如何申請NI Number?

首先, 什麼是NI Number 呢?

NI Number, 全名National Insurance number, 社會保險號碼
主要是紀錄你的打工交稅記錄。


NI Number 是由英文字母和數字組戶，而且不會更改。NI Number 會出現在:

• 糧單
• P60 (由雇主發出的全年出糧記錄, 雇員需要最少保留3年)
• 關於稅單, 退休金或其他福利的信件

NI Number 有什麼用呢? 以下部門會索取你的NI Number 作身份認證或登記用途:

• HMRC (英國的稅務及海關局)
• 雇主
• 工作及退休金部門 (當你需要申請福利時)
• 地區議會
• 選舉登記主任
• 學生貸款公司 (當你需要申請學生貸款時)
• 退休金管理公司 (如果你有私人退休金或)
• ISA 戶口管理公司 (如果你開ISA 戶口)
• 授權的金融服務提供商 (如你要買賣投資產品)

所以, 當正式在英國居住, 尤其要找工作, 或投資開公司, 就應該要去申請NI Number.
申請NI Number 的方法:

2021年4月29日更新

英國政府己推出了新的網上申請NI Number 服務

可以經這個條LINK 申請

https://www.gov.uk/apply-national-insurance-number

比以往要先打電話, 去面試, 或填表快捷得多

留意, 有NI Number 唔代表可以在英國工作

因為英國簽證有很多種, 如working visa, 有NI NUMBER, 但只可以為特定公司工作, 便不可以隨便找工作

又或者投資移民簽證, 可以申請NI, 但BRP 注明不能工作的

要確定一個人能不能在英國工作, 是可以經網上查的, 詳細可以看這篇

Right to Work 英國工作權

/////////////////////////////////////////////////////////////////////////////////

以下為舊方法

打電話去NI 申請熱線，　電話號碼如下：
National Insurance number application line (England, Scotland and Wales)
Telephone: 0800 141 2075
Textphone: 0800 141 2438
Monday to Friday, 9am to 3pm

//////////////////////////////////////////////////////////////////////////////////////////////////////////////////////////

現在因為疫情問題, Job Center 關閉, 打以上電話便可以要求寄申請NI 的申請表到家, 填好, 連個身份證明文件寄回便可。

大約需要16 星期才能完成申請, 並把NI Number 寄回給你

https://www.gov.uk/apply-national-insurance-number

////////////////////////////////////////////////////////////////////////////////////////////////////////////////////////////

電話駁通後，先核對個人資料，然後就會約一個時間去就近的中心面試，　
面試時要帶同所需文件
護照
BRP
地址證明

另外, 因為NI Number 時打工交稅用, 好多時面試會問為什麼要申請NI Number, 所有如果正在搵工, 或己找到工作, 記得把證明, 如Email 帶去面試

////////////////////////////////////////////////////////////////////////////////////////////////////////////////////////////

面試後，大約一個月就會寄信通知你的NI Number，記得要保存好。

以下是過往文章大合集, 若對移民英國有疑問, 可以先看以下文章有沒有想知既資料

移民英國新手懶人包 (居住/學校/醫療/工作/交通/購物)

https://jcinuk.blogspot.com/2020/11/blog-post_18.html

英國教育系列 -- 綜合篇

https://jcinuk.blogspot.com/2021/01/blog-post_4.html

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

我想問XXX 地區好唔好?? 如何客觀地查出一個地區好唔好住呢??

我想問XXX 地區好唔好?? 如何客觀地查出一個地區好唔好住呢??

不少人留言, 或Email, FB PM 問, 我想問XXX 地區好唔好住, 治安好唔好?
又或者邊個地區好住, 學校好??

老實講, 英國咁大, 咁多縣同城巿,
唔好話我只係黎左一年
就算係到出世, 都唔會去過咁多城巿掛??
唔會知得咁清楚呢

尤其學校, 我諗大部份人只會知自己個城巿有咩學校吧, 我又唔係做升學顧問

要研究一個住宅區好唔好, 可以從唔同方面去睇, 我地客觀D 咁去比較, 之後再實地觀察, 就可以容易D 知道咩地方啱自己住

今次, 先介紹 Find a hood: https://www.findahood.com/locations
呢個網頁收集左唔同地方既數據,
在這個網頁輸入心水地方既Post Code, 可以有非常詳細既住宅情報
例如Kingston, London KT2 6RA (純粹是旦揀一個POST CODE)

首先, 睇中一個地方, 梗係要搵下盤, 我地上Rightmove Search KT2 6RA 呢個LOCATION
揀最少2房單位, 揀1/2 Miles 內 (一個Post Code 得好少單位, 所以所以無盤, 如果係用車站名搵就會多D)

今日先睇呢個月租1300鎊既兩房單位

係Find a Hood 輪入地區Kingston upon Thames 就會出到地區情報
https://www.findahood.com/locations/grove/6275935

