如何在英國租屋

移民，在決定了落腳地之後，就要決定買房子，還是租屋。

今篇先講一下英國如何租屋，以下是一般租屋流程，另外，還有私人放租，朋友介紹呢Ｄ，就自己搵了。

若決定了先租房子，首先，當然要看看心儀的住宅區有哪些屋放盤。在英國，有兩大地產網站，Rightmove 和 Zoopla.

先以Rightmove 作例子, 假如心儀Surrey 的Guildford, 先在 Rightmove 輸入地方"Guildford", 再選擇 "To rent"

接著, 便輸入進階資料, 如:

• 需要尋找的租盤和Kingston Station 相距多少mile
• 租金範圍
• 房間數目
• 房屋類型
• 加入Rightmove 時間

今次, 先以一個2-3房單位作參考, 選擇No of Bedrooms 為2-3, 然後選擇 "Find Properties"

就會列出Guildford 附近1 Mile 範圍的的2-3房House

圖中右邊的就是1 Mile 範圍, 若覺得圈太大或太小, 可以再調整

可以選擇由最新至最舊, 最平至最貴, 或最貴至最平

若看到有不錯的單位, 可以Click 入看詳細資料

如這一個在Whitemore Road 的3房Semi-Detached House, 月租1700鎊

(唔知咩係Semi-Detached House, 可以參這篇: HK VS UK 英國房屋種類)

右邊, 有地產公司的聯絡資料 (睇中可以即時打過去聯絡)

圖片下方, 還有屋內的其他相片

下方, 是單位的其他資料, 如:

• 此單位什麼時候可以租
• 有沒有包傢俱
• 什麼時候把此單位加到 Rightmove
• 其他賣點
• 單位詳細資料

除了以上資料外, 也有很多家長關心的學校資料

在School Checker 會列出單位附近的學校和基本資料

如之前一篇講及英國校綱 (HK VS UK 學校校網大比併) 所言

一間屋附近的學校, 其實就只有2-4間, 並不是一個城巿有幾多學校都可以選的

如果對這個單位有興趣, 可以在右方聯絡地產代理

把個人資料寄出後, 便可以等地產回覆，或可以直接打電話給地產代理。

 

當和地產代理聯絡後，便可以預約看房子。看房子時，有以下幾點要留意：

• 採光 (冬天時日照比較短, 如果窗子大, 屋內會比較光)
• 泊車空間 (如非住巿中心, 駕車出入是必需品, 一家有兩架車好普通, 留意可否泊2架車, 是泊私人範圍的off road parking, 還是泊馬路邊, 會影響車保費用的)
• 室內裝潢 (尤其暖氣系統, 房間大小等等)
• 電訊網絡 (我曾參觀過一間屋, 所有電訊商的訊號都收唔到, 只可以用固網電話和固網寬頻)
• 廚房配套 (煮食爐, 雪櫃, 焗爐, 洗衣機是基本設備, 有洗碗碟機會比較方便)
• 浴室數量 (如果是HOUSE, 地下有guest wc, 樓上有family bathroom & en-suit bathroom 會比較方便 )
• 儲物空間 (車房, shed, 屋內儲物房等等)

除了要觀察單位室內環境外，周邊環境都需要考慮，如：

• 附近環境 (街道乾淨嗎? 有沒有很多閒雜人經過)
• 購物，其他配套 (有沒有小型便利店, 附近有沒有GP, 藥房, takeaway 等)
• 學校 (心儀學校距離多遠)
• 公園及遊樂設施 (有小朋友就好重要)

如看房子後，有興趣租屋，便可以向地產代理提出有興趣租屋。

以下為租屋的大約流程(每家地產可能有一點出入，大致如下)：

1. 租客提出有興趣租屋，地產代理回報業主
2. 業主初步願意租屋
3. 租客付出約一星期的預約費用，單位從地產網頁下架
4. 租客要完成一系列Reference Check, 如工作證明，前業主證明，個人身份認證等（如初到英國而沒有工作證明，前業主證明，則有機會被拒租，或要先付半年至一年租，宜在租屋前先向地產說明不能提供工成和前業主證明, 身份認證就是要上傳護照/車牌/BRP 等, 此Reference Check 的動作, 通常由第三方機構進行）
5. 當以上Reference Check 通過後，地產便會預備租約，請細心閱讀每一項
6. 租約上的每一項都沒問題後，地產便會要求付按金加租金
   1. 按金大約是5-6 星期按金
   2. 租客是不用付所有其他雜費，只需要付按金和屋租
   3. 按金需參加租客按金保障計劃 tenancy deposit scheme, 以保障租客在租約期完結後可取回按金
7. 簽租約，取鎖匙，取一份inventory report
8. 在新屋內檢查一切問題, 比對inventory report, 若有任何問題，如牆身花痕，任何東西損壞等等而inventory report沒有列出，請影相後聯絡地產代理
9. 租客必需購買保險，可選擇地產代理提供的，也可以自行購買

希望大家都能找到心儀的單位。

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

英國教育 -- HK VS UK 學校校網大比併

通常呢, D 人搵地方落腳, 第一個問題, 邊個城巿校網好??

不過呢, 英國既校網, 和HK 既校網其實好唔同架!!!

係HK, 例如, 假如你住九龍塘, 住址在41校網, 九龍塘每一間公立小學你都可以揀

一共有19間  (男校女校個D 自己研究)

香港政府小學2020年學校LIST

https://www.edb.gov.hk/attachment/tc/edu-system/primary-secondary/spa-systems/primary-1-admission/POA2020_CA_Booklet_TC.pdf

第一輪計分, 呢部份唔講啦, 做家長實知

第二輪大抽獎, 只要你住九龍塘, 就同所有小朋友一齊抽, 你唔知自己好唔好彩, 入到第一志願定第二志願, 定唔知第幾志願

不過係英國, 玩法就完全唔一樣

首先, 英國小學是按就近入學

只要你的小朋友和其他同齡小朋友一齊申請入學

越近學校就派先 (有哥哥姐姐係派先, 必收的)

所以, 一間學校的所謂校網 Catchment Area, 其實就是過去幾年, 最後一位派位的小朋友地址和學校的直線距離 (有D 學校唔係按直線距離, 而是路線, 請參考返自己council)

而英國因為地方大D, 人口密度低D, 一個住宅區附近的小學, 通常不會有好多間, 肯定不會有十幾間學校任你選

例如倫敦以北 New Barnet 呢個地方, 如果你想入呢間outstanding 小學

Monkfrith Primary School

呢間學校既收生距離就係綠色圈, 

即, 只要你申請入學時, 住在綠圈內, 那就可以派入這間學校

(每年的直線距離會有少許出入, 所以越近越安全)

而綠色圈附近, 其實只有幾間小學, 每間學校的收生距離都唔一樣, 主要是看有多少學生申請

所以, 假如你住在綠圈內, 你可以選擇的學校, 其實就只有附近那三四間

這個郡, 這個城巿還有多少學校都和你沒有關係

你基本上不會選, 選了也不會入

想知道一間學校的收生距離，可以在以下網頁找到：

https://www.192.com/schools/

https://www.locrating.com/schoolsmap.aspx

是不是outstanding 的學校一定比Good 好??

