (己經係特價, 正價我唔會買住), 英國買盒裝紙巾一D 都唔平, 

而且通常只有一盒, 或2盒PACK, 沒有像HK 一PACK 5 盒, 

唔知係咪英國人好少用??

HK : 一樣係Kleenex,  HKD 32.90 有5盒, 平均一盒 HKD 6.60, 相比起UK, 己經平好多了

#3 袋裝紙巾

UK: Kleenex 袋裝紙巾8包, 1.5鎊, 平均接近HKD 2 包 

HK : Kleenex 迷仔袋裝紙巾, 尺寸應該細1/3 左右, 15包才HKD 18.90, 一包1.26

不過考慮到迷仔裝細張D, 所以都唔算差好遠吧

係英國, 要用袋裝紙巾既機會比HK 低

一來, 基本上所有餐廳係會有紙巾提供, 即出去食野唔駛用

阿仔學校亦有紙巾提供, 返工又唔駛拎

只剩下... 真係病, 傷風要用

不過, 因為病都會留在家... 而在家, 又不會用袋裝紙巾

所以消耗量比較低

#4 廚房紙

UK: Plenty Kitchen Roll x 4: 4鎊, 平均一卷要1鎊, 約HKD 10

HK: Scott 廚房紙X4, HKD 22.90, 平均一卷HKD HKD 5.725, 比英國, 接近平一半

#5 洗潔精

UK: Fairy 洗潔精, 1050ml, 2.5鎊

HK: 一樣係Fairy, 433ml 要HKD 32.90, 原來Fairy 係HK 貴咁多

比較埋AXE 牌, 900ML HKD 19.80

唔比較下都唔知, 原來Fairy 係香港會貴咁多

#6 洗碗波波

英國: Finish  All in 1 Max, 睇過百佳只有呢款, 只好用呢個比較, 

5鎊有30粒, 平均計, HKD 1.67 一粒

Finish Quantum 係我地家用緊既, Finish 之中最強產品
唔駛預先洗, 浸水, 基本上只要刮走碗碟上既垃圾就可以放入洗碗碟機
超方便

HK: 香港應該好少人用洗碗碟機, 價錢就比UK 貴好多, 一樣係finish all in one, 30粒竟然要HKD 117.50, 接近HKD 4 一粒, 洗一次碗要4蚊, 太誇張了吧??

7. 淋浴露

UK: Dove Deeply Nourishing Body Wash, 450ml 賣2鎊, 平均每100ml 賣44.4p, 

即約HKD4.5/ 100ml

唔知係咪環保原因? 英國好少吱吱裝既淋浴露, 洗頭水, 

我覺得無咁方便

HK: 一樣係Dove, 1000 ml 賣HKD 47.90

原來仲比UK 貴少少??

不過吱吱裝方便好多呀

#8 洗頭水

UK: TRESemme Moisture Rich Shampoo: 800ml 賣緊2.4 鎊 (30p / 100 ml, 即HKD 3/ 100ml)

今日呢個價算係特別平, 平日特價大約 2.75 左右

正價時賣4.5 係唔會入手的

HK: TRESemme 洗頭水, 900ml 賣HKD 53.90 (HKD5.98 / 100ml)

#9 牙膏

UK: Colgate Cavity Protection Toothpaste, 75ml 賣0.8鎊, (1.07鎊/ 100ml, HKD 10.7 /100ml)

HK: Colgate Cavity Protection Toothpaste, 175ml X 2 支, 賣HKD 16.9 (HKD 4.82 / 100ml )

英國牙膏唔知點解咁貴, 而且又細支

#10 漱口水

UK: Listerine Cool Mint 1000ml £3.50

 HK: Listerine Cool Mint 1000ml HKD 57,90

#11 洗衣波波

UK: Ariel All in one Pods, 36粒, 賣5.95 鎊, 平均16.5P 一粒, 約HKD 1.65

HK: Ariel All in one Pods, 15粒, 賣HKD 143.90??? 一粒要HKD 9.59??

真係賣咁貴??

我上百佳網, 其他牌子都唔係平好多

洗一次衫, 要咁貴咩??