首先, 出現係物業價錢,
Kingston 果然係富貴地區
呢個地區既物業價格比England / Wales 貴,
只比London 平均價平DD 咋

這個地區的犯罪率有多少, 犯罪既案件大約是什麼

呢個地區既犯罪率比英國, 甚至比倫敦都高

想治安好既朋友要留意一下呢方面

學校方面, 呢區既學校成績比全國平均好

年齡分佈
呢個地區既人口年齡比較集中在年經人

家庭組合
果然係年輕人居多
單身和二人小家庭己佔超過一半

婚姻
不意外, 單身人仕佔超過一半

職業
專業人仕有一半, 比全國, 甚至全倫敦都高, 公司高層% 都比較高

宗教方面
天主教+沒有宗教接近9成

其他統計資料
家庭收入比全國平均高70%
不過綠化就比全國低好多
果然係有得有失

每個人, 每個家庭都對住宅有唔同要求,
你喜歡的, 唔代表我喜歡

有人愛熱鬧, 有人愛靜
有人要日日去玩, 有人只想放假去公園行下
有人喜歡住FLAT 方便打理, 有人喜歡住HOUSE 有花園種下野
沒有對錯, 純粹個人選擇

最緊要知自己想要乜, 最好先列出優先考慮因素,
如學校網, 工作, 治安
其次係附近環境等等

決定前, 諗清楚
租屋的話, 合約完就可以搬家, 係駛少少錢啫
買左屋就好煩

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

英國的中式超巿必買系列!! 附中式超巿, 日本超巿, 韓國超巿列表

英國的中式超巿必買系列!! 附中式超巿, 日本超巿, 韓國超巿列表

我住的城巿, 有3間中式超巿,
2 間比較大, 在偏遠一點的地方,
必定要駕車前往
另一間比較細, 係巿中心商場附近

未Lockdown 之前, 基本上每2-3星期會去一次

而偶然, 我地都會出倫敦去大的中式超巿, 最常去是倫敦北的榮業行
一來比較近我們, 在離開M25不久就到,
二來真的非常大, 除了有超巿, 還有茶餐廳和酒店
不少人會去買東西順便飲茶
每次去榮業行, 必定大量掃貨,
我地仲會拎埋冰箱去添


那去中式超巿, 我們一家最主要買什麼呢??

NO 1 : 香港制造出前一丁
本土超巿都有出前一丁, 不過是歐洲造的
買過食過, 感覺還是香港版比較好味
(如果要日本版, 要去倫敦的日本超巿)
我們住的城巿, 大路既味道都頗齊全, 不過當然唔及榮業行咁齊啦

NO 2: 韓國即食麵
主要是老公喜歡辣既即食麵

NO 3: 湯料, 湯包
我地附近個兩間中超, 都有大路既湯料, 湯包
不過一定唔夠榮業行齊
尤其獨立湯料, 好似羅漢果咁
另外仲有老水

NO 4: 乾烏冬 & 烏冬汁
我地一家喜歡食冷烏冬
以前係香港, 落樓下就可以買急凍烏冬
但急凍烏冬體積太大, 唔買得多
乾烏冬買10包都唔及一PACK 急凍烏冬
反正兩兄弟都無咩所謂, 每次都入大量
加埋烏冬汁
唔知食乜就可以煮一餐
尤其之前兩兄弟要去練波, 快手煮烏冬, 食完出門去踢波

NO 5: 牛腩, 肥牛
本地超巿通常都係得牛扒, 免治牛, 想要特別D 既部分就難D
都有肉檔可以買牛腩, 但唔會好似中超咁有大大舊, 有肥瘦相間咁既牛腩
想煮好味既牛腩, 都係要去中超買牛腩

而肥牛呢, 去COSTCO 都有一大舊牛肉, 可以買回來切片,
類似手切肥牛咁既質感
不過如果想好似美國肥牛咁,
就真係要出中超買

之前係伯明翰都見到有中式肉檔, 都頗多不同牛, 豬既部份
好似豬頸肉
但本地超巿就唔多選擇
連Pork Shoulder 我地都要專登去Costco 買
因為整叉燒的話, D 肉唔夠肥係唔好食

NO 6: 急凍鰻魚
我地住既城巿都有日本餐廳
都可以食鰻魚飯
不過我地通常都會買定十條八條在家
有時唔知食咩好, 就解凍兩條拎去焗,
加埋白飯就己經係好好味鰻魚飯
不過呢邊買急凍鰻魚都唔平,
一條好似要12-13 鎊,
我地一家4口, 一餐食2條, 同出街食差唔多錢

NO 7: 中式調味料, 雞湯
本地超巿其實都有大路野
好似鼓油, 蠔油咁
不過如果想買叉燒醬, 豆鼓, 麥芽糖等等, 就要去中超買
尤其雞湯, 要出到倫敦先買到,
我家附近只有雞粉

