移民英國前, 有咩要在香港先處理??

當大家努力研究英國的各種生活，學校，搵工等等細節時，不要忘記在離開香港前處理香港的大小事務！

現在，先由當你己取得VISA 後, 你有什麼是離開香港前必需處理呢?

辭職

假設你還是一個打工仔，你便要考慮幾時比信公司。大部份打工人都係一個月通知，比較易搞，不過有Ｄ公司或工種，需要２個月，甚至３個月通知，有Ｄ人想拎埋Bonus 先走，又要考慮埋Timing 既問題。

2021年後記: 呢兩年因為Covid, 基本上好難好似我2年前移民咁, 批左VISA 後, 先去英國拎BRP, 再返香港處理香港既手尾, 所以, VISA 一批出, 其實都差不多要移開香港

所以申請VISA 時, 就要先計算什麼時候離開香港, 再 計啱時間RESIGN了

賣樓

如果你本身是住在自住樓內，就要考慮一下自住樓如何處理。處理方法不外乎：

• 賣樓後把錢帶到英國，
• 租出去，或
• 保留當渡假屋。

如果諗住放租，留意英國是全球徵稅，當你成為英國居民之後（英國居民定義是每年在英國居住超過180日, 而不是成為永居後), 你的海外收租收入都要報稅, 當然, 有一部份免稅額, 和可以扣除香港的稅金。英國稅制比較複雜，若有海外收入，或其他投資收入，最好搵個會計師幫手報稅。不然，被查出逃稅就好麻煩，還會影响第日申請永居入籍呢。

關於賣出自住樓, 根據英國政府網頁, 只要符合以下條件, 就不用付Captial Gains Tax

我的建議是, 若打算長居英國, 最好還是在移民前把樓賣掉, 可以省掉不少麻煩, 將來在英國置業也比較方便

自住樓賣出後不用付Captial Gains Tax 的條件:

//

Private Residence Relief

You do not pay Capital Gains Tax when you sell (or ‘dispose of’) your home if all of the following apply:

• you have one home and you’ve lived in it as your main home for all the time you’ve owned it
• you have not let part of it out - this does not include having a lodger
• you have not used a part of your home exclusively for business purposes (using a room as a temporary or occasional office does not count as exclusive business use)
• the grounds, including all buildings, are less than 5,000 square metres (just over an acre) in total
• you did not buy it just to make a gain

If all these apply you will automatically get a tax relief called Private Residence Relief and will have no tax to pay. If any of them apply, you may have some tax to pay.

Find out if you’re eligible for Private Residence Relief.

//

https://www.gov.uk/tax-sell-home

賣樓都需要時間, 若打算批出簽證就走, 其實一申請簽證, 甚至在申請前便要先放盤, 就唔需要在到英國後, 又回香港處理間屋

改地址

無論將來是賣屋，放租，或當渡假屋，都需把所有個人資料改地址。最好，是把地址轉為親人的地址，等親人幫你收信，會比較方便，尤其有部份銀行若要轉為外國地址比較麻煩。

改地址 -- 銀行/ 保險篇

選民更改地址

政府的地址更改服務

中止水,電,煤氣,電話,網絡

賣屋或退租後,都要處理各供應商的戶口, 通常在中止戶口前一個月就可以通知各供應商

移民離港手續 - CUT 水 CUT 電 CUT 煤氣

家居電話, 當然都應該要CUT 掉

手提電話, 最好保留然後轉去最平的月費PLAN, 保留電話號碼

網絡都要CUT 掉

2021年後記, 現在有不少台都有好平月費計劃, 亦有D 只保留電話NO, 沒有DATA 的計劃, 保留電話號碼, 可以接收香港的SMS

安排船運

一家人移民到英國，必定有好多家當需要運到英國。船運到英國大約需要２個月，若想到英國不久便收到物資，便需要在離開香港２個月前把東西寄走，所以時間上要預早安排。

因為英國入口有入口稅，所以若要把香港的家當運到英國，需要申請TOR, 這樣把東西入口就不用付稅, 如何申請, 可以看以下呢篇👇

留意, 全新的物品是需要打稅的, 只是用過的個人物品免稅。使用過的個人物品，不論是否貴重物品，都是免稅的，如電腦，相機，汽車，一樣可以運來英國。輕便而易爛既東西，如電腦，相機，建議跟身坐飛機到英國比較好。

