申請移民的時間, 小學, 中學插班程序

申請移民的時間

網友經常都有一個謎思, 或者說是香港的習慣
覺得要讀完一個學期先可以離開香港,
最好暑假到英國,
9 月開學

不過呢, 其實英國呢邊係無關係的
你邊一日到英國, 可以下星期就開學, 隨時可以插班
無話一定要等開學亦唔會話你6 月到, 要等到9 月先開學, 中間幾個月好無聊
英國小學, 中學其實好夠學額

當你到步英國, 政府係一定會搵個位比你
如果想好似我地咁, 到步一星期就開學,
可以係離開香港前一個月左右SEND 插班申請去COUNCIL
申請插班程序, 應該每個區大同小異, 小學和中學都差不多
首先, 你要先取得VISA, 有英國居住資格
上你住個區既COUNCIL 下載插班申請表,
申請表只是有關小朋友和家長資料,
不用提交學校成績
選4間屋企附近既學校
填好後SEND 回COUNCIL
而需要的文件, 是插班申請表, 地址證明, 護照COPY
交完後, 如果有問題COUNCIL會聯絡你

COUNCIL 派學校的原則, 第一當然要學校有位
如果你揀的第一間有位, 佢就會派比你
無就派第二間
所以呢, 你交申請表之前, 可以先EMAIL 問學校有沒有空位
如果無, 咁你揀都無用 (如果你揀一間無位, 但好鐘意, 咁佢會派第二間比你, 咁你第一間可以排WAITING LIST, 等幾耐先入到就無人答到, 睇下有無人轉校)

申請左學校之後, 咁COUNCIL 會話你知派邊間比你
咁一到步就可以去學校報到
交文件, 買校服
咁一星期就可以返學 (小學不用買書, 不用買簿, 上學好輕鬆)

至於COUNCIL 派既學校好唔好, 其實好睇你住邊區

如果係小學, 其實附近的學校唔會差好遠
反正大家都係按住址派位
所以住附近的, 大家都係讀同一間學校
附近住D 咩人
學校都大概是什麼人

所以搵屋,校網好重要
你搵屋時就會發現
屋差不多尺寸,
好校網係賣點, 一定會搶手D 同貴D

另外
6-9 月是申請VISA 高峰期, 因為有大量留學生在6-9月申請STUDENT VISA
所以無謂申請什麼VISA, 盡量避開高峰期,
咁處理VISA 申請係會快D, 同埋無咁容易出錯

而因為學校由7月中到8月尾放暑假, 學校係無人處理任何文件的
所以如果你7月中學校放暑假先到
COUNCIL 係無辦法處理你既入學申請,
因為就算COUNCIL 知道學校有位,
都要等學校那邊RE-CONFIRM
咁變相要等9月開始先處理
所以係時間安排上, 要留意一下