NO 8: 點心
雖然我地住既城巿都有酒樓
不過又唔會成日去食
(話時話, 價錢唔算好貴, 香港地閒閒地飲茶都一百蚊一位
呢間都係貴少少咋)

有時去開中超, 會買少少點心回家做下午茶
有唔同牌子既出品, 好似皇朝, 美膳味道都唔錯
拍得住酒樓水準

不過點心體積大, 一盒小籠包, 一盒糯米雞都佔唔少位
通常我地買完都立即食左佢
唔好阻住冰櫃
如果有一個大型冰櫃就可以入多D 點心

NO 9: 粉麵, 河粉, 米粉, 粉絲之類
本地超巿會有全蛋麵, 不過真係想食麵, 都會去中超買
種類都幾多
好似河粉會有乾既河粉 (要用水浸軟, 但保質期長)
同鮮河粉 (得幾日, 買完要盡快食)

NO 10: 沾米粉, 木薯粉, 糯米粉
呢D 整中式點心既粉類, 當然都要去中超買

其他:
以下係只有中超有既東西,
不過我地就好少買

冰鮮魚: 可以用來清蒸既魚, 不過我地好少食
蠟腸: 買過一次, 仲未整黎食, 聽講無香港咁好味, 但真係未試
鹹魚: 老公買過一次, 話無香港個D 咁有鹹香味
多春魚: 急凍的, 買過一次, 仲未食, 仲係冰箱
中式菜: 菜心, 芥蘭呢D
維他檸檬茶: 有時會買來回味下, 不過本地超巿都有, 而且價錢一樣, 大約75P 一包, 有時本地超巿有特價60P, 如果見到特價就掃多幾包
海味: 其實都幾齊, 係呢到買就方便D, 不過有親友黎開英國都會幫我地買D, 而我地又唔係成日食, 都唔駛去中超買
米: 中超既米特別多選擇, 泰國米, 中國米, 日本米等等, 總有一款啱你, 不過我地對米要求唔高, 平日去COSTCO 買就方便D
生果: 中超有好多亞洲地區既生果, 好似榴槤呢D
急凍餃子: 主要係去Costco 買仲抵

中式超巿

其實去中超買野都己經好齊全, 要餐餐煮中餐真係無問題

以下係比較大間既中超, 日超, 韓超比大家參考下
急凍貨品, WALKIN 去買一定比網上買多款式
網上店始終無舖頭咁齊

榮業行: https://www.wingyip.com/
一共有4家分店, 分別在London (2 間), Birmingham, Manchester
我只去過倫敦北那間,
有茶餐廳同酒店 (不過未食過)
395 Edgware Road,
Cricklewood,
London,
NW2 6LN
有免費泊車

另一家係倫敦南, 一樣有免費泊車, 但無酒樓
544 Purley Way,
Croydon,
London,
CR0 4NZ

Birmingham 分店, 唔近唐人街
375 Nechells Park Road,
Nechells,
Birmingham,
B7 5NT

Manchester 分店
Oldham Road,
Ancoats,
Manchester,
M4 5HU



泗和行 : https://www.seewoo.com/
泗和網店: https://seewooexpress.co.uk/
係倫敦同格拉斯哥有分店
倫敦分店係倫敦東面既Greenwich

Furlong House,
Horn Lane, Greenwich,
London, SE10 0RT

格拉斯哥分店
The Point,
Units 2-3, 29 Saracen Street,
Hamilton Hill,
Glasgow, G22 5HT

和興 : https://www.hoohing.co.uk/
有5間分店, 主要集中係倫敦
Hoo Hing Commercial Centre
Freshwater Rd
Chadwell Heath
Romford
Essex RM8 1RX

Hoo Hing Mitcham
Bond Road
Off Western Road
Mitcham
Surrey
CR4 3FL

Hoo Hing Leyton
1 Dorma Trading Park
Staffa Road
Leyton
London
E10 7QX

Hoo Hing Park Royal
A406 North Circular Rd
Near Hangar Lane
Park Royal
London
NW10 7SX

Hoo Hing Milton Keynes
Unit 1-3 Ward Road
Mount Farm
Bletchley
Milton Keynes
MK1 1JA


龍鳳行: http://www.loonfung.com/index_ch.html
分店都在倫敦
CHINATOWN
Loon Fung Chinatown
42-44 Gerrard Street
London, W1D 5QG

TOTTENHAM
Loon Fung Tottenham
111 Brantwood Road
Tottenham
London N17 0DX

ALPERTON
Loon Fung Alperton
1 Glacier Way
Alperton
Middlesex HA0 1HQ

STRATFORD
Loon Fung Stratford
33 - 34 The Mall
The Stratford Centre
London E15 1XD

