2019/10/09

移民英國, 但英文不太好, 得唔得呢?

移民英國, 但英文不太好, 得唔得呢?

偶爾有人問呢個問題
英文嘛嘛地, 移民英國得唔得, 主要分兩個層面

第一, 你符合移民條件嗎?
第二, 你生活到嗎?

第一項, 比較簡單, 英國法例係呢方面好清楚
case 1:本身有英藉, 即你已有英國passport, 就算你26個字母都唔認得, 你都可以移民英國
case 2:無英藉, 要申請visa 去英國, 英文程度要幾多, 就睇你要申請邊一種visa
配偶visa:有英文授課的大學學位, 或者考IELTS Life Skills is available at A1
工作visa: 有英文授課的大學學位, 或者要最少CEFR level B1 合格, 包括(reading, writing, speaking and listening)
t1 visa:有英文授課的大學學位, 或者要最少CEFR level B2 合格, 包括(reading, writing, speaking and listening)
其他visa 請上home office 慢慢研究

第二項, 係英國生活到嗎?
老實講, 一d 老華橋, 一d 英文都唔識,幾廿年前咪一樣移到民黎英國, 無話得唔得架, 睇下你用咩眼光去睇啫

最基本去買野, 食野, 其實要用既英文真係好簡單,如果唔敢講, 去超巿買野用自助機, 真係一句野都唔駛講, 正常來講, 去買野, 真係幾句就夠
見到收銀員, 講野hi, good morning 就夠
比錢時佢講銀碼, 聽唔明, 咪睇下個display, 跟住比cash 又好, 比咭又好,你拎出黎, 唔駛講野佢都知, 搞掂, 講聲goodbye
食野,睇下餐牌,呢個世界有google translate, 真係長住英國, 就算一開始唔識, 都應該慢慢學, 唔通諗住一世係唐人街滾咩, 知道d 野食係乜東東, 唔識讀咪手指指, 侍應該讀一次問你係咪, 聽下, 記下, 其實都好易
去麥當勞仲方便, 去自助點餐機自已揀, 自助付款, 仲有人送到枱比你, 方便至極

所以, 以生活來講, 英文真係唔係咩大問題
見到鄰居say hi, 見多幾次就會傾下計,傾下天氣, 放假去邊玩, 只要你肯開口, 自然會有人同你傾下, 去超巿又同收銀傾幾句,想融入社會, 自已首先要行第一步

有心想練好d 英文, 黎到真係大把人同你傾計架, 得閒又睇下電視,去識下其他人, 別把自已困在華人社會

至於英文其實已經不錯的, 尤其本身都有四圍去自由行個d 年青人黎講, 黎到更加無問題啦
開頭咪當自已去一個長旅行囉
當你用一個旅行的心態去感受生活, 好多野都變得輕鬆自在



以下是過往文章大合集, 若對移民英國有疑問, 可以先看以下文章有沒有想知既資料
移民英國新手懶人包 (居住/學校/醫療/工作/交通/購物)

英國教育系列 -- 綜合篇

移民英國, 最常見問題 (英國簽證, 移民前後準備, 英國生活大全集)

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

請留低
姓名
電話
Email

以上只係個人分享, 並不構成任何建議

我之前用的移民顧問,是英國注冊的移民顧問,可以用中文或英文溝通,如果有需要找專業人仕幫手申請各種簽訂,可以Email 比我,請記得留低姓名,電話,和電郵以便聯絡,以及要說要想申請哪一種簽證。

一開始的查詢是免費的,可以先把個人背景,想申請的簽證,大約想申請的時間,到英國的日子和移民顧問傾詳情,若決定要找移民顧問幫手申請才付費的。
==================================================================




3 則留言:

  1. "當你用一個旅行的心態去感受生活, 好多野都變得輕鬆自在"
    so true, 好多野都可以 take it easy.

    回覆刪除
    回覆
    1. 那二當家兄你的台灣生活係咪好舒服?

      刪除
  2. "別把自已困在華人社會" 真係好重要, 唔係不如回歸祖國啦!

    回覆刪除

熱門文章