我覺得, 最主要是你參觀過後, 覺得邊間比較喜歡, 

其實outstanding 和good 的學校, 差距係咪好大呢?

每一間學校都唔一樣

而且, 學校的rating 不是每年做, 你的同學, 老師, 亦不會年年相同

比起一定要入outstanding 學校

一間適合, 有愛心的學校更重要 

所以我常說, 要參觀學校, 和校長傾下計, 睇下學校的小朋友上學情況, 開唔開心

呢D 比起政府既rating 更實在

至於中學呢? 同一個住宅區內可以選的中學更少

基本上, 就是最近那一至兩間

(藍色是私立學校)

常常聽人問, 英國邊到校網好

不少人會因此研究一D 大地區, 

比較常聽到的是KENT, SURREY 等傳統白人富人區

呢D 地方, 請看看google map 地圖, 比起倫敦還要大, 包括了很多城巿, 

不過事實上, 

你只能選一間屋, 選住宅區附近那幾間學校, 

其他地方的學校好不好, 都不到你選擇

只要找到一間心水學校就足夠了

Surrey, 是倫敦西南方的一個郡, 接近Heathrow Airport

Kent, 倫敦東南方的一個郡, 面績比整個大倫敦還要大

希望看完這一篇, 令你對英國的校網有一個更深的概念！！

注意, 校網 (Catchment Area) 是和其他同齡小朋友一同申請入學才會用到, 若小朋友需要插班, 最主要, 還是要看心儀學校有沒有位, 若沒有位, 即使住在學校對面也沒有辦法

所以，若小朋友己是小學生，找屋時最好以心儀中學為目標。選擇心儀中學附近，以便在year 6 時申請中學。

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

英國教育 -- 如何在英國申請插班政府小學，中學

當簽證成功批核後，除了安頓家人，添置新居用品外，最多人關心的，就是如何替小朋友申請學校。

若小孩還未到小學年齡，請先參考上一篇［如何申請英國小學，中學］

假若小朋友到英國時己超過5歲，便需要插班小學或中學。

插班程序如何？有什麼手續呢？

插班小學，中學的程序大致相同，要提供：
1) 地址證明
2) 小朋友護照
3) 入學申請表

入學申請表, 可以在各區的Council 網頁下載，若不清楚自己的地址屬於哪一個Council，可以於下以政府網頁，輸入地址Post Code 就可以轉至所屬的Council。
https://www.gov.uk/apply-for-primary-school-place
https://www.gov.uk/apply-for-secondary-school-place

申請表上需要填什麼?

首先, 我們以Westminster Council 的 In-Year Admission插班申請表為例 (請自行下載所屬Council 的申請表)
https://www.westminster.gov.uk/sites/default/files/biborough_primary_in-year_form_interactive.pdf

第一部份:
小朋友個人資料
留意, 申請表需要填寫Council Tax Number 作地址證明

第二部份:
家長資料

第3, 4, 5 部份：

小朋友的背景。因小朋友是移民到英國，第5部份的教育背景可以照填本來的學校便可以了

第6部份

請選擇學校，填Local Authority，有沒有兄弟姐妹就讀，以及要填寫選擇這家學校的原因

注意，有部份學生的插班收生是不經Council 的，Council 的網頁應會有一個Guideline 說明可以選哪一間學校，以及有哪一間學校是不經Council. 若心儀的學校不經Council 派插班位，請自行聯絡學校。

通常, 可以選擇4-6所學校, 按不同Council 而定, 而Council 會按家長所選擇的學校, 由第一志願開始看看學校有沒有位
若第一選擇有位, 便會派第一間學校,
若第一間學校沒有位, 便會查詢第二間學校
萬一, 4 所選擇的學校都沒有空位, 怎麼辦?

那Council 就只可以派另一間尚有空位的學校。
英國政府規定，5-16歲的小朋友是必須要上學，
故Council 必須要找到一個學位給申請人。
若家長不喜歡這家學校，也可以在另一家學校排Waiting List。

第7部份:
若小朋友是移民到英國, 或回流到英國, 必需填寫入填英國日子, 以便安排學校

注意，正常來說，交了申請表，Council 便會替小朋友安排學校,
安排後便要上學。若小朋友不是短期內到達英國, Council 有可能要求你在入境前才申請插班。

第8, 9 部份

附加資料部份，有需要時才填寫

第10部份簽名,日子,及確定申請

 

每一個Council 的表格或會有少許出入，請以自己所屬的申請表為準!

把申請表Email 給Council 後，大約2星期便會收到通知。收到通知後，請按照Council 的通知去聯絡學校，以便進行入學手續，確定上課日期，填學生資料表，買校服等等。

手續都辦好後，便可以期待小朋友在英國上課了！

在英國上學好輕鬆, 不論是家長還是學生

不論是小學, 還是中學, 都不用買書, 沒有書簿費, 需要的, 只是買校服, 文具 (低年級學校還會提供) 書包, 午餐和水

功課非常少

小學階段連考試測驗都沒有 

(不知Year 6 除了政府的SAT, 學校還有沒有測驗考試呢? 至少, 大仔學校,到Year 5 還是非常輕鬆, 試過有校內測驗, 不過事前完全不知道, 上課時老師派卷便考了, 派卷回來我才知道, 所以, 想溫書都沒有得溫)