COLINDALE
Loon Fung Colindale
Unit G, 399 Edgware Road
London, NW9 0FH

網上中超, 選擇更多

Starry Market: https://starrymart.co.uk/ 頗多日本零食

華南行: https://www.wanahong.co.uk/zh/ 

Hello Oriental: https://hello-oriental.co.uk/ 好少中超網店有生果同蔬菜

Oriental Market: https://hk.orientalmart.co.uk/ 急凍點心種類比較多

只列出幾間, 上網SEARCH 有海量, 呢幾間比較大同出名

日本超巿

Japan Center: https://www.japancentre.com/en 倫敦有3間分店, 

在唐人街就有一間, 去開唐人街可以順便去行下, 入面仲有餐廳

唐人街, 就係LEGO STORE 後面隔一條街, 好方便

Japan Centre Panton Street

35b Panton Street SW1Y 4EA

係倫敦既Westfield 商場內, 係我地最常到訪既分店

因為如果我地出倫敦玩

好多時會泊車係呢個Westfield 商場, 平日泊足全日先6.5鎊

商場位於Zone 2, 外面有3個地鐵站, 去各大景點都好方便

日本野食好齊全, 仲付設餐廳

Japan Centre Ichiba

Ichiba

Unit 0220, Relay Square, Westfield London W12 7HB

倫敦東西既Westfield Stratford City 內,

呢間未去過

Japan Centre, Westfield Stratford City

Umai, 1 Fresh Food, Great Eastern Market, Westfield Stratford City. E20 1GL

Atariya: https://www.atariya.co.uk/ 

另一間日本超巿, 面積比Japan Center 細, 但有優質刺身賣

買回家食真係正

而且有獨立餐廳

分店:

Finchley : 倫敦北, 內有刺身COUNTER, 位置接近榮業行

可以先去榮業行掃貨, 再去Atariya 買多少少日本野, 再買刺身回來食

595 High Road, North Finchley,

London, N12 0DY

West Acton 倫敦西 

7 Station Parade, West Acton,

London, W3 0DS

Golders Green 其實都係Finchley 分店附近, 有Take away 餐廳

15-16 Monkville Parade, Finchley Road

London, NW11 0AL

44 Coombe Road 倫敦西南

Kington-upon-Thames, KT2 7AF

T.K. Trading https://japan-foods.co.uk/

分店在倫敦西面

Rice Wine http://www.ricewineshop.com/shop/

完全日式商店, 店面唔大,  網店種類頗多

一入網頁就係全日文

店舖在唐人行附近

Hello Kitchen: http://www.hellokitchen.co.uk/index.php

韓國超巿

H MART :https://hmart.co.uk/shop/en/

的大型韓國超巿, 係Kingston 那邊

Unit 1, Leigh Close

New Malden, SRY KT3 3NW

Oseyo: https://www.oseyo.co.uk/

Oseyo Soho 唐人街附近

73-75 Charing Cross Rd, West End, London WC2H 0NE

Oseyo TCR

115 Tottenham Court Rd, Bloomsbury, London W1T 5AH

Oseyo Angel

15 Liverpool Rd, The Angel, London N1 0RW

Oseyo Camden

158 Camden High St, Camden Town, London NW1 0NE

Oseyo Manchester

8 Oxford Rd, Manchester M1 5QA

如果有人有其他推薦既中, 日, 韓超巿, 請留言等大家都知道呀!!!

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

我在英國的買車流程

我在英國的買車流程

我地黎左英國之後, 一共買了兩架車
一架, 係到步後第二日就立即買,
另一架, 係今年初買
兩架車既買車流程都係差不多

首先, 強烈建議買車前先換英國車牌,
汽車保險會平好多
如果香港有渣開車, 有NCB 的話, 有部份汽車保險公司接受海外NCB
要和保險公司問清楚

如何用香港車牌換英國牌, 可以參考呢篇
https://jcinuk.blogspot.com/2019/01/blog-post_16.html

想買車,
第一件事, 要諗下想買咩車
新車, 定二手?
咩牌子? 棍波定自動波?
有咩要求?

新車, 就唔駛諗啦, 直接去車廠訂貨
二手車的話, 選擇真係非常多

可以揀去原廠既approved used car
可以搵dealer
也可以搵私人放車既車主

我地兩架車都係去原廠車行買approved used car
始終有原廠檢查過, 比較有保障
自己對車唔熟
情願同原廠買

如果有時間, 可以先上車廠網頁,
例如BMW
https://usedcars.bmw.co.uk/
打返你既POST CODE 可以SEARCH 到附近邊到有原廠車行
再細分可以search 不同價位, 車齡, 汽油種類, 棍波定自動波之類
因為係二手車, 基本上每間分店有既車都唔一樣
最近你個間未必有你心水車
可能要去遠D 個間
又或者唔想去咁遠,
就只可以係最近個間揀

