之前講關於英國教育，都係集中在小學，因為我家兩兄弟都只是小學生。
但近幾個月，不停有人來信問關於高中才移民的學生應該如何申請學校，所以我便上網找找資料，尤其BNO VISA 資料出台之後，更多家長問十幾歲才到英國的話，應該點升學。
以下，找到不少資料給大家參考下，如果有其他問題，不妨提出
首先，GCSE 是Year 11 考, 是英國中學的第5年，大約是15歲考的。如果小朋友到英國時，只是初中生，基本上問題不大（最好，不遲於Year 9 開始在英國讀，然而，去英國讀書，始終係越早越好）。
初中到英國的小朋友, 可以揀:
1) state school, 政府中學, 主要按地址派位, 若是插班, 主要睇學校有無位, 若有位, 唔一定要住好近, 但若要排waiting list, 住得近會排先。學費雜費全免。
2) State Boarding School, 政府寄宿學校, 自己考入去, 可以在香港預先聯絡學校, 不用按地址, 學校面試後肯收就OK。不用付學費，只需付寄宿費。
3) 私立學校, 又分日校, 或寄宿, 前者只需付學費, 後者要付學費和宿費。
插班政府中學, 其實都好睇彩數, 因為中學學額通常比較滿, 無小學咁易插班。若打算讀政府中學，因先要有地址才能派學校，所以更加要先了解心水地區的學校哪一間比較好，哪一間有學位。若沒有學位，打算如何呢？Council 必定會為16歲以下小朋友找到學位，只是未必如大家所願。在找學校時，不妨問一問學校有沒有學位之餘，也要問問Waiting List 有多長，若本身己有非常多人等緊轉校，就要另想辦法了。
若小朋友到英國時，已開始GCSE 課程又如何?
如果小朋友到英國時，剛好是讀year 10 (最好不遲於9月, 一開學即入學, 可以完整讀完整個GCSE 課程, 不過因為一到步己是分別上學, 識朋友會比較難, 因為每一堂都有唔同同學, 而且, 其他人都已經有固定好友)
如果小朋友到英國時, 己是year 11 怎麼辦? 或Year 10 己過了一半, 怎麼辦?
因為16歲或以下是必須要上學, 基本上, Council 是會幫小朋友搵到中學學位的, 但大家要明白, 正常很少會有小朋友在year 10 / year 11 轉校, 所以, 要插班入好的中學, 是比較困難, 而因為其他己小朋友己開始讀GCSE 課程, 呢2年既課程比較繁忙, 中途插班跟唔跟得上, 就好睇小朋友本身能力。
如果真的year 11 才到英國, 而經濟條件又許可, 可以考慮去私立中學 / college。有不少私立學校有開辦一年或兩年制的GCSE 課程, 這種一年或兩年制的GCSE 課程沒有年齡限制，即使本身應該要讀Year 12 仍然可以向學校申請入學, 對高中才到英國的學生來說，比較方便。
當讀完GCSE 課程，有GCSE 成績後, 便可以憑成績再轉其他中學讀sixth form 考A Level。
(其實呢個歲數到英國, 要預算大學也要付海外生學費的，如何可以在大學用本土生學費，可參考以下呢篇！
https://jcinuk.blogspot.com/2020/06/blog-post_4.html)
若小朋友即將考DSE, 建議先在香港考DSE, 再用DSE 成績申請入大學，會比中途插班A LEVEL 簡單一點。詳細請申請大學方法，建議參考下升學顧問。
沒有留言:
張貼留言