另外, 因為不用買書, 所以平日是不會有書本拿回家, 

想額外和小朋友溫書都有D 難度

唯一係可以買D 練習比佢, 因為一星期只有一份功課, 所以有時比多少少練習佢做, 都絕對比香港輕鬆百倍，尤其買些中文練習簿, 可以KEEP 住中文程度。

英文，數學既練習，好多地方都有得賣，揀一兩本比小朋友，一日做一版，半小時做完，跟住就係自由活動時間。大人小朋友都輕鬆偷快！！

===============================================================

香港英國零距離 -- 香港<--> 英國速遞服務

全新 Easy Parcel 速遞服務幫到你!! 我地爭取到比DHL 正價大約6折的運費，只要經我們出DHL 提單，可享最優惠運費，令你感受到香港和英國零距離。

詳細資料:

https://jcinuk.blogspot.com/2021/05/blog-post_8.html

以下是過往文章大合集, 若對移民英國有疑問, 可以先看以下文章有沒有想知既資料

移民英國新手懶人包 (居住/學校/醫療/工作/交通/購物)

https://jcinuk.blogspot.com/2020/11/blog-post_18.html

英國教育系列 -- 綜合篇

https://jcinuk.blogspot.com/2021/01/blog-post_4.html

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

===============================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

我之前用的移民顧問，是英國注冊的移民顧問，可以用中文或英文溝通，如果有需要找專業人仕幫手申請各種簽訂，可以Email 比我，請記得留低姓名，電話，和電郵以便聯絡，以及要說要想申請哪一種簽證。

一開始的查詢是免費的，可以先把個人背景，想申請的簽證，大約想申請的時間，到英國的日子和移民顧問傾詳情，若決定要找移民顧問幫手申請才付費的。

===============================================================

更多英國生活分享 https://www.facebook.com/JasperXJayden/

英國教育 -- 如何申請英國小學，中學（按正常程序和同齡小朋友一同申請）

移民到英國的家庭，到步後第一件事就要幫小朋友找學校。而幫小朋友報學校，首先要看看小朋友是可以和其他本地小朋友一同申請入讀，還是要插班入學。

這一篇，先說明若和同齡小孩一同按正常程序申請入學，應如何申請。

首先，說明一下英國學校的入學年齡。
英國的小學，是４歲後的9月初開始上學，這個年級叫Reception Class。小朋友由Reception Class 開始讀，一年後就升上Year 1, 一直讀到Year 6。

Year 6 之後，就要升上中學的的第一年，Year 7.

(英國有部份小學分為Infant (reception Class - Year 2) & Junior (Year 3 - Year 6), 主要是有些地區比較分散, 故此開了一些小型Infant School 給年紀小的學生上學, 然後到Year 3 時就升上Junior School。如果小朋友讀Infant School, 那Year 2 時要便申請Year 3 的學校, 詳細請參考個別Council)

若你的小孩將在明年9月前滿4歲 (8月31日前)，那麼，就應該在明年一月中前替小孩申請入學。準確的報名日期，請參考各區的Council。若不清楚自己屬於那一個Council, 可以參考以下政府網頁，輪入地址的郵區編號就可以知道是屬於那一個Council。而在Council 的網頁內, 可以找到Apply School 這部份.

https://www.gov.uk/apply-for-primary-school-place

每一個Council 的入學申請表都會有少少出入, 不過報名, 派位時間大致相約, 以下為申請Reception Class 的大約流程:

以2021-2022年度Reception Class 入學為例 (請以自己council 公佈的日子為準)
2021年1月15日前交申請表 （每位小朋友可以選４間學校）
2021年4月中前收到Council 通知派位結果
2021年9月開學

若小朋友應該在2021年9月入讀Reception Class，但並沒有1月15日前交表，就算是late apply，而Council 會按不同的交表日子而再派位，請在Council 網頁查詢Late Apply 的派位日子。故請盡早安排申請小學。

Council 在1月中收齊申請表後, 便會開始處理入學申請

通常來說, 有兄姐在同一小學的話, 小朋友會優先派位。

之後，到有特殊需要兒童。

再之後，按照申請人的地址和學校距離，由最近學校的小朋友開始派，直到最後一個學位為止。所以，若有心儀學校，住得越近學校越易入。

至於要多近才能入到心儀學校呢？就要查出過往學校的Catchment Area, 即過往幾年, 學校收生最遠的距離是多少, 只要比這個距離近學校, 便比較安全, 當然, 因為每年申請入讀的人數都唔一樣, 所以Catchment Area 的直線距離會有所出入。

有朋友問，有些學校沒有Catchment Area, 為什麼呢? 這個主要原因是學校沒有收滿學生。因為所有申請的學生都能派到這間學校，所以就沒有最遠距離，Catchment Area 了。

以上為正常申請小學的程序。當小朋友升到Year 6, 便要開始申請中學。申請中學和小學大致相同，只是時間上會提早一點：
以2021-2022年度year 7 入學為例 (請以自己council 的日子為準)
2020年10月31日前交申請表（每位小朋友可以選４間學校）
2021年3月中前收到Council 通知派位結果
2021年7月頭, 小朋友到新中學參加transition day
2021年9月, 到新學校上學

政府中學的派位標準和小學一樣，先派有兄姐在學的，再派有特殊需要的，之後再按地址，所以不少人會因為中學而搬家。

至於有人問升中是不是要考試，11+, SAT 是什麼??

首先, 11+ 是考Grammar School 用的, 若你不考慮Grammar School, 或居住的城巿根本沒有Grammar School, 是不用考的, 11+ 並不是一個強制考的試，不是一定要考的。

而SAT 是year 6 的小朋友, 在下學期考的公開試。主要用途並不是考中學用，因為考試前己派了學校。這個試，主要是用來考核學校的小朋友整體成績，故是用來評核學校，而不是小朋友，這個和香港的TSA 有點相似。不過，英國的學校並不會因為SAT 而操練小朋友，這一點和香港完全不同。

下一篇, 會教大家如何替小朋友申請插班, 敬請期待!