Search 完之後, 右邊就會出指定分行有咩車比你揀
有齊價錢, 出廠日, 車牌等,
CLICK 入去會有更詳細資料

例如, 隨便Search 一架BMW 220i M Sport Gran Tourer
https://usedcars.bmw.co.uk/vehicle/202002137275633?quoteref=21bbd979-b554-4f60-adf9-460505685ead

可以睇到Cash Buy price,
供又幾錢
車既外表, 內裡設備等等
睇啱, 可以聯絡車行試車

當時, 老公係網上睇中幾架
MARK 低車款
我地直接去車行搵sales 問

去到車行, Sales 抄低個幾架心水車後,
我地先係車行內等一陣, 參觀下D 新車
隔左一陣, Sales 回來帶我地去睇個幾架心水車

因為諗住有時要載下來探親既親友
所以都諗住買架7人車
好快就己經揀定
跟住就安排試車

試車前先要炒低試車人既資料, 車牌等等
跟住Sales 先安排架車去到車廠門口
Sales 先駕駛一段路
之後就換老公試車
渣左一陣就駛返車廠

決定買車之後, 就係D 文件上既手續
因為當日買個架7人車未夠一年
還有原廠保養, 未需要做MOT
當日係星期一, Sales 說安排洗車, 做少少保養, 星期三就可以拎走
比左500鎊做訂金就回家等

回到家, 就要開始Search 車保
其實當你在網上睇中心水車
因為網上己有架車既車牌,
己經可以在網上格價
唔同車保公司, 價錢都有幾大分別
記得要去唔同車保比較網格下價

https://car.gocompare.com/vehicle
https://www.moneysupermarket.com/car-insurance/
https://www.comparethemarket.com/car-insurance/
https://www.confused.com/car-insurance
https://www.moneysavingexpert.com/car-insurance/
https://www.uswitch.com/car-insurance/
https://www.topcashback.co.uk/topcashback-compare/car/

比較車保價錢都要入好多唔同資料,
包括車既資料, DRIVER 資料
因為英國既車保係跟人, 唔係跟車
所以邊個渣車, 就要登記邊個, 不單是車主資料
如2個人渣, 要登記晒2個人
否則出事係唔包架
另外仲有車既用途, 平日會泊邊等等, 都會影响車保價錢


填好晒資料, 就會列出唔同車保公司既保費
小心比較唔同車保既細節
揀中, 就可以轉去車保公司既網站進行登記
通常Compare 車保時都係只列出基本價錢
仲可以加錢有額外保障,
好似breakdown, 個人意外保額等等
呢D 就睇自己有無需要

比完錢, 買車保既動作就完成了

拎車既日子無咩特別, 檢查架車多一次,
就比尾數

因為尾數金額比較大
用debit card 要先打去銀行同銀行講有大額過數
一邊講電話, 一邊比錢
比完錢, 就可以拎車匙走人

以上就係買第一架車既流程

而我自己架細車仔
因為車齡比較大
架車有D 野要執, 好似駕駛座移位時唔順
有D 位花之餘有少少生銹
要花多幾日執下架車
其餘流程都係差不多
唯一係車仔價錢細, 唔駛打去銀行就可以比尾數


英國買車流程大約就係咁

以下係唔同車廠既approved used car 網頁,
可以自己望下唔同車款咩價位


BMW: https://usedcars.bmw.co.uk/
Mercedes-Benz https://www.mercedes-benzretailgroup.co.uk/mercedes-benz-cars/used-cars/
Toyota: https://www.toyota.co.uk/used-cars
Ford: https://www.ford.co.uk/shop/price-and-locate/approved-used/approved-used-cars
Volks Wagen https://www.volkswagen.co.uk/used-cars
KIA: https://www.kia.com/uk/used-cars/about-approved-used-cars/
Mazda: https://www.mazda.co.uk/used-cars/
Nissan: https://usedcars.nissan.co.uk/en/home
Hyundai: http://used.hyundai.co.uk/home
Audi: https://www.audi.co.uk/approved-used-audi.html
Suzuki: https://ucl.suzuki.co.uk/cars/used
Lexus: https://www.lexus.co.uk/pre-owned/
Honda: https://usedcars.honda.co.uk/en/home

===============================================================

香港英國零距離 -- 香港<--> 英國速遞服務

全新 Easy Parcel 速遞服務幫到你!! 我地爭取到比DHL 正價大約6折的運費，只要經我們出DHL 提單，可享最優惠運費，令你感受到香港和英國零距離。

詳細資料:

https://jcinuk.blogspot.com/2021/05/blog-post_8.html

以下是過往文章大合集, 若對移民英國有疑問, 可以先看以下文章有沒有想知既資料

移民英國新手懶人包 (居住/學校/醫療/工作/交通/購物)

https://jcinuk.blogspot.com/2020/11/blog-post_18.html

英國教育系列 -- 綜合篇

https://jcinuk.blogspot.com/2021/01/blog-post_4.html

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

===============================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

