英國教育 -- 如何準備英國小學開學??

英國小學開學了, 不同小學的開學日子可能有點出入, 大約由今星期, 至下星期一 (9/7) 不等。

哥哥在昨天開學，而弟弟就將於下星期一開學。

那麼，英國小學生，和家長們，在開學前有什麼要預備呢？

以下為一般英國state school 上學需要的東西, 可以給大家參考一下!

首先，第一件事，校服

放左近半年假，開學前要兩兄弟試穿一下校服和鞋，看看還合不合穿。

關於小學校服，看以看以下呢篇。

英國小學校服

結果，兩兄弟的校服仍然合穿，不過鞋就要買過，所以早兩星期去了Ｍ&S 買鞋。其實各大超巿，鞋店都有上學用黑鞋。英國的小學不一定要穿皮鞋，除了傳統的黑皮鞋外，還有全黑的運動鞋款，方便小朋友在校內跑步。

第二件事，書包，水樽

英國小學生，上學不用帶書，亦不用買書，亦無咩功課。所以，只需拿一個小小的袋，放水樽，如果不食學校的午餐，再加一個入午餐盒。

第三件事，文具

弟弟之前是Year 1學生，上學完全不用帶文具，故只需要買幾支鉛筆，擦膠在家做下功課便可以了。

哥哥之前是Year 5 學生，上學只需要帶一支鉛筆加一支黑色水筆。

而現在，因為疫情，為左減少東西，兩間學校都寫明不用帶文具回校，學校會提供所有用品，包括文具，紙，顏色，鉸剪等等，每一個一個TRAY 放東西。

英國的文具，款式都好普通，但價錢一Ｄ都唔平。

通常，我會去B&M, wiko, 呢D 地方買, 價錢平D

各超巿其實都有文具，反正款式都差不多

如果想要買真係靚Ｄ既文具，可能要去Smiggle 才有多D 花款。

日本的靚靚文具，暫時真係無見過。

不過反正不用帶返學，在家嘛，用什麼款式都差不多吧。

如果大家對文具好有要求，就可能要在香港買定多Ｄ啦

第四件事，水鞋

大家應該都有看過Peppa Pig 吧? 對Peppa Pig 他們很愛穿水鞋跳水坑好有印象吧?

英國的小孩,和Peppa Pig 一樣都很愛跳水坑😍

另外，英國小學會有Field Trip，會需要穿水鞋外出，故要買定水鞋。Year 5 的時候，哥哥某一個Term 的主題是plants & bugs, 要在學校內翻土, 種野, 搵小昆蟲, 要把水鞋放在學校內備用。

備注：

午餐

英國的小學，大部份可以在學校訂午餐Hot Meal。頭三年，即Reception, Year 1 & Year 2, 政府會提供免費午餐給小朋友，只要向學校訂午餐 Hot Meal 便可以了，之後４年，即Year 3 - Year 6 則要自己比錢。不過呢，根據哥哥所說，因為取 Hot Meal 需時，而且熱騰騰不方便立即食完去玩，他們班大部份小朋友都是自備食物盒，絕大部份是Cold Meal, 多數係三文治, 熱狗, Wrap 等等。快快食完，便可以衝去玩

食物敏感

英國對食物敏感呢樣野非常敏感。在學校，學校當然不會提供可能人致敏的食品，不過，學生都不可以帶有機會令人敏感既食品回校。

有一次，我整左花生醬三文治給哥哥回校，當晚哥哥便說以後不可以帶有花生的東西回校，即使只是自己食，都不可以，怕有小朋友因此而病發，所以帶食物回校要注意。

外套：

英國小學對校服的包容非常大。不單校服可能每個小朋友不一樣，亦不一定要著校褸。因為英國的天氣比較多變，小學學服沒有冬夏之分，小朋友可以按自己需要，穿不同的外套回校。

教科書：

英國小學都不用買書，學校會提供一切教學相關的教科書，薄，用品等等。放學時，也不會拿書回家。所以，平常的時候，都不太清楚他們在學校學了什麼。

不過，每一個Term 都有唔同主題，按主題學習不同知識。

英國的學校, 一年有3個Term, 每一個Term 都會見一次家長，可以看到小朋友在校內做了什麼，功課完成得怎樣。

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

我之前用的移民顧問，是英國注冊的移民顧問，可以用中文或英文溝通，如果有需要找專業人仕幫手申請各種簽訂，可以Email 比我，請記得留低姓名，電話，和電郵以便聯絡，以及要說要想申請哪一種簽證。

