一家大小移民到英國, 通常都要添置全屋東西
去邊買比較方便及價錢相宜呢?
IKEA 可以Online Shop, 或去店舖執齊叫佢送貨, Online shop 送貨費會比自己執, 去Counter 付款再送貨貴少少, 但就方便D
如果在香港己有地方, 更可以預早買定, SET 好日子送貨, 就可以盡快收齊所有東西
加錢可以安裝傢私, 如果有全屋傢私要砌, 又唔有工具, 比多少少而唔駛煩都係一個好主意
Dreams Bed: 專賣床和床褥, 英國的床褥比較軟, Dreams Bed 有唔同硬度床褥
Sofology: 我地現在既SOFA 就係呢間買, 有真皮, 也有布藝, 坐得舒服, 電動鉸, 可以控制頭及腳的坐位, 左右2側仲有USB 插頭, 最啱一邊睇電視一邊篤電話
Home Sense / TKMaxx : 其實係同一個集團, 我自己鐘意行Home Sense 多D
Home Sense 有好多廚具, 包括日本制廚刀, 唔同牌子既廚房用品, 碗碟, 而且價錢實惠
另外, 都有傢私, 植物, 寵物用品, 毛巾等等東西, 款式比IKEA 靚DD, 但又唔會貴好多, 有時特價仲會執到荀野
TK Maxx 就衫褲鞋襪樣樣有, 玩具, 書, 廚房用品, 花園用品, 價錢實惠
Wilko: 廚房用品, 清潔用品, 花園用品, 文具, 小型家居維修用品等等, 價錢抵玩, 尤其喜歡買清潔用品, 文具
Poundland: 標榜一鎊就買到,不過又唔係樣樣野一鎊, 都有D 貴少少, 入面有好似洗頭水, 清潔用品, 零食, 牙刷, 不過唔好以為全部野都咁抵, 有時佢D 包裝會比超巿賣既細D, 所以要睇埋容量大細
B&M: 都係平價雜貨品, 通常會去買罐頭, 因為真係比超巿抵D, 其他好似有花園野, 寵物, 清潔用品, 小型電器, 玩具, 文具等等, 同超巿比, 會平少少, 因無新鮮食品, 所以係取代唔同超巿
Argo: 幾乎乜都有既店舖, 由傢私, 電器, 玩具, 文具等等
Dunelm: 家居用品店, 有傢私, 床單, 地毯, 窗簾, 廚房用品等等
The Range: 家居用品店, 日用品, 廚房用品, 連寵物用品都有
The Works: 主要賣文具, 書, 玩具, 派對用品等等
B&Q: 主要賣裝修和花園用品, 想整靚花園, 執下間屋就可以去行下, 登記會員後, 不時會有COUPON
John Lewis & Partners: 同waitrose 係同一集團, 賣既野高級D, 靚D, 買電器的話, 可以加錢做保養, 包人為損壞 (我地部電視比兩兄弟格劍時打爆左, 因為在John Lewis 買, 加錢做保養, John Lewis 賠返買入價比我地), 廚房用品靚D, Black Friday 時有不少精選電器特價
沒有留言:
張貼留言