我之前用的移民顧問，是英國注冊的移民顧問，可以用中文或英文溝通，如果有需要找專業人仕幫手申請各種簽訂，可以Email 比我，請記得留低姓名，電話，和電郵以便聯絡，以及要說要想申請哪一種簽證。

一開始的查詢是免費的，可以先把個人背景，想申請的簽證，大約想申請的時間，到英國的日子和移民顧問傾詳情，若決定要找移民顧問幫手申請才付費的。

===============================================================

更多英國生活分享 https://www.facebook.com/JasperXJayden/

香港 VS UK 超巿買餸大比拼

香港 VS UK 超巿買餸大比拼

今次我地既超巿買餸大比拼,

會用我地一家最常去既ASDA
(算是英國中價超巿, 比waitrose / M&S 平, 又比LIDI, ALDI 貴少少)
鐘意去Asda, 主要因為佢夠大間,
我家附近既Asda 係superstore,
除左食物, 雜貨齊全之外, 仲有衣服, 校服, 小形家電, 玩具, 書等等, 基本上去一間超巿己經可以買齊大部份東西

而香港這邊呢,
本來想揀百佳, 點知今日網站維修中,
只好揀HK TV MALL

文中既英鎊價錢, 為方便比較, 全部當10算計,
現在匯率大約9.74

=======================================================

首先第一樣, 幾乎日日食既泰國米
我一直以為係英國買泰國米會比香港貴
唔SEARCH 唔知, 原來差唔多錢咋

UK -- 呢隻AAA Jasmine 泰國香米之前食過, 不過現在轉左Costco 另一隻,
價錢差不多
10KG 賣緊15 鎊, 約HK150

HK 這邊, TV MALL 賣緊金象牌5KG 78.9, 10KG151.90

竟然仲比UK 貴DD
真係估佢唔到
-----------------------------------------------------------------------------------------------

NO 2, 雞蛋

我地通常買一打12隻英國走地大雞蛋
2.2鎊12隻, 一隻大約18.3P, 即約HKD1.8 隻

HK 呢, 以前係香港, 通常買日本雞蛋, 蛋味勁D
不過用類似價錢比較, 就揀返泰國蛋,
原來10 隻要35蚊, 即要HKD 3.5 一隻

乜香港D 雞蛋咁貴架咩??
我以為唔駛一蚊一隻??

---------------------------------------------------------------------------------------------

NO 3 豬扒
英國豬扒,
通常可以煎完整番茄豬扒, 洋蔥豬扒
480G 賣2.2 鎊, 每公斤4.38 鎊, 即約HKD 44 一公斤

HK
美國穀飼豬扒, 454G HKD42, 即一公斤約HKD 85
足足比UK 貴一倍


咁本地新鮮豬呢??
300G 仲要HKD 60 添, 即1KG 要130 左右.....

好貴呀

---------------------------------------------------------------------------------------

NO 4 牛奶

英國鮮牛奶通常用Pint 計, 唔係公升,
而1Pint = 0.473176473 litre
即6Pint = 2.8L
2.8L 既牛奶大約 1.59鎊, 每公升46.6P, 即唔駛5蚊

HK方面呢
雀巢鮮牛奶, 946 ML 賣24.8
即一公升約HKD25

那保鮮期長DD 既純牛奶又如何?
澳洲純牛奶, 一公升原來仲貴D? 要26蚊一公升

即牛奶, 香港比英國足足貴5倍
好誇張呀

---------------------------------------------------------------------------------------

NO 5 果汁
因為日日在家食, 所以家中都常備果汁
通常各家超巿都有自己出品既純果汁,
注明係100% 鮮榨, 不加糖
每枝1公升, 1.25鎊 (己經加左價, 我記得未Lockdown 前買開1鎊一支)

加埋Tropicana 做代表, 1.5鎊950ML

香港代表

其實香港飲開邊隻純橙汁??

因為果汁先生其實有加糖

Tropicana 1L 要46蚊

加埋果汁先生做代表

4支1公升裝, HKD65, 即每公升HKD 16.25

飲橙汁似乎唔算差好多錢,如果用果汁先生去比較

----------------------------------------------------------------------------------------------------
NO 6 雞翼

英國本地雞翼, 2.08鎊有1.1KG, 每公斤約1.89鎊, 當佢20蚊一公斤啦

香港
HK TVMALL 只有急凍雞翼
大部份寫明無添加
呢隻泰國雞翼HKD82.9 一公斤

己經係急凍, 仲要貴4倍添

--------------------------------------------------------------------------------------
NO 7 牛扒

英國代表
我地既雪櫃會常備牛扒,
好多時唔知煮咩好就煎黎食
解凍後, 加點鹽和胡椒粉就可以煎, 好方便
227g (8oz) 一塊30日熟成既英國牛
大約19.78一公斤, 即約200蚊一公斤