==================================================================

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

英國教育 -- 孟母三遷 -- 英國小學, 中學派位方法

孟母三遷 -- 英國小學, 中學派位方法

以下講既派位方法, 係指和其他適年兒童一齊交表申請英國小學, 中學,
若想知關於插班方法, 請看以下呢篇:
如何在英國申請State School 插班 Step by Step

關於英國小學入學時間, 想知自己小朋友應該讀咩年級, 請看以下呢篇
英國小學校園生活, 付英國小學入學年份表

首先, 講下英國小學 & 中學既派位標準, (中學只計算state school, 沒有把grammar school 計算在內)
當council 收到入學申請表, 小學也好, 中學也好
第一批派既學生, 係有哥哥姐姐讀緊既弟弟妹妹
第二批, 係有特殊需要既小朋友
之後, 就係按catchment area, 即地址遠近而決定

計算catchment area, 是以住宅和學校正門的直線距離 (有D 地方按路線距離, 不過應該唔會差好遠)
越近, 就越容易入
假使, 派完以上第一, 第二派小朋友, 仲有50個位剩下
咁第一個位, 派比學校對面街頭小朋友
第二個位, 派比對面街尾小朋友
第10個位, 派比5條街後既小朋友
第50個位, 派比10條街頭既小朋友

到住學校對面第11條街既小朋友.... 抱歉了, 呢間學校FULL 左了, 只好派第二間仲有位既學校

每一間學校, 收生既數目都未必一樣, 有D 一級2班, 有D 一級4班

我曾參觀過一間小小的學校, 每一班30人, 但係2級小朋友一齊讀,
即, 30人入面, 有15人係year 5, 15人係year 6

因為學校收生既人數唔一樣,
住宅區內的同齡小朋友數目唔一樣
所以catchment area 既直線距離就會每年都有一點出入
有時, 可能個一年無咁多同齡小朋友
學校收唔滿小朋友,
仲有機會無catchment area 添

好了, 知道了派位的準則之後, 就講下幾時, 同點樣申請學校

英國的學制, 和香港有點不一樣,
詳細, 可以看以下呢篇
英國的學制
簡單來說, 英國小學第一年, 是reception class, 是小朋友滿4歲後的9月開始入讀
報名時間, 大約是同年的一月中左右 (正確dead line 請查詢自己的council)
同年的4月會知派到邊一間小學
同年的9月入學

所以英國小朋友是比香港小朋友早入小學的
故此, 英國小朋友, 亦比香港小朋友早入中學
想小朋友到英國由中一, 即year 7 開始讀既朋友, 請留意!!!

而中學派位, 就通常係year 6 一開學就開始, dead line 係10月31日 (不肯定是否每一個council 都一樣, 請向自己的council 確定)
第二年既3月頭知結果,
7月頭會去新學校的 transition days
9月就正式在中學上學


現在, 應該對英國的小學, 中學派位方法好清楚了吧
因為state school 派位只按地址, 不按成績
(11+ 不是強制要考, 而year 6 接近學期尾旳SAT 考試, 並不是為考中學用的)
所以, 若想仔女入讀心儀學校
需要的, 並不是狂操子女成績,
而是搬家

你知道遊戲規則,
當地人當然更清楚

所以, 好學校附近的住宅, 價錢會比out of catchment area 的地方貴一段距離
有機會隔2條街, 價錢己不一樣, 就是因為校網

(學校好, 住宅自然貴D, 咁住既人, 當然都中產D, 所以, 治安同附近環境又會好D,
咁之後, 樓價又會貴D, 整個區就更中產)

雖然本地人對操谷仔女讀書比起香港真係小巫見大巫
不過講到孟母三遷, 就一D 都唔輸蝕
小學階段, 因為返學都係活動教學, 所以不算好緊張
(但若咁啱要搬屋, 校網就必定係考慮因素之一)
但去到中學就真係會因為學校而搬家

所以呢, 如果小朋友到英國己是高小 (year 4 / year 5)
搵屋時, 應以中學校網為先
因為反正小學插班, 近小學都唔一定入 (要學校有位)
倒不如直接由中學開始入手,
確保入好中學為先

希望大家都搵到心水學校!!

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

英國教育 -- 英國邊個城巿校網好??

如果沒有在英國住過, 又沒有親友在英國,
若想移民英國,
通常都對第日住邊個CITY 好迷茫

所以好多人來信或PM 都問一個問題
邊個CITY 校網好D? 學校好D?

呢個問題, 等於你問我, 香港邊個校網好

咁最簡單, 其實我答九龍塘就OK

不過, 事實並唔係你住九龍塘, 就入到名校

首先, 移民的時候, 你的小朋友多大呢?

如果移民一刻, 你的小朋友係3歲以下,
你搬去一間最心儀的學校附近,
係滿4歲前的1月中交小學申請表 (正確日子請查詢自己的council)
咁滿4歲後的9月就可以入讀心儀學校了


不過,
如果你的小朋友並不可以跟其他同齡小朋友同一時間交小學入學申請表
那麼,
你的小朋友就要插班

雖然, 英國小學, 中學都係按地址派學位
(私立, grammar school 除外)
但問題係, 你覺得, 你搬去喇沙小學, 人地學校會咁啱有一個空位等你??
呢D 熱門學校, waiting list 一匹布咁長喎
只要學校人數己滿, 住係隔離又有咩用???

所以, 與其搵一間名校, 倒不如搵一間不錯, 而又有位的學校比較重要
而且, 來到英國, 每一家都好像香港的國際學校,
活動教學,
全英語環境
學校空間大,
戶外設施又多
先把香港的一套價值觀放下
來到英國, 應該多享受童年, 享受學校生活

尤其英國的小學, 以輕鬆, 活動教學為主
所以, 家長們, 放鬆D

而中學呢? 如果係state school, 一樣係以地址為派位標準
申請中學學位的時間, 大約是year 6 一開學就報名, dead line 係10月31日,
故, 若你的小朋友不是在year 6 一開學就在英國讀書,
就不能參加中學派位,
那就要等所有小學生派位後, 有剩的, 才能派給後來申請的小朋友

那麼, 你覺得, 派到outstanding 中學的機會有多大??

唔係outstanding 既學校, 係咪好差??

基本上, 英國的state school 只分為三個等級,
Outstanding, Good & Need Improve
而Good 既學校, 佔了一半以上

Outstanding 既學校, 唔駛講, 一定係各方面都唔錯啦
不過, 我都建議大家參觀多幾間唔同學校, Outstanding & Good 都可以參觀下
比較過, 先知邊間學校最適合


講左咁耐, 究竟邊個城巿校網比較好??