==================================================================

更多英國生活分享 https://www.facebook.com/JasperXJayden/

英國教育 -- 英國小學校服

暑假即將完結，又接近開學的季節了！

今年，英國的學生渡過了一個超級漫長的假期，由３月底Lockdown至今，已超過５個月，大部份的學生，便一直閒在家中。

（6月初時, 小學的Reception, Year 1 & Year 6 是可以回校上課的, 直至暑假完結, 家長可以選擇送小朋友回校，或繼續在家，而弟弟就讀Year 1，不過我們都沒有帶他回校）

８月開始，各超巿，服裝店，鞋店都把Back to School 主題放在當眼位置，校服，黑鞋，波鞋，文具等等都列隊出來等家長來付錢。

英國的公立小學，通常的校服包括有：

Polo Shirt

Jumper

長褲/ 短褲/短裙/連身裙

校褸

黑鞋

運動鞋

而其中, 通常校褸不是必須品。我們第一次去買校服時，分別替哥哥弟弟都買了校褸，但後來發現大家都按著天氣去穿不同的褸，因為校內在冬天時有暖氣，通常大家都是穿自己的褸回校，在衣帽間放下大褸，只穿Polo Shirt，或再加一件Jumper 便在校內活動。

Polo Shirt / Jumper 通常都有校章, 所以要去指定校服商購買。Polo Shirt都是短袖的，一年四季都穿著，只不過夏天時只穿Polo Shirt，天氣冷便再加一件Jumper 在上面。英國是沒有分夏季或冬季校服，當然，也沒有指定日子要全校一同換夏季或冬季校服。有些小朋友，一年四季都只穿Polo Shirt回校的。

長褲/ 短褲/短裙/連身裙：通常學校有指定顏色, 但可以隨意去超巿, 服裝店購買。男孩子還好，不是長褲便是短褲（冬天也可以穿短褲回校，夏天也可以穿長褲回校，像我家兩兄弟便只有長褲，反正在英國，夏天也不太熱）女孩子呢？花款就多了，可以隨時選擇連身裙，直身短裙，百摺裙，而不同超巿所出的裙也不太一樣，所以一間學校內，可以每個女孩都穿不同裙，另外，也可以選擇著褲呢！

女孩子的連身裙, 有短袖的款式, 如下圖, 有不同顏色, 按學校的指定顏色購買

唔同超巿既款式都有少少分別, 所以真係人人唔同

除了一件過之外, 還可以選擇背心裙加長袖或短袖衫在裡面。天熱時穿短袖，天冷時穿長袖

而短裙呢？款式更多，單單是M&S, 便有以下咁多款，總有一款女孩子喜款的。

黑鞋：不知是否所有學校一樣，但我家兩兄弟的學校，只要求穿黑鞋回校，但不一定要皮鞋。結果，哥哥上學不足一個月，便要求改買波鞋款的黑鞋，方便他小息時去踢波。亦因為咁，各超巿，鞋店的校服鞋，除了有最傳統的黑皮鞋外，還有更多不同款式的運動款黑鞋，主要是鞋面是皮或網料，而鞋底是波鞋底，方便跑動。

波鞋：不知是否所有學校一樣，但我家兩兄弟的學校，只要求運動課要穿運動鞋，沒有限顏色，款式，結果，本來買的白色波鞋，就沒有人穿了。

個人覺得, M&S 的校服和返學鞋質料比較好, 又唔太貴

https://www.marksandspencer.com/l/kids/school-uniform#intid=hp_hp-herocar1_200820_img_bts

另外，上學除了要穿校服，當然都要拿書包。在香港，因為有好多書，非常重，所以非常著重書包的承托力。不過，英國的小學是不用買書，不用帶書回校，所以小學生們的書包，基本上是輕飄飄的，我家兩兄弟的書包，只有：水樽，午餐盒，閱讀記錄冊，功課（還不是每天都有），圖書。哥哥要帶一支鉛筆，弟弟連文具都不用帶，學校會提供。美術課？學校會提供所有用品。所以，書包的作用很少，只看款式，小小的一個袋就足夠。

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

英國教育 -- 如何令小朋友快速適應英國學校生活 (Part 2)

 上一篇 👇 列出左一D 適合6歲以下的英文歌和童謠, 今次, 就列出一D 我自己非常鐘意, 又好啱小朋友既繪本, 而且都是附有CD, 無論因為家長忙, 唔想讀, 還是擔心自己發音唔夠準, 都可以和小朋友一起聽, 一起看書, 只要有家長陪, 其實小朋友是十分喜歡閱讀時間的!! 