以上係暫時最常用日用品價格比較,
如果大家有其他用品想知英國賣幾錢, 最快係上各大超巿網望下

UK:
ASDA https://groceries.asda.com/
Tesco https://www.tesco.com/
Waitrose https://www.waitrose.com/ <-- 比較貴,若不是買新鮮食品或Waitrose 出品, 去其他超巿買平D
M&S https://www.marksandspencer.com/ <-- 和Waitrose 類似
Lidi https://www.lidl.co.uk/
Aldi https://www.aldi.co.uk/
Iceland https://www.iceland.co.uk/

HK 百佳: https://www.parknshop.com/zh-hk/

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

英國教育 -- HK VS UK 小學學校假期和上下課時間

HK VS UK 小學學校假期和上下課時間

如果諗住移民英國, 而小朋友又讀小學,
又諗住兩夫婦都一齊工作, 就要研究下小學的假期一和上下課時間

香港的學校假 : 以下為2020-2021 年校曆,
每間學校可能會有少少出入
另外, 再加上正常香港紅日,
和偶爾有特別日子, 如教師發展日等等

英國小學假期:
基本上, 英國小學是每上學6 星期, 就放一星期
以下為一般英國小學2020-2021 假期,
每間學校可能會有一點出入,
請自行查詢

至於每天上下課時間,
上課: 大約是上午 8點半至8點45 打鐘
下課: 大約是下午 3點至3點半
每間學校會有一點出入, 請自行查詢


係HK, 兩夫婦一同返工係好普遍, 不是有長老幫手照顧, 就是請工人
什麼時候學校放假, 什麼時候返學放學都不是大問題
反正HK 打工, OT 是常識吧, 有哪一個可以放工回去接放學??

不過, 英國好少由長老照顧小朋友, 更加絕少請工人
(保母時薪一D 都唔平, 如果唔係人工超高, 不如自己照顧返)
所以, 好多時, 都係父母其中一個打工, 另一個照顧小朋友
兩個都返工, 當然都有, 咁小朋友就可能參加學校既breakfast club and / or afternoon club

唔少小學都有breakfast club and / or afternoon club (另收費, 請查詢個別學校)
Breakfast club 通常可以8點前送返學, 或幫學校營運的機構, 通常附有早餐
Afternoon Club 大約可以5-6 點接放學, 或幫學校營運的機構, 通常附晚餐
(英國小朋友, 係7點左右上床睡覺, 所以他們大約5點吃晚餐,
Afternoon Club 6點完己經食完晚餐, 回家都差不多預備睡覺)

基本上, 參加Breakfast Club, 可以在上班前送小朋友上學,
而下班後可以接回 (英國也不是沒有OT, 看工種, 公司, 但普遍比香港好)

在上學的日子, 即使夫婦一同上班, 也不是大問題
不過英國學校假期多
每6星期放一星期假,
有不少學校會有term break camp (另收費)
可以比小朋友返去玩, 通常有運動, 勞作之類 (不要期望有學術野)
可算是托兒的一種
不過不要期望每一天學校假期
要考慮好好分配二人的放假日子去照顧小孩

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

香港 VS UK 超巿買餸大比拼

香港 VS UK 超巿買餸大比拼

今次我地既超巿買餸大比拼,

會用我地一家最常去既ASDA
(算是英國中價超巿, 比waitrose / M&S 平, 又比LIDI, ALDI 貴少少)
鐘意去Asda, 主要因為佢夠大間,
我家附近既Asda 係superstore,
除左食物, 雜貨齊全之外, 仲有衣服, 校服, 小形家電, 玩具, 書等等, 基本上去一間超巿己經可以買齊大部份東西

而香港這邊呢,
本來想揀百佳, 點知今日網站維修中,
只好揀HK TV MALL

文中既英鎊價錢, 為方便比較, 全部當10算計,
現在匯率大約9.74

=======================================================

首先第一樣, 幾乎日日食既泰國米
我一直以為係英國買泰國米會比香港貴
唔SEARCH 唔知, 原來差唔多錢咋

UK -- 呢隻AAA Jasmine 泰國香米之前食過, 不過現在轉左Costco 另一隻,
價錢差不多
10KG 賣緊15 鎊, 約HK150

HK 這邊, TV MALL 賣緊金象牌5KG 78.9, 10KG151.90

竟然仲比UK 貴DD
真係估佢唔到
-----------------------------------------------------------------------------------------------

NO 2, 雞蛋

我地通常買一打12隻英國走地大雞蛋
2.2鎊12隻, 一隻大約18.3P, 即約HKD1.8 隻

HK 呢, 以前係香港, 通常買日本雞蛋, 蛋味勁D
不過用類似價錢比較, 就揀返泰國蛋,
原來10 隻要35蚊, 即要HKD 3.5 一隻

乜香港D 雞蛋咁貴架咩??
我以為唔駛一蚊一隻??

---------------------------------------------------------------------------------------------

NO 3 豬扒
英國豬扒,
通常可以煎完整番茄豬扒, 洋蔥豬扒
480G 賣2.2 鎊, 每公斤4.38 鎊, 即約HKD 44 一公斤

HK
美國穀飼豬扒, 454G HKD42, 即一公斤約HKD 85
足足比UK 貴一倍


咁本地新鮮豬呢??
300G 仲要HKD 60 添, 即1KG 要130 左右.....