以下, 係全英國TOP 50 state primary school (唔保證最update, 參考用)
詳細列表可以參考以下網頁:
https://www.locrating.com/league_tables.aspx

因為有好多間學校同分
所以排名一樣

從以下參考用TOP 50 全英小學排名就大約睇到
基本上D 好學校係分佈全英國都有
唔同城巿, 唔同郡都有成績好好既學校
而, 英國小學既catchment area 其實好細,
有機會隔2個住宅區己經係另一間小學既catchment area
所以如果你心儀某一間小學
你基本上住佢步行距離最安全
(catchment area 有多遠, 可以參考 https://www.192.com/schools/)

所以呢, 你揀住既地方, 唔係應該問邊個城巿校網好
而係你己經有心水城巿,
再睇呢個城巿邊間學校好

仲要CHECK 下間學校有無oversubscribed (越好既學校, 當然越爆, 你識搵好學校, 難道當地人唔識咩)
雖然英國家長係學業上比香港家長HEA, 
不過孟母三遷係英國係好普遍
好學校附近既屋係特別貴
而且人地係報學校前己經住緊, 
你想插班就更難

不過, 英國小學都係輕鬆讀
無乜測驗考試, 功課又唔多
我自己覺得, 只要校風OK, 學業不錯, 其實在good 既學校入面揀一間己經不錯
反而, 中學就真係要緊張D
始終小朋友大左, 揀校風, 揀成績就真係重要D

所以, 可以的話, 最好跟大隊一齊申請中學派位
咁你只要搬近心儀中學就OK
整件事簡單好多

中學邊間好? 一樣可以係 https://www.192.com/schools/ 睇到
輸入你住既post code 就可以search 到附近學校,
就可以睇到GCSE & sixth form 成績
而小學升中學階段, 最緊要睇GCSE 成績,
因為當GCSE 考得好, 好多人會在sizth form 轉去更勁既學校, 好似私校, 或grammar school
所以比較GCSE 既分數就比較好

萬一, 小朋友到英國己是中學生, 要插中學又如何??
老實說, council 只能派還有空位的中學給你
就算你住超級勁中學隔離, 學校無位, 一樣派唔到比你
(可以排waiting list, 如果咁啱)
最理想做法, 考好GCSE, 跟住sixth form 轉去另一間勁學校
而插班時, 只能盡量揀間比較好的學校

有好多人一聽到英國中學分state school & grammar school,
知道grammar school 成績好好, 就諗住仔女一定要考入grammar school
不過呢, 要考慮既係

1. 如果小朋友到英國己係中學生, 或己經year 6, 基本上, 要插入grammar school 係非常困難, 因為基本上學校就無位收你
2. 如果小朋友到英國己是year 5, 雖然剛好可以報名考grammar school (考Grammar School 的11+ 不是強制要考的), 不過若只有一年時間預備, 要和其他小朋友比拚就唔係咁易了 (可以上網search 11+ mock paper, 大約知考D 咩, 就知小朋友大約程度)
3. 如果小朋友到英國時係初小, 可以上補習班去考11+, grammar school 一樣有catchment area, 如果住得遠, 考得好都無用

因為grammar school 全英國就只有百多間, 而且並唔會再增加, 所以並不是每一個城巿, TOWN 都有grammar school, 而且, 有些學校, 雖然校名有grammar school, 不過實際上是一是私立學校, 因為後來由grammar school 轉了私立, 但沒有改名, 所以搵學校時要留意

好了, 最後, 

係咪私立或grammar school 先可以考好一流大學??

咁梗係唔係啦

入讀普通中學, 係咪一定考唔好勁大學?

誰說的??

雖然grammar school & 私立學校入一流大學既比例高D, 

不過考入呢D 中學本來就是尖子中既尖子

所以不足為奇

而普通中學, 只要sixth form 考得好, 一樣可以入好大學 (GCSE 考得好, sixth form時可以轉勁D 既中學)

希望睇完呢篇, 大家對如何搵好學校有多D 概念

** 如果父母需要工作, 居住既城巿, 係應該以工作地點為中心, 選擇每天可上班既距離內的良好住宅區, 其實每個城巿都有好學校, 不一定要追名牌,

難道你在A 城巿返工, 因為左仔女學校, 每日上下班2-3小時???

如果學校在南部, 工作在中部, 甚至北部呢??

所以, 係研究邊間學校好之前, 應該先諗下邊個城巿最易搵到你心水既工, 

然後以工作地點為中心, 向外研究車程一小時內, 或1.5小時內的住宅區

呢方面, 可以在facebook 內唔同城巿既page 問下當地人 (不一定要問香港移民, 問問當地人仲清楚)

希望大家都搵到心水城巿同心水學校!!

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

小朋友的依親簽證 (Dependants Visa) 是什麼? 有什麼條件和要求??

BNO 簽證一出, 網上除了一片歡天喜地,

亦有唔少人一心諗住太太帶仔女到英國, 

老公一人在香港搵錢

呢個問題, 之前己有一篇講過, 今天特別討論小朋友的依親簽證 (Dependants Visa) 

Dependants Visa 係英國移民簽證中比較簡單的一種

簡單來說, 不論申請人用何種方法移民英國, 

如各種T1 Visa (投資移民簽證), T2 Working Visa (工作簽證), T4 Student Visa (學生簽證) 等等, 都可以用Dependants Visa 申請配偶, 子女一同到英國, 詳細條文, 可以參閱以下網址:

https://assets.publishing.service.gov.uk/government/uploads/system/uploads/attachment_data/file/869768/SWS_Dependant_Guidance_02-2020.pdf

而其中, 係第10頁既介紹之中, 就己經寫明:

對於任何受撫養子女的申請, 必須符合以下其中一項；

• 申請人的父母雙方必須在英國合法居住（不是訪客），或在同一時間獲得入境許可或居留許可（作為訪客除外）
• 一名父母必須在英國合法居住（作為訪客除外），而另一名正在准予在同一時間入境許可或留下來（但不作為訪客)

以上兩點己注明, 要申請小朋友既VISA, 必須父母雙方同時在英國居住, 不可以其中一方帶小朋友到英國

除非：

• 主申請人是申請人唯一的尚存父母； 要么
• 主申請人是對申請人的子女負有全部責任的父母教養; 要么
• 有嚴重的或令人信服的家庭或其他考慮，並且在英國已做出適當安排以照顧申請人

原文如下:

好了, 又有人問, 

咁全家一同申請過英國, 爸爸自己一個回香港工作, 5年後, 太太和仔女申請永居, 再一年申請入籍, 又得唔得呢??

放心啦, 英國政府己經幫你諗好架啦!!

當小朋友要申請永居, 必須父母雙方己有永居, 或一同申請永居, 不可以媽媽和小朋友先取永居的。（當然, 申請永居還有其他要求, 都全部符合, 才可以全家一同申請永居）

而BNO 條文己講明, 5年後, 若不能取得永居, 是不可以續VISA, 必須離開英國!

所以, 若有人諗住全家申請BNO VISA 去英國, 然後爸爸一個回香港?? 可以架, 5年後, 咪全家回香港團聚囉, 而中間呢5年, 個爸爸自己一個係香港, 5年後仲係咪可以一齊生活? 真係天曉得

今次BNO 簽證, 申請資格同要求真係史無前例咁低, 

幾乎係你肯黎英國, 生存到就得

甚至比申請配偶簽證更容易, 

為什麼??