不過留意，若想運汽車到英國，在英國要有一點改裝手續，買汽車保險會貴Ｄ，亦未必間間維修中心可以整車。尤其若要換零件可能比較煩。

另外，我之前的船運公司說, 食品, 電池不能運

申請ToR No（Transfer of Residence）香港運家當來英重點

最應該帶到英國的東西 VS 最不需要買來英國的東西

一年前, 我們剛到英國不久, 寫這☝以上這篇最應該帶來英國的東西

一年過後, 我覺得以下東西好重要, 而英國買又真係無咁好用

• 床褥, 尤其喜歡硬身的床褥
• 枕頭, 英國的枕頭都好軟, 無乜承托力
• 床上用品, 香港既床上用品普通質量好D, 床單, 枕袋, 被袋一整套, 英國大多是床單分開買, 仲大部份只係FLAT, 即4邊沒有橡根, 現在己多左FIT 的, 但多數淨色
• 被, 因為要配合返被袋, 所以我地都係由香港運來
• 飯煲, 英國雖然都有得買, 不過款式唔多
• 壓力煲, 鐘意煲下湯的話, 壓力煲太好用, 上班前先放入煲, 放工就可以飲
• 中式餐具, 如筷子, 匙羹之類, 英國款式少
• 厚身砧板, 英國有砧板, 但通常只預你切野用, 如果想要中式厚砧板, 最好香港帶來
• 調味架, 英國無乜款式啱
• 風扇, 英國有風扇, 但款式無咁多, 無咁大把, 無咁涼, 可以的話, 從香港帶來比較好
• 中文書, 如果有小朋友的家庭, 又希望小朋友可以保持閱讀中文, 買定大量中文書好重要, 難得一次過海運去英國。因為到英國後要買中文書不容易，運費亦貴

如果你好需要恆溫熱水壺, 可以考慮帶來英國, 因為英國普遍只有即熱式 (近來多左D, 不過唔興) 但要留意, 因為英國係硬水, 一係你先過慮D 水再放入熱水壺, 一係全屋裝軟水機, 否則好快有結滿limescale 

2021年1月後記:

聽說由2020年起, 香港到英國的船運加價了很多, 所以我覺得以下東西最好還是不要帶來英國

• 風扇 -- 我在香港帶了一把風扇過來, 後來, 又在英國多買兩把, 感覺其實都還可以, 所以倒不如在英國買
• 壓力煲, 在英國也有售, 若本身在香港沒有, 可以直接在英國買
• 筷子, 湯匙羹之類, 英國款式少, 不過普通的杯, 碗, 碟, 刀叉等等, 可以直接在英國買。

清稅:

離開香港清左稅的話, 到尾未稅局就唔會再搵你, 唔駛再報香港既稅

關於清稅, 可看呢篇👇

離港清稅手續 － 同意釋款通知書 letter of release

取消不必要銀行戶口, 信用咭

留返一兩個銀行戶口是必需的, 第日總有機會回港深親, 有銀行戶口始於方便D. 家人幫手買左野又可以比返錢。而信用咭嘛，將來返香港旅行都用得著，而我仲有每用Top Up Pay Me 賺信用咭績分😉

但少用的戶口, 信用咭就可以考慮取消, 一來, 銀行戶口若無出入, 會被凍結, 要開返比較煩, 而且只保留常用戶口己足夠使用。而信用咭嘛，如每年要打電話去Waive 年費, 不如只CUT 剩常用幾張比較方便, 反正在英國都好少機會用得著