香港代表
美國肉眼扒, 一樣係8oz, HKD 89

咁香港都係貴一倍啫

----------------------------------------------------------------------------------------------

NO 8 羅馬生菜

英國買一包2棵羅馬生菜, 大約1鎊, 即HKD 10

香港
唐生菜同羅馬生菜差不多, 都係大約20蚊左右

-----------------------------------------------------------------------------------------

NO 9 意粉

餐餐食飯好悶,
當然都會食下其他野
好似意粉咁
英國買一包1KG 既意粉, 1.5鎊, 即HKD15

香港
500G X 4 盒要HKD 82, 即1KG 要41蚊

西餐果然唔應該同歐洲比
-------------------------------------------------------------------------------

NO 10 番茄

英國
小朋友鐘意食番茄, 整餸有D汁 食飯會開心D
通常我地揀呢種Vine Ripened Tomatoes,
大隻D, 好味D
一包約4-5隻, 1.5鎊

香港代表
番茄真係要32蚊4隻??
定呢間賣得貴??

香港街巿賣幾錢??

----------------------------------------------------------------------------------------------

NO 11 全隻雞

英國代表

通常我地會買一整隻雞都係為左煲湯
一隻約1.3KG 既雞, 2.82 鎊, 唔駛30蚊
剪左雞翼雞脾出來做餸
雞胸通常用來炒飯
剩下既就用來煲湯

香港代表

法國走地雞

都係大約1.3KG, 89蚊

中國出品又如何
一樣係1.3KG, 龍崗雞賣85

----------------------------------------------------------------------------

NO 12 免治牛肉

英國安格斯免治牛肉500G 3.75鎊

澳洲草飼免治牛肉, 

一樣係500G, 賣98蚊

我係HK TV MALL 見唔到再平D 既免治牛,
街巿會唔會平D?

----------------------------------------------------------------------------------------------
NO 13 麵包

英國代表
通常我地買呢隻麵包做早餐, 1.15鎊一條, 即11蚊一條, 大約800G

我係HK TV MALL 搵唔到類似既普通麵包
我諗應該差不多錢??

---------------------------------------------------------------------------------------

今次講住13種最常買既餸
如果有其他食物想大約知咩價都可以留言問下
或者上各大超巿網睇下

如下:
ASDA: https://groceries.asda.com/
Tesco: https://www.tesco.com/
Waitrose: https://www.waitrose.com/
M&S: https://www.marksandspencer.com/
Aldi: https://www.aldi.co.uk/
Lidl: https://www.lidl.co.uk/

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

英國教育 -- 在英國申請State School 插班 Step by Step

如何在英國申請State School 插班 Step by Step

係英國, 申請插班, 轉校比在香港普遍得多
所以學校經常有學生退學, 插班
那麼, 當一家人由香港搬到英國
如何申請State School 呢?

首先, 小朋友要入讀State School, 必需是持英國護照, 或持合法Visa,
最普遍是申請Family Visa, 或父母申請投資移民Visa, 子女申請Dependants Visa
只要是可合法居住在英國, 就可以免費入讀政府State School,
不單不用學費, 更不用買書, 不同買簿, 基本上連文具都不用預備
學校提供了一切所需
只要買套校服便可以去上學

通常, 申請移民要有一個必要程序, 就是在VISA 批出後一個月內到英國取BRP
這時, 有部份人就會在這個時間租屋
當你租到屋後, 就要到Council 交Council Tax, Council 會給你一個Council Tax Code, 證明你己交Council Tax, 這個Council Tax Code 非常重要,
因為申請學校時, 申請表要填Council Tax Code,
證明你們真的住在這裡

係英國, Council Tax 係住客付的, 所以不論是住客是業主自住, 還是租客租住,
都是由住的人付Council Tax,
而Council Tax Code 係好重要既地址證明
上面應該有地址內居住既大人姓名

說回正題, 申請學校必需提供:
1) 申請表
2) 小朋友護照 / BRP
3) 地址證明

申請表上,
除了要填小朋友資料, 父母資料外
還要填現在讀哪間學校,
為什麼要申請插班,
以及可以選4間學校, 要填原因

我地係交申請表之前, 己參觀過幾間學校
參觀後, 我地有直接問學校, 有沒有插班位, 話比學校知小朋友咩年咩月出世, 其實學校係直接知有無位收到小朋友, 不過要等Council 正式派位
所以, 如果你參觀了學校, 喜歡呢間學校, 而學校又有位, 最好排第一,
Council 收到申請表後,
會先跟學校溝通, 確保有位後, 再通知家長

如果你選一間學校是根本沒有位
那Council 基本上都要先問學校, 學校回覆沒有位, Council 再問第二間
萬一, 你選的4間學校都沒有位
那Council 就會派一間有位的學校給你
因為法例規定小朋友要上學,
所以Council 一定會搵到一個學位給你,
只是未必是你心水的一間