如何令小朋友快速適應英國學校生活 (Part 1)

適合 0-6歲的英文繪本 (根據我的經驗, 即使超過6歲, 仍然都欣賞繪本, 只要大人用心和小朋友一同看書, 小朋友自自然然會喜愛大家一起的閱讀時間)

Dear Zoo Book and CD

https://www.bookdepository.com/Dear-Zoo-Book-CD-Rod-Campbell/9781447282761?ref=pd_detail_1_sims_b_p2p_1

Dear Zoo 特別適合小小孩, 尤其喜歡動物的。故事個主角寄信去動物園，想要一隻動物，然後收到唔同動物，好有趣

We're Going on a Bear Hunt

https://www.bookdepository.com/Were-Going-on-Bear-Hunt-Michael-Rosen/9781406310948?ref=grid-view&qid=1597410326891&sr=1-7

非常經典的故事, 故事是一家人出發去獵熊, 途中經過不同的困難!!!?

最後終於見到熊, 之後係點?? 看故事吧

整個故事結構非常簡單, 單看圖畫己能知道故事內容, 再配上CD 的音效和朗讀, 令大人和小朋友都可以完全明白和欣賞故事

The Gruffalo : Book and CD Pack

https://www.bookdepository.com/Gruffalo-Julia-Donaldson/9781509815128?ref=grid-view&qid=1597418252385&sr=1-11

The Gruffalo 是Julia Donaldson 最出名的一本繪本，故事講聰明的老鼠如何利用智慧去嚇其他比佢強既動物，整本書都是用rhyme 寫, 讀起來非常順口, 尤其聽CD 時有配音, 有優美的朗讀, 當大人和小孩聽多幾次, 自然可以照著朗讀出優美的英文

The Gruffalo's Child : Book and CD Pack

https://www.bookdepository.com/Gruffalos-Child-Julia-Donaldson/9781509815173?ref=pd_detail_1_sims_b_p2p_1

The Gruffalo's Child 是The Gruffalo 的續集, 故事講Gruffalo 的小孩要去找老鼠, 故事一樣非常有趣

Room on the Broom : Book and CD Pack

https://www.bookdepository.com/Room-on-Broom-Julia-Donaldson/9781509815197?ref=pd_detail_1_sims_b_p2p_1

The Room on the Broom 是講一個樂於助人的女巫, 在幫助完其他動物後, 在受困時得到其他動物的幫助去逃離險景

Julia Donaldson 的繪本都是非常值得入手的, 而且大部份都有出連CD 版本, 對於英語不是母語的家長來說, 有人親自朗讀的繪本是學習英語的良書

Curious George Complete Adventures Deluxe Book and CD Gift Set

https://www.bookdepository.com/Curious-George-Complete-Adventures-Deluxe-Book-CD-Gift-Set-H-Rey/9780618750429?ref=grid-view&qid=1597419085109&sr=1-7

Curious George, 一隻在非洲的好奇猴子, 跟了一個男人去到大城巿的故事。這隻好奇的佐治好搞笑，每次都發生不少有趣事。以上是我以前買的版本，一本書內有好幾個故事，再連同幾隻CD, 不過好像己絕版了。以下是單書連CD 版本。

https://www.bookdepository.com/Curious-George-Book-Cd-H-Rey/9780618609222?ref=grid-view&qid=1597420773138&sr=1-1

https://www.bookdepository.com/Curious-George-Takes-Job-Book-CD-H-Rey/9780618724062?ref=grid-view&qid=1597420788347&sr=1-4

https://www.bookdepository.com/Curious-Georges-Dinosaur-Discovery-Book-Cd-H-Rey/9780618689453?ref=grid-view&qid=1597420801179&sr=1-5

https://www.bookdepository.com/Curious-George-Gets-Medal-Book-Cd-H-Rey/9780618737635?ref=grid-view&qid=1597420811222&sr=1-6

