英國搵屋注意事項
如果你諗住移民黎英國
第一步, 除左諗下用咩VISA 之外,
當然係諗下係邊到落腳
當你有左心儀既城巿之後, 就開始縮細範圍, 諗下住邊一區
無論租屋定買屋,
英國搵屋, 都去主要網站Rightmove 或者Zoopla
https://www.rightmove.co.uk/
https://www.zoopla.co.uk/
英國每個區有唔同AGENT, 但佢地都會將d 放盤放上呢兩個網頁
第一步, 梗係SEARCH 心儀城巿啦, 不過城巿好大, 點揀好?
如果有識人係到住, 梗係問下佢
邊個AREA 學校好D, 邊個AREA 治安無咁好, 雜D 呢?
每個城巿都一定有D 好AREA , 同雜D 既AREA (通常係政府屋之類)
就算無小朋友, 或不用考慮校網,
我都見意大家睇埋SCHOOL CHECKER 呢一項
原因係,
學校好既AREA, 治安, 居住環境正常都會比較好
另外, 不止一次係唔同文章講過
如果你從來未在英國住過
最好先租屋, 住定左, 再慢慢睇屋買屋,
唔好心急
唔好隔山買牛
租約可以揀半年, 你可以用半年時間去慢慢睇屋
總好過係香港求其揀一間
或者去英國兩三星期就要決定
租屋, 買屋, 都要睇樓
睇樓有咩要注意呢?
首先, 英國係無兇宅呢回事,
所以唔駛問AGENT 間屋有無死過人之類
一來AGENT 多數唔知 (正常英國人唔會理)
二來, 銀行唔會因為間屋死過人就唔批按揭囉 (英國大把百年以上古宅, 你信唔信無死過人??)
當你睇屋時, 要留意附近環境, 街上乾唔乾淨 <-- 家教問題
鄰居D 花園打理得好唔好 <-- 好老實, 鄰居有時間同錢打理花園, 咁呢D 鄰居都比較正路
自己感覺如何 <-- 其實行下附近, 好多時都知自己鐘唔鐘意
如果有小朋友, 參觀下學校附近既學校
可以聯絡學校按排一個參觀時間,
參觀完可以更了解學校, 如果要插班, 仲可以問下學校有無位
入屋前, 留意下泊車既位置, 間屋可以泊多少架車??
基本上, 除非你住倫敦巿中心, 否則好多時係一個大人一架車,
咁兩夫婦就兩架車
所以間屋可以泊兩架車就啱啱好
睇下附近馬路仲有無空間泊車
因為有時朋友來玩, 都要有位比佢地泊車呀
(通常住宅區都可以泊馬路邊, 唔阻住人就OK, 當然唔好泊人地屋前, 或阻住其他車出入啦)
如果唔係HOUSE, 係FLAT, 要問下有無ALLOCATED PARKING LOT, 每戶有多少個
附近有無得泊街, 馬路會唔會好窄
無論租定買, 都要檢查下各裝置係咪運作正常
尤其租, 因為正常一間屋應該要包
熱水爐
暖氣系統
廚房設備 (煮食爐+焗爐, 洗衣機, 雪櫃) 通常三房以上都包埋洗碗碟機
間屋光唔光 (香港會介意間屋西斜, 但因為英國比較凍, 英國人好鐘意有陽光入屋)
地毯會唔會好舊 (租屋的話, 最好搵人洗下地毯)
樓梯會唔會有人行過就吱吱叫
屋內有沒有客廁, 有沒有套房
空間夠唔夠
另外, 關於車房
如果車房有門通向屋內, 就比一個獨立車房方便
因為要取東西時不用先出大門再開車房門
(大部份人都把車房當雜物房, 沒什麼人真的會用來泊車, 除非出遠門)
英國租屋,租客是不用付經紀佣金的,
正常, 租客只要付月租+ 按金
按金多數是5 星期或6星期
而且按金應該要放在第三方的deposit protection scheme
確保錢不在業主手上, 第日退租可以拎返
英國的住屋標準和香港好唔同
如果用香港既標準去搵屋, 好快, 會發現原來不外如是
香港人, 一家四口住2房單位己經很不錯
但這邊, 一家四口可以住4房 (2個小朋友各自一間房, 還預備一間客房)
一家三口都住三房是好平常
我的朋友, 一家五口, 就住五房的HOUSE 了
所以如果一開始租屋,
住落覺得唔夠, 咪搬大D,
如果買左先覺得唔夠, 就好煩了
原因係英國買賣房屋和香港唔一樣
係香港, 睇中左一間屋, 先簽臨時買賣合約, 比少少訂
之後交大訂
正式成交當日交尾數
但英國這邊, 買客出'OFFER 比業主, 是不用付任何訂金的
之間兩邊律師互相交換文件, 都是未付任何訂金
一直到成交當天
而, 萬一, 買家臨時說不買, 也是可以的,....
那, 到時就要重新放盤....
另外, 英國買賣房屋, 還有一樣叫CHAIN 的東西
假設我想換屋,
但我又唔夠錢買另一間, 我當然要先賣掉本來的屋
我去買一間新屋時, 就SET 一個CHAIN, 要我原本的屋有人買, 我才買你這間屋
那這間新屋什麼時候可以成交?? 就要睇買家的舊居什麼時候可以賣掉,
而這種CHAIN, 可以一直連下去...
成交期可以好長好長
所以, 如果你要買賣一間屋, 預左比香港花多好多時間
如果你未在英國住, 買了一間, 住了一年又覺得不太好, 想換
到時要花的時間和金錢比租半年至一年屋更多
先住一段時間, 你會發現自己想要一間點樣既屋
到時, 再慢慢搵吧
以下是過往文章大合集, 若對移民英國有疑問, 可以先看以下文章有沒有想知既資料
移民英國, 最常見問題 (英國簽證, 移民前後準備, 英國生活大全集)
==================================================================
如果大家想我多D 分享唔同既英國資料, 如英國生活, 或移民顧問資料, 可以Email 比我
Email : jcinuk2018@gmail.com
請留低
姓名
電話
Email
以上只係個人分享, 並不構成任何建議
==================================================================
更多英國生活分享 https://www.facebook.com/JasperXJayden/