好貴呀

---------------------------------------------------------------------------------------

NO 4 牛奶

英國鮮牛奶通常用Pint 計, 唔係公升,
而1Pint = 0.473176473 litre
即6Pint = 2.8L
2.8L 既牛奶大約 1.59鎊, 每公升46.6P, 即唔駛5蚊

HK方面呢
雀巢鮮牛奶, 946 ML 賣24.8
即一公升約HKD25

那保鮮期長DD 既純牛奶又如何?
澳洲純牛奶, 一公升原來仲貴D? 要26蚊一公升

即牛奶, 香港比英國足足貴5倍
好誇張呀

---------------------------------------------------------------------------------------

NO 5 果汁
因為日日在家食, 所以家中都常備果汁
通常各家超巿都有自己出品既純果汁,
注明係100% 鮮榨, 不加糖
每枝1公升, 1.25鎊 (己經加左價, 我記得未Lockdown 前買開1鎊一支)

加埋Tropicana 做代表, 1.5鎊950ML

香港代表

其實香港飲開邊隻純橙汁??

因為果汁先生其實有加糖

Tropicana 1L 要46蚊

加埋果汁先生做代表

4支1公升裝, HKD65, 即每公升HKD 16.25

飲橙汁似乎唔算差好多錢,如果用果汁先生去比較

----------------------------------------------------------------------------------------------------
NO 6 雞翼

英國本地雞翼, 2.08鎊有1.1KG, 每公斤約1.89鎊, 當佢20蚊一公斤啦

香港
HK TVMALL 只有急凍雞翼
大部份寫明無添加
呢隻泰國雞翼HKD82.9 一公斤

己經係急凍, 仲要貴4倍添

--------------------------------------------------------------------------------------
NO 7 牛扒

英國代表
我地既雪櫃會常備牛扒,
好多時唔知煮咩好就煎黎食
解凍後, 加點鹽和胡椒粉就可以煎, 好方便
227g (8oz) 一塊30日熟成既英國牛
大約19.78一公斤, 即約200蚊一公斤

香港代表
美國肉眼扒, 一樣係8oz, HKD 89

咁香港都係貴一倍啫

----------------------------------------------------------------------------------------------

NO 8 羅馬生菜

英國買一包2棵羅馬生菜, 大約1鎊, 即HKD 10

香港
唐生菜同羅馬生菜差不多, 都係大約20蚊左右

-----------------------------------------------------------------------------------------

NO 9 意粉

餐餐食飯好悶,
當然都會食下其他野
好似意粉咁
英國買一包1KG 既意粉, 1.5鎊, 即HKD15

香港
500G X 4 盒要HKD 82, 即1KG 要41蚊

西餐果然唔應該同歐洲比
-------------------------------------------------------------------------------

NO 10 番茄

英國
小朋友鐘意食番茄, 整餸有D汁 食飯會開心D
通常我地揀呢種Vine Ripened Tomatoes,
大隻D, 好味D
一包約4-5隻, 1.5鎊

香港代表
番茄真係要32蚊4隻??
定呢間賣得貴??

香港街巿賣幾錢??

----------------------------------------------------------------------------------------------

NO 11 全隻雞

英國代表

通常我地會買一整隻雞都係為左煲湯
一隻約1.3KG 既雞, 2.82 鎊, 唔駛30蚊
剪左雞翼雞脾出來做餸
雞胸通常用來炒飯
剩下既就用來煲湯

香港代表

法國走地雞

都係大約1.3KG, 89蚊

中國出品又如何
一樣係1.3KG, 龍崗雞賣85

----------------------------------------------------------------------------

NO 12 免治牛肉

英國安格斯免治牛肉500G 3.75鎊

澳洲草飼免治牛肉, 

一樣係500G, 賣98蚊

我係HK TV MALL 見唔到再平D 既免治牛,
街巿會唔會平D?

----------------------------------------------------------------------------------------------
NO 13 麵包

英國代表
通常我地買呢隻麵包做早餐, 1.15鎊一條, 即11蚊一條, 大約800G

我係HK TV MALL 搵唔到類似既普通麵包
我諗應該差不多錢??

---------------------------------------------------------------------------------------

今次講住13種最常買既餸
如果有其他食物想大約知咩價都可以留言問下
或者上各大超巿網睇下

如下:
ASDA: https://groceries.asda.com/
Tesco: https://www.tesco.com/
Waitrose: https://www.waitrose.com/
M&S: https://www.marksandspencer.com/
Aldi: https://www.aldi.co.uk/
Lidl: https://www.lidl.co.uk/

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/