Green Eggs and Ham Book & CD

https://www.bookdepository.com/Green-Eggs-Ham-Book-CD-Dr-Seuss/9780375834950?ref=grid-view&qid=1597420922398&sr=1-25

Dr. Seuss 亦是一個非常出名的童書作者, 內容有趣, 而且都是用Rhymes 寫成, 諗起來非常順口,  想英文讀得流利, 語感好重要, 聽得多押韻的英文書, 諗起英文都會好聽好多

Hop on Pop Book & CD

https://www.bookdepository.com/Hop-on-Pop-Book-CD-Dr-Seuss/9780375834936?ref=pd_detail_1_sims_b_p2p_1

Dr Seuss 另一本作品, 內容天馬行空, 而且句子結構簡單, 即使3, 4 歲都可以自己朗讀

The Cat in the Hat Book & CD

https://www.bookdepository.com/Cat-Hat-Book-CD-Dr-Seuss/9780375834929?ref=pd_detail_1_sims_b_p2p_1

相比起以上兩本, the cat in the hat 故事豐富D, 不過一樣天馬行空

Danny and the Dinosaur Book and CD

https://www.bookdepository.com/Danny-Dinosaur-Book-CD-Syd-Hoff/9780060786878?ref=grid-view&qid=1597421521983&sr=1-34

恐龍是很多男孩子的最愛, 呢本Danny and the Dinosaur 講主角Danny 在博物館遇到活生生的恐龍, 仲一齊去玩

Brown Bear, Brown Bear, What Do You See?

https://www.bookdepository.com/Brown-Bear-Brown-Bear-What-Do-You-See-Jr-Bill-Martin/9781427207265?ref=grid-view&qid=1597425451638&sr=1-142

Brown bear Brown Bear, What do you see?

適合小小孩, 有關動物和顏色, 重覆的句子格式, 是小小孩童書的慣例

Polar Bear Book and CD Storytime Set

https://www.bookdepository.com/Polar-Bear-Book-CD-Storytime-Set-Bill-Martin/9781427232564?ref=grid-view&qid=1597424984013&sr=1-62

Polar bear, Polar Bear, What Do You Hear? 呢本書, 比較適合小小孩, 內容有關動物和顏色

下一集, 會講從韓國訂的英文書連CD

敬請期待

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

 

 

英國教育 -- 如何令小朋友快速適應英國學校生活 (Part 1)

小朋友要適應英國生活, 比大人更容易!!

好多人擔心小朋友一下子進入全英語的學校, 會不會聽唔明上堂老師講乜? 會唔會好難識朋友呢??

我家兩個小孩, 在我們到達英國後的一星期便開始上學

一個插班入讀小學第一年, reception class, 另一個插班year 4

不過, 佢地都無話上課有問題, 或唔知老師講咩, 又或者好難識朋友.

其中一個原因, 可能因為他們從小就聽英文故事書, 又會看英文卡通

雖然在香港都是入讀普通的屋村學校, 全中文上課, 但因為平日有聽開英文, 即使來到英國, 來到全英語環境, 都唔會覺得奇怪

而且好多日常生活既用語佢地都知英文係乜, 所以上課唔會有溝通唔到既問題, 當然啦, 好多生活用語其實HK 同UK 真係好唔同, 不過只要講多2次, 下次就知應該用咩生字去講會同人一樣

以下, 就介紹下睇咩書, 睇咩卡通可以學下英文

大約在哥哥2歲的時候, 偶然間看到呢本書: 用有聲書輕鬆聽出英語力

https://www.books.com.tw/products/0010796072?sloc=main

當時我買是初版, 後來有出新版

這本書對我啟發好大

之前, 雖然都有買中英文故事書給當時只有2歲的哥哥看, 讀中文書當然無問題, 讀英文的話, 究竟我自己既發音係咪咁準? 有D 故事書, 我自己讀總係唔順口, 唔流暢。

但呢本書完完全全幫我解決問題

初版的書，有100本英文書既書單, 呢100本書都係有出版社出CD, 可以一邊聽, 一邊睇書, 書中仲介紹每星期播3本書給小朋友, 每天和他們一邊看書, 一邊聽, 小朋友可以聽到最正宗的英文發音, 連我自己既英文都進步不少。