講返我地當日申請插班的TIME LINE
19年2月頭, 我地一家到英國取BRP
因為未取BRP 前我地己租了屋
所以取BRP 後, 再去Council 交Council Tax
接著便申請學校
因為我地只會在英國留2星期便回香港
我地在申請表上寫明希望5月才上學

大約一星期後, Council 回覆說若現在派了學位, 便要立即讀,
著我們在正式Settle 前一個月才再email 申請表去Council

4月頭, 我們再Send 申請表去Council,
不久, Council 就回覆因為正值復活節,
要等學校Reopen 才可以處理申請

直到我們出發離開香港前, 再打電話去Council 那邊
對方說我們到了英國便會處理

我們是在星期六離開香港,
星期日早上到英國
星期一早上, Council 就打電話通知我們己派了學位給我們,
是我們的第一選擇
(參觀學校時己問過學校有位, 然後, 我們離開香港前也有聯絡學校, 知道學校仍然有位)
即日可以去學校取文件

文件主要是有入學的學生資料表,
學校的通知信
要買什麼校服, 和買校服的地址
還有上課, 下課時間等

然後就問我們可否下星期一開學
我們當然沒有問題

所以, 我們到步後一星期, 小朋友就開始上學了

只要安排得好一點,
預早參觀, 申請學校
就可以把小朋友停課的日子減到最低

希望大家既仔女都可以入讀心儀學校

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

如何成為一個在英國注冊的移民顧問

如何成為一個在英國注冊的移民顧問

首先聲明, 我絕對唔係移民顧問,
只係因為之前搵移民資料所以分享下唔同移民消息
如果大家有需要,
我可以給大家我之前用既移民顧問聯絡大家

回到正題
當日諗住移民,
第一時間, 當然要上網研究下有咩方法, 點申請
其實點申請, 上網SEARCH 一下都有唔少分享
好多人經移民AGENT,
亦有人唔搵移民AGENT 自己搞
咁成功率, 當然係比多少少錢搵人搞機會大D, 起碼出錯機會少D

咁當日我搵移民顧問既經過係點架呢?
話說, 決定走, 當時唔係一時三刻走到
首先, 我地上網SEARCH 過唔少移民公司
香港有好多間
知道我地想搞Family Visa 都有好幾間報價比我地
有D 呢, 可能覺得收得唔多掛, 無乜反應
咁啱, 係我地仲考慮緊搵邊間, 想問清楚時, 搵到現在呢間
雖然公司係英國, 但又專登打電話同我地傾申請VISA 既問題
傾完電話, 好似對整個流程清楚左好多

之後, 我地無立即CONFIRM,
再上網搵下資料
基本上, 我搵資料, 除左唔同人寫既BLOG 之外,
最重要係上官網睇資料
未決定搵移民顧問之前,
己大約知自己要交咩文件
咁先知對方係咪好熟整個程序,
如果我自己仲清楚過對方, 搵黎做乜先??

係英國政府官網就有一篇教大家如何搵移民顧問
https://www.gov.uk/find-an-immigration-adviser

首先, 移民顧問係要經官方機構The Office of the Immigration Services Commissioner (OISC) 注冊, 注冊後有一個OISC NO, 如果對方話自己係英國注冊既移民顧問, 記得問佢拎OISC NO,
然後在以下網站SEARCH OISC NO, 睇下對方係咪真係注冊左
https://home.oisc.gov.uk/adviser_finder/finder.aspx

搵一個注冊移民顧問, 點解咁重要??
因為, 若在申請過程中, 移民顧問做錯, 做少左, 而令你申請失敗,
你可以用呢個理由向政府投訴兼上訴

https://www.gov.uk/find-an-immigration-adviser/complain-about-an-adviser
有咩係你可以向OISC投訴呢?
包括:
不合理費用
聲稱保証成功
沒做完顧問工作
錯過期限或沒有出庭


那麼, 要有什麼資格才可以申請成為移民顧問呢??
大致上, 有三種方法,
1. 學徒制, 可以進入律師事務所, 再接受移民法律相關既訓練
2. 直接從律師方向轉向移民律師
3. 在OISC 接受培訓, 訓練後考試合格

https://nationalcareers.service.gov.uk/job-profiles/immigration-adviser-(non-government)#HowToBecome

無論用以上哪種方法, 都可以在英國政府網站SEARCH 到巳注冊既顧問資料
在你決定付錢前, 記得要CHECK 清楚

咁當然啦,
若你用香港既移民公司,
因為香港並沒有移民顧問注冊制度
所以基本上對申請人沒什麼保障,
你只能信佢,
失敗了也只能另找一個顧問去重新申請
沒什麼地方可以接受你的投拆


希望大家決定移民時
用心去研究各方面
有時錢無左都係小事
影響到第日申請就事大

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/