因為這是英國給香港人既逃生門, 救生艇

為什麼要逃生, 大家好清楚!

如果香港咁好搵錢

生活咁安定

點解英國要出一個咁寬鬆既簽證比大家??

還要18歲以上, 都可以跟父母一齊去英國?

年老父母一樣可以申請??

現在, 是一個好好既機會, 比全家一齊去英國開展新生活

要走, 一齊走, 

要留, 一齊留,

有咩重要得過一家人齊齊整整??

為左搵多少少錢, 一家人散晒, 值得??

仔女成長無左其中一個父母係身邊, 

對身心成長都有好大影響

不同年齡既小朋友, 都好需要父母一同在身邊, 做好身教, 做好榜樣

希望大家考慮移民時

好好諗清楚

對你來說, 什麼最重要?

家人, 定錢??

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

如何把寵物移民到英國

移民到英國，心愛的寵物怎麼辦？

移民到英國要處理的事情多如繁星，除了家人要飛到英國，家庭成員也包括心愛的寵物。要申請寵物移民到英國，如貓，狗或雪貂（其他寵物的移民條件有所不同）要符合以下的各種要求：

首先，你的寵物必須：

• 己有寵物精片
• 己擁有寵物護照（下方附有英國接受的寵物護照國家／地區資料）
• 已接種狂犬病疫苗
• 血液檢查　（請按此查閱需要血液檢查的地區)

＊狗隻通常要接受條蟲治療。
＊若你的寵物不是直接由原居地抵達英國，需要有第三國的官方獸醫證書
＊若你的貓由澳洲出發，或貓，狗由馬來西亞出發，請參看附加要求。

若寵物沒有按以上規定，有機會要隔離最長達４個月。若是經海運，則有機會被拒入境，兼要承擔所有費用。

除此之外，您的寵物必須在您到達英國前後不超過5天到達英國，否則要符合另外要求。
若你和你的寵物不是同時抵達英國，你也可以書面授權他人和你的寵物一起到達英國。

而除非您在英國和愛爾蘭之間旅行，否則必須使用經過批准的運輸公司和路線。
還有，您需要填寫一份聲明，確認您不會出售或轉讓寵物。

出發到英國之前：

• 請檢查您稅航空公司／船公司是否接受您的寵物旅行。若您攜帶一隻以上的寵物，他們可以接受多少寵物
• 你需要寵物健康證明，以確保您的寵物適合旅行而且健康，例如獸醫或寵物護照中心的證明。
• 注意，你不可以帶超過５隻寵物到英國，除非是參加比賽，表演，體育賽事。 請按此看更詳細要求。

如何取得寵物護照：

你可以從獸醫領取寵物護照（英國認可的國家的獸醫所發出的寵物護照）

領取寵物護照時，您需要：

• 帶同你的寵物
• 帶同寵物的身份證明和疫苗接種記錄
• 寵物的狂犬病驗血結果　（有需要的話）

只有符合以上入境要求，護照才有效，而寵物護需要列出了您寵物所接受的各種不同治療。

在某些情況下，例如，如果您的寵物進行了驗血，則應攜帶以前的寵物護照旅行。 請詢問您的獸醫是否適用於您的寵物。
只有英國認可的國家/地區的獸醫可以在寵物護照上填寫資料（條蟲治療除外）。

當寵物護照所有治療位已填滿時，您需要換取新的寵物護照。

出發到英國前，請檢查獸醫是否已填寫寵物護照中的以下部分：

• 寵物主人的詳細信息-如果您的寵物護照是在2014年12月29日或之後簽發的，則必須簽署第一部分
• 動物的描述
• 標記或識別動物
• 狂犬病疫苗
• 狂犬病驗血（如果需要）
• 簽發護照的獸醫的詳細信息（適用於2014年12月29日之後簽發的護照）
• 您的狗的條蟲治療（如果需要）

英國接受以下國家的寵物護照：

所有歐盟國家以及歐盟外以下常見國家 / 地區 (節錄, 請按此查看所有地區名單)：

• 澳洲
• 加拿大
• 香港
• 日本
• 馬來西亞
• 新西蘭
• 新加坡
• 台灣
• 美國（包括美屬薩摩亞，關島，北馬里亞納群島，波多黎各和美國處女群島），

英國可接受的寵物護照國家/地區英文list 可以參考以下英國政府網頁:
https://www.gov.uk/take-pet-abroad/listed-and-unlisted-countries

以下列出幾家不同的寵物移民公司，請先比較不同價錢，服務才決定用哪一家。

Petcific https://www.petcific.com.hk/

PetHoliday https://petholidays.hk/

Ferndale https://www.ferndalekennels.com/zh/ 

Pet Mover http://www.petmovershk.com/

Export a Pet https://www.export-a-pet.com/zh-hant

寵物是家庭成員的一部份，請預早安排寵物移民，以便可以和主人一同到英國展開新生活。

＊請注意，若初到英國打算先租屋，請先跟業主／租務代理確定住所可以養寵物。因部份業主注明是不可以養寵物的。

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

突發!!! 英國政府己出了BNO VISA 基本資料

英國政府剛剛於2020年7月22日公佈有關BNO (British National (Overseas) citizens) 簽證的詳細資料，重點如下

https://www.gov.uk/guidance/british-nationals-overseas-in-hong-kong

重點:
1) 2021年1月可以申請
2) 可以在英國境內申請
3) 簽證期: 30個月簽証, 之後再續30個月, 或一次性5年期簽證
4) 可以工作或讀書, 但不可以申請Public Fund
5) 居住滿5年後, 可以申請永居, 12個月後可以申請入籍
6) 現居於英國, 己持有其他簽證的, 可以轉BNO VISA

申請條件:
1) 要有BNO資格 (己過期或遺失都可以)
2) 居住在香港
3) 有居住/財政證明至少夠在英國生活6個月
4) 承諾會學習英文
5) 要有肺結核健康證明
6) 支付IHS 費用

若BNO VISA 申請人可以帶同以下家人:
1) 配偶
2) 未婚伴侶
3) 18歲以下小朋友 (首次申請時未滿18歲)
4) 18歲以上仔女, 仍依賴BNO 申請人扶養 (如仍在讀大學, 靠父母供養)
4) 其他家庭成員, 要證明高度依賴BNO VISA 申請人 (如年老父母)

請留意, 若要申請Dependence Visa 給小朋友到英國, 必定要全家一同申請!! 不可以父母其中一方帶小朋友到英國!! 一定要全家一同申請, 5年後一同申請永居!!