而且因為書單內既書都唔同，有唔同主題，主角等等，所以可以從中學到唔同既詞彙，擴大整個英文生字庫，而最重要係，每一本書都非常吸引，小朋友享受每天一邊聽，一邊看書，而且我會陪著他們一起看，一起聽，是一個非常好的親子活動

另一本推介給家長們的, 是汪培珽的培養孩子的英文耳朵

https://www.books.com.tw/products/0010651710?sloc=main

汪培珽除了有這本推介英文書外, 還有推介中文故事書的餵故事書長大的孩子之外, 其他的教養書都非常適給父母看, 不論孩子多大, 都總有一本適合你

根據我自己的觀察, 小朋友邊聽邊看英文書, 最大好處係:

1) 你完全不用擔心他們理解不到英文內容, 因為PICTURE BOOK 本身既圖畫己經可以表達整個故事, 所以你可以由得他們邊個圖畫, 邊聽內容, 聽多幾次自己會了解

2) 完全不用翻譯中文

3) 你完全不用擔心他們英語發音唔準

4) 你完全不用擔心他們聽唔明英文

一開始, 大約就是哥哥2歲多的時候,  我一開始的做法是, 每星期給3本新的英文書, 加一本舊的英文書, 每天和他邊看邊聽共4本書,

到下星期就換另外3本新書, 再從舊書之中揀一本

一個月便可以看12本新英文書

我會一早安排定每星期看哪幾本英文書, 先把CD 輸入電腦, 在電腦整個一play list, 如

Week 1, Week 2, Week 3, 如此類推, 再把play list 輸入電話, 每次我只要揀返第幾星期, 便是哪4本書, 很方便

一年之後, 己看過很多英文新書, 便開始每星期 2本新書, 加2本舊書

 所以每月都要買唔少書補充書庫

以下是我特別推介的書, 適合6歲或以下

英文兒歌系列 (以下都是連CD, CD 內有音樂, 有人唱, 邊聽邊唱, 好啱小朋友):

Driving My Tractor with Enhanced CD

https://www.bookdepository.com/Driving-My-Tractor-with-Enhanced-CD-Jan-Dobbins/9781846866647?ref=pd_detail_1_sims_b_p2p_1

We All Go Traveling By: with Enhanced CD

https://www.bookdepository.com/We-All-Go-Traveling-By-with-Enhanced-CD-Sheena-Roberts/9781846866555?ref=pd_detail_1_sims_b_p2p_1

The Magic Train Ride

https://www.bookdepository.com/Magic-Train-Ride-Sally-Crabtree/9781905236916?ref=grid-view&qid=1597257283498&sr=1-2

Over in the Meadow

https://www.bookdepository.com/Over-Meadow-Michael-Evans/9781846431487?ref=grid-view&qid=1597265572545&sr=1-12

Down by the Station

https://www.bookdepository.com/Down-by-Station-Jess-Stockham/9781904550686?ref=grid-view&qid=1597265604516&sr=1-2

The Wheels on the Bus go Round and Round

https://www.bookdepository.com/Wheels-on-Bus-go-Round-Round-Annie-Kubler/9781904550662?ref=pd_detail_1_sims_b_p2p_1

The Ants Go Marching

https://www.bookdepository.com/Ants-Go-Marching-Dan-Crisp/9781846436222?ref=pd_detail_1_sims_b_p2p_1

Dry Bones

https://www.bookdepository.com/Dry-Bones-Kate-Edmunds/9781846432590?ref=grid-view&qid=1597265677868&sr=1-2

以上既兒歌系列都係出至child play & barefoot 呢2間出版社, 同系列還有其他兒歌付CD的書, 可以自己研究

童謠系列

鵝媽媽經典童謠 (書+CD) My very first mother goose, 書本身是英文版, 不過我當時買台灣版是付有CD, 後半部有中文翻譯, 其實買台灣版主要就是為了CD

https://www.books.com.tw/products/0010188115?sloc=main 

Lucy Cousins Treasury of Nursery Rhymes Book and CD

https://www.bookdepository.com/Lucy-Cousins-Treasury-Nursery-Rhymes-Book-CD-Lucy-Cousins/9781447277248?ref=grid-view&qid=1597266712583&sr=1-10

A Child's Treasury of Nursery Rhymes

https://www.bookdepository.com/Childs-Treasury-Nursery-Rhymes-Kady-MacDonald-Denton/9780753457108?ref=grid-view&qid=1597266927957&sr=1-4

上面呢條LINK 係我之前買既版本, 不過好像己絕版了

下面呢條LINK 雖然沒有CD, 不過可以DL 返入面既歌, 都唔錯

https://www.bookdepository.com/Childs-Treasury-Nursery-Rhymes-Kady-MacDonald-Denton/9780753444887?ref=grid-view&qid=1597267606870&sr=1-1

今集先介紹英文兒歌, 童謠, 下集便會集中介紹英文繪本

都是有CD 可以邊聽邊看的

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

英國教育 -- 在英國插班係咪一定無好學校??