提早取回強積金

移民時拎返D 強積金好重要, 無必要年年比管理費

想提早取回, 可看以下呢篇👇

https://jcinuk.blogspot.com/2019/04/blog-post_9.html

2021年後記: 聽說現在很難取回MPF, BNO VISA 的話, 有聽說有BRP 的話, 有機會取回, 可以問下MPF 公司需要什麼文件才能取回

家當的處理：

係香港住左咁多年，家中既家當一定好多，要處理都要時間，亦唔係每一種都需要搬到英國，咁點處理家中雜物呢？

2021年1月20日更新: 近來船運的價格升了很多, 所以建議大家盡量少寄東西過來, 可以送給別人的便送給別人, 可以捐出去的便捐出去

傢私：新淨的，可以考慮送比人，好殘的，就只要推去垃圾站，通常管理處可以借車仔，兩個人慢慢推去垃圾站

書：大人書可以考慮送比人，或捐去慈善機構，

小朋友書，可以考慮送比學校，繪本送比幼稚園，其他可考慮給小學，中學等

若有小朋友仲啱睇中文書，最好運埋去英國啦, 因為英國買中文書不容易

精品：去旅行總買落好多唔用既精品，除一Ｄ特別有紀念價值外，用得既可考慮送比人，如杯，用品，或捐比一Ｄ二手機構

電視：英國的電視制式和香港唔同，所以電視就不要運來英國啦，考慮送比人，或找回收公司上門回收。英國買電視比香港還平, 真的完全沒有必要運過來。

Printer: 我之前有把Printer 運來英國, 但發現英國買唔到一樣型號的墨盒, 所以最好到英國才買, 香港那部, 留給有需要既人吧

洗衣機, 雪櫃呢D 大型電器, 不要運來英國, 在香港搵人處理掉, 送比人或捐或找回收公司

碗碟, 廚房用品, 杯, 餐具等等, 可考慮運來英國, 因為來英國都要買, 不如運過來, 如果在香港買新的, 就沒有必要, 除非係中式餐具用品

注：因現在運費比幾年前高了很多，碗碗碟碟還是不要寄了

衣服, 先分類, 喜歡的, 常著的才寄來, 如在香港一年都著唔到一次, 不如捐走, 不要浪費空間寄去英國。大褸，英國用得著的日子比較多，但毛衣就不要拿太多，因為英國有曖氣，一入室內其實好暖，著毛衣的話，一入室內要除衫就好麻煩，所以最好是洋蔥式穿法，薄長袖衫，一件Fleece 褸, 加一件防風雨的外套, 因英國冬天常下雨。外套有帽加防水好方便，因為通常只需要在戶口很少時間，通常穿防水外套就不用拿雨傘了

金器: 

OPTION 1: 賣掉, 或至少把紀念價值比較低的賣掉, 只剩部份特別有紀念價值的才拿來英國

OPTION 2: 留在香港, 放在親人家

OPTION 3: 放在香港銀行保險箱

若打算帶來英國, 留意, 不要在家中存放大量金器珠寶, 即使放室內保險箱, 除非是安裝在牆內的,不然, 其實也不是特別安全, 還等於告訴別人貴重物品都在箱內了, 若不幸被爆竊, 有機會整個保險箱被抬走

英國也有保險箱, 但不是每間分行也有, 請先查一下附近哪間銀行提供保險箱服務

英國人通常在家不會存放貴重物品, 如現金, 貴重首鉓

汽車：賣出再在英國買比較好，一來，入口車保險會貴Ｄ，二來，亦唔係每間車房識整。不過英國比較少７人車，如果必須要７人車，才考慮運來英國。

其他電器，若香港用緊唔想浪費可以運來英國，如咖啡機，吸塵機，相機櫃，風筒等等，但若買新的寄來英國就不必要了。

另外， 以下廚房用品， 部份英國有售，部份在香港運來英國比較好，可以參考一下:

英國廚房必備小電器

實用廚房工具

移民前準備

• 初到英國, 應該要先處理什麼?? Step by Step 話你知移民英國後的處理先後次序!!!
• 收到VISA 後的TO DO LIST
• 移民英國前, 有咩要在香港先處理??
• 有無辦法一到英國就有屋住??
• 英國身份證? BRP 是什麼?
• 申請ToR No（Transfer of Residence）香港運家當來英重點
• 離港前的手續
• 離港清稅手續 － 同意釋款通知書 letter of release
• 選民更改地址
• 政府的地址更改服務
• 移民離港手續 - 提早取回強積金 & 清稅
• 移民離港手續 - 改地址 -- 銀行/ 保險篇
• 移民離港手續 - CUT 水 CUT 電 CUT 煤氣
• 我要一個英國電話號碼
• 如何把寵物移民到英國

處理完香港既手續後

飛到英國後, 又有什麼手續要做呢? 先後次序應該係點? 

即睇

初到英國, 應該要先處理什麼?? Step by Step 話你知移民英國後的處理先後次序!!!

===============================================================

香港英國零距離 -- 香港<--> 英國速遞服務

全新 Easy Parcel 速遞服務幫到你!! 我地爭取到比DHL 正價大約6折的運費，只要經我們出DHL 提單，可享最優惠運費，令你感受到香港和英國零距離。

詳細資料:

https://jcinuk.blogspot.com/2021/05/blog-post_8.html

以下是過往文章大合集, 若對移民英國有疑問, 可以先看以下文章有沒有想知既資料

移民英國新手懶人包 (居住/學校/醫療/工作/交通/購物)

https://jcinuk.blogspot.com/2020/11/blog-post_18.html

英國教育系列 -- 綜合篇

https://jcinuk.blogspot.com/2021/01/blog-post_4.html

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

===============================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

我之前用的移民顧問，是英國注冊的移民顧問，可以用中文或英文溝通，如果有需要找專業人仕幫手申請各種簽訂，可以Email 比我，請記得留低姓名，電話，和電郵以便聯絡，以及要說要想申請哪一種簽證。

一開始的查詢是免費的，可以先把個人背景，想申請的簽證，大約想申請的時間，到英國的日子和移民顧問傾詳情，若決定要找移民顧問幫手申請才付費的。

===============================================================

更多英國生活分享 https://www.facebook.com/JasperXJayden/