身分證明:
1) 要持有有效護照證明身分
2) 可使用有效, 或己過期BNO 證明BNO 身份
3) 苦遺失BNO, Home Office 可能要找回你的紀錄


要申請BNO 簽證, 要證明常居於香港
香港居民證明:
1) 香港身份證
2) 雇主或教育機構出信證明你在工作/讀書
3) 香港醫療咭
4) 投票咭
5) VISA 或居民資格或其他移民文件
6) 教育記錄, 如成積表
7) 政府機構發出的信件
8) 稅務記錄
9) 租約或按揭單

其他證明文件按不同情況決定

居住/財政要求
1) 銀行月結單
2) 即使移居英國仍持結的收入, 如人工, 投資, 退休金
3) 投資資料
4) 海外教育機構補助金
5) 配偶, 伴侶, 或其他家庭成員對你的資助
6) 通過英國合法工作的收入
7) 家人或朋友提供的住所

其他證明文件按不同情況決定

關係證明:
要證明申請人和其他Dependants 申請人的關係

如配偶, 要有結婚證書
如未婚伴侶, 要最少同住2年

如兒女, 要有出生證明/領養證明等

BNO 簽證申請人及Dependants可以:
工作
讀書

BNO 簽證申請人及Dependants不可以:
領取公共福利Public Fund
免費使用NHS

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

如何在香港開英國銀行戶口

一咭在手, 通行全英國

在英國, 不論是搭火車, 倫敦地鐵, 購物, 去餐廳食飯, 甚至CALL 車, 都可以使用銀行咭

英國的銀行咭, 叫Debit Card, 基本上是一張扣帳咭
付款時, 直接從銀行扣錢, 所以戶口要有足夠金額才能使用
若沒有足夠錢而付款
有機會被銀行罰款, 請小心注意

而在英國, 不同銀行的Debit Card 都可以在不同的ATM 機提款, 改密碼, 查帳等
不需要特別找同一家銀行的ATM 機, 十分方便

大部份ATM 機都標明Free Cash Withdrawals, 免手續費提款
聽說以前有部份提款機要收提款手續費
但我在英國己一年多了,
暫時還沒有見過哪一部ATM 機要收手續費
不過, 為安全計, 提款前請先確保ATM 機注明Free Cash Withdrawals

移民英國前，若先開英國銀行戶口會比較方便。
不論是租屋，買屋，或一到步添置各種物品，一張Debit Card在手，做什麼都比較方便。
而且若從香港銀行提英鎊到英國使用, 有時銀行只提供50鎊紙幣
而英國好多店舖不收50鎊
而大公司, 大超巿雖然不會拒收
不過每一張都像驗屍般左CHECK 右CHECK
好多人根本從未見過50鎊
好似發現新大陸咁
根本上好多時要找經理來處理

所以, 用debit 付款就比較方便得多
尤其現在疫情還未完結, 好多店舖都主張用contactless 付款
用debit card 付款, 45鎊以下一DO 就OK 了,
不用插咭, 不用入密碼

若想一到英國就有debit card 可以用,
當然在香港先開戶比較好

在香港，可以開英國銀行戶口的銀行包括：
１）匯豐銀行
２）東亞銀行

匯豐銀行優點：
１）　英國分行網絡強大
２）　電話網上理財方便易用

匯豐銀行缺點：
１）　有開戶手續費　（Premier Account Holder 免手續費）
2) 每月要存款入戶口

東亞銀行優點:
1) 戶口結餘最少10鎊
2) 沒有開戶手續費

東亞銀行缺點:
1) 英國的分行數目少
2) 電話網上理財功能少
3) 網上轉帳第三者要先到分行加上第三者戶口號碼


在香港匯豐銀行開英國匯豐銀行戶口方法:
1) 一定要先有香港匯豐銀行戶口
2) 致電匯豐銀行中環總行國際部預約開戶
3) 親身到匯豐銀行中環總行國際部交開戶申請表, 要帶同地址證明, 護照等文件
4) 會接到英國匯豐銀行致電核對資料 (記得拎定紙筆記下資料)
5) 會收到由英國匯豐銀行寄到香港的 Welcome pack / Debit card / 密碼等
6) 網上銀行功能可立即在英國匯豐銀行網頁處理
7) 到英國後，要到提款機改密碼才能正式開始使用

網友通知:

21年4月update: 有HSBC HK Premier戶口已可網上申請HSBC UK Premier，承諾兩星期開通，不用再落分行搞

P.S. 我是去年年頭在香港匯豐銀行開英國匯豐銀行戶口, 當時效率比較快,
匯豐銀行中環總行國際部和我在電話中核對好身份後,
就預約一星期後去總行交申請表
仲幫我填埋表 (電話一路問, 佢一路填) 填完EMAIL 比我
叫我PRINT 出來, 拎去中環簽,
注明一定要係分行內先可以簽名, 因為分行職員要見住我簽

文件只需要交HK 地址, BNO, 身份證, 不用VISA

不過由去年年中開始, 因為政治問題多左好多人開戶
聽說己沒有幫客戶填表這個服務
而且預約時間長左好多
若有心先在HK 開戶, 要留意一下

另, 有朋友報料, 現在HSBC 不接受只持有BNO 人仕申請開英國戶口
宜先查詢清楚


https://www.hsbc.com.hk/zh-hk/international/

在香港東亞銀行開東亞英國戶口方法:
1) 一定要先有香港東亞銀行戶口
2) 聯絡香港東亞銀行海外分行管理及發展部
3) 預約開戶
4) 親身到東亞銀行海外分行管理及發展部交開戶文件, 要帶同地址證明, 護照等文件
5) 會收到由英國東亞銀行寄到香港的 Welcome pack / Debit card / 密碼等
6) 網上銀行功能可立即在英國東亞銀行處理
7) 到英國後，要到提款機改密碼才能正式開始使用

要在東亞銀行開戶,
需要有英國地址, 加英國護照, 或己申請VISA / 有VISA 才可以開戶
當日老公在東亞開戶口時, 我還未有VISA, 拿著BNO 不可以開戶
所以要留意一下

https://www.hkbea.com/html/tc/bea-international-services-services.html


到了英國後, 可以按自己需要再開其他英國銀行戶口, 以下是幾家英國主要銀行。

英國主要銀行：
HSBC Holdings — 1880年成立, 總部在倫敦,在英國有超過900 間分行，香港人最熟悉，分行眾多。

Barclay’s PLC — 1925年成立, 總部在倫敦, 在英國有約1600間分行

Royal Bank of Scotland — 1880年成立, 總部在愛丁堡, 在英國有約700間分行, 主要集中在蘇格蘭

Lloyds Banking Group — 1695年成立, 總部在倫敦, 在英國有超過1100間分行

Standard Chartered PLC — 1969年成立, 總部在倫敦, 在英國有超過1200間分行

Santander UK — 1988年成立, 總部在倫敦, 在英國有超過800間分行

Nationwide Building Society — 1884年成立, 總部在斯溫頓(Swindon), 在英國有約700間分行

Metro Bank — 2010年成立, 總部在倫敦, 在英國有約70間分行。Metro Bank 因為比較新, 服務比較進取, 一星期7日都開門。


我在英國試過在HSBC 開戶, 開戶過程簡單, 入分店和客服講想開戶, 拎齊英國地址證明, 護照等就可以開戶。之前聽人講要先預約，不過上一次唔知係因為分店無乜人還是什麼，即日就可以開戶。整過過程大約一小時，己即時有戶口NO, 只要等銀行寄debit card 就可以用。

===============================================================

香港英國零距離 -- 香港<--> 英國速遞服務

全新 Easy Parcel 速遞服務幫到你!! 我地爭取到比DHL 正價大約6折的運費，只要經我們出DHL 提單，可享最優惠運費，令你感受到香港和英國零距離。

詳細資料:

https://jcinuk.blogspot.com/2021/05/blog-post_8.html

以下是過往文章大合集, 若對移民英國有疑問, 可以先看以下文章有沒有想知既資料

移民英國新手懶人包 (居住/學校/醫療/工作/交通/購物)

https://jcinuk.blogspot.com/2020/11/blog-post_18.html

英國教育系列 -- 綜合篇

https://jcinuk.blogspot.com/2021/01/blog-post_4.html

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

===============================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

我之前用的移民顧問，是英國注冊的移民顧問，可以用中文或英文溝通，如果有需要找專業人仕幫手申請各種簽訂，可以Email 比我，請記得留低姓名，電話，和電郵以便聯絡，以及要說要想申請哪一種簽證。

一開始的查詢是免費的，可以先把個人背景，想申請的簽證，大約想申請的時間，到英國的日子和移民顧問傾詳情，若決定要找移民顧問幫手申請才付費的。

===============================================================

更多英國生活分享 https://www.facebook.com/JasperXJayden/

HK VS UK 小動物大比拼

HK VS UK 小動物大比拼

今次的大比拼, 是小動物, 包括寵物, 和昆蟲 😜

#1 狗

香港受限於居住環境, 室內的活動空間有限
好多住宅不許養寵物
即使可以養狗, 好多地方又唔比狗入
所以小狗在香港就無乜活動空間

但,
英國就唔同了
如果你住HOUSE, 本身屋前屋後己有花園可以玩
附近又有大大公園給小狗跑來跑去
我經常看到有人帶大狗小狗去公園

連英國疫情最嚴重的時候,
政府都容量狗主每日帶小狗外出散步一次
所以小狗在英國的活動空間大好多

#貓

在香港養貓, 有好多要注意的地方,
如不能太窗, 又或者一定要安裝紗網
貓除了去看醫生, 沖涼修甲之外, 正常不會外出, 外出時也會用袋/籠裝好才出門
一旦走失了, 便要四出尋貓
好像完全不會認得回家的路一樣

不過

在英國就完全不一樣
英國的家貓和野貓都一樣會四圍走
有朋友養貓, 除了定時回家食野, 晚上回家睡覺外,
平日就一早出門四周玩

以前我家的後園, 每日至少有3隻家貓在圍欄上經過,
有時還會跳入我家後園

難道英國的貓會認路, 香港的貓不會??
還是因為香港的貓因為平常不出門, 一出門便會迷路??

#4 蚊

係香港, 如果去郊外, 或多草叢既地方,
有時連樓下公園, 都要用蚊怕水
因為香港D 蚊真係可以狂咬人

不過呢, 英國係無咬人吸血既蚊
所以即使英國多森林, 草地, 樹叢,
外出都唔駛擔心 (特別惹蚊的人聽到特別開心)

所以,係英國超巿, 蚊怕水係放係travelling 既部份
只係去旅行先需要買
(聽說蘇格蘭有D 會吸血的蠓, 好細好細隻, 不過去年去蘇格蘭旅行都沒有遇到)


#5 曱甴 / 小強

係香港, 最怕見到小強, 尤其在家中出沒

不過, 超幸運, 英國係無小強架
相比蚊患, 我覺得英國無小強更令人高興

#6 老鼠

香港當然有老鼠,
不過好多屋苑的鼠患不算嚴重

係英國, 我住的附近真係唔覺有老鼠出沒
(可能夜晚才出動, 我己回到家, 還是貓太多?)
聽朋友說, 倫敦的舊屋比較多鼠患, 而且還是在屋內出現
如果我家出現老鼠,
肯定嚇死我

#7 松鼠

香港好難見到既松鼠,
係英國真係好平常
尤其不時跳入我家花園搵野食

#8 野兔

在香港, 我真的沒有在街外見過有兔子
不過, 英國真係不時見到兔子出沒
而且通常是一家大細出沒添

#9 鴨

在英國, 有好多大大小小的湖,
通常湖都有一大堆鴨子住客
當見到有人拿食物, 就會全部游過來食

#10 天鵝

英國的天鵝, 都是屬於英女皇
是受保護動物
通常湖都有天鵝, 和鴨一同生活,
不過, 因為天鵝比較大隻,
常常搶鴨仔既野食

#11 狐狸

英國郊區不時有狐狸出沒
不過唔似松鼠, 兔仔咁常出沒
尤其日頭更少見

但
最常看到的, 反而是路上的狐狸屍體
可能狐狸都是夜間出沒,
晚上時馬路少車
當狐狸過馬路時沒有注意到,
就好容易被車撞倒

#12 馬

在香港, 基本上只有馬場, 和給遊客去的農場才有馬
不過呢, 係英國, 真係有唔少人在家養馬
而且不少地方還有馬道, 專給馬行的道路

今天帶兩兄弟去公園玩時, 就遇到2隻馬散步

暫時先寫12種小動物, 諗到再加上吧

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/