在英國插班係咪一定無好學校??

呢個問題，應該是家長來信問的問題之中，出現最高的第一位

若不清楚如何插班，可以看以下這篇👇

如何在英國申請插班政府小學，中學

首先，大家對＂好學校＂的定義是什麼呢？

如果你說，我一定要插班入Outstanding 的小學，中學一定要入Grammar School, 將來一定要去英國十大大學，讀最勁既科目。唔，或者，你可以考慮下搵升學顧問，直接入一家私立學校比較有保障，畢竟，插班的話，沒有人保證你心目中的好學校有沒有位呀!!

正如，若有一家人移民到香港，問我可不可以插班入喇沙，拔萃，難道你覺得人地學校會有位咩？？

不過，當我和家長傾談過後，發現大部份家長只希望孩子愉快上學，有一家不錯的學校，和同學融洽相，可以適應在英國的生活。

如果你是希望小朋友在一家優質的學校，可以愉快上學，離開香港的高壓學習壓力，融入英國生活，其實英國的學校，大多可以滿足你的要求。要知道，英國每一間學校，都是一家免費的國際學校，在香港，即使你願意付學費，都不一定能入到，而這裡是完全免費，連買書，買簿，甚至雜費都沒有。在英國讀小學，家長唯一要用錢的，是買校服，水樽，小量文具，偶然的Field Trip, 和課外活動 (完全是自由參加)。

英國學校的Rating 是分3級, Outstanding, Good, & Need Improve. 基本上, Good 的學校應該佔了一半以上。Outstanding 的學校嘛，當然是滿足了政府Ofsted Report 的各項要求。那麼Good 呢? 就是Ofsted Report 內列了部份建議學校可以改善的地方，每家學校的Ofsted Report 列出的意見，建議都唔一樣，可以在參觀學校前先了解一下。

若想查閱每家學校的Ofsted Report, 可以在以下網頁找到。

https://reports.ofsted.gov.uk/

根據我在英國參觀過的小學經驗，有幾下幾項可以作參考：

• 校舍面積
• 校園設備
• 校長對學校的理念
• 小朋友上學時的情況（通常可以參觀要插班的年級）
• 學校有沒有支援非英語為母語的學生
• 學校對欺凌有什麼應對
• 學校有什麼課外活動

在找插班的學校前，最好當然是知道學校有沒有位，安排參觀學校，覺得ＯＫ便申請插班。以我參觀過的學校為例，他們都好樂意幫我查一下學校有沒有位置插班，其實學校最清楚每一班有多少人，有沒有位置，若學校有位置，申請插班時可節省不少時間。

英國的小學，大部份都有大大的操場，大大的草地（可能大城巿的小學，學校面積會細Ｄ吧）當初找小學的時候，參觀第一間小學，立即嘩一聲，好大的學校，好大既草地，學生可以在草地上跑步，踢波，又有好多遊樂設施，攀爬架，尤其Reception Class, 簡直好似在playhouse 一樣。當時己在說，第日兩兄弟在這樣上學多好。後來不停參觀不同城巿的學校，原來大部份都係差不多。只有一間在巿中心的學校沒有大草地，大操場。相比之下，立即覺得這間學校不吸引了（不過這家學校在Ofsted Report 評分很高）。

除了眼見的硬件設備外，校長和老師同樣重要，以我們參觀了十多間小學為例，超過一半是校長親自帶我們參觀學校，會帶我們參觀整個校園，不同課室，介紹學生有什麼主題學習，甚至可以和學生，老師打招呼，感覺親切。

亦有學校是由學生帶我們參觀，有一間學校，由２個Year 6 的學生帶我們參觀，每次到壁佈板或有其他貼堂作品時，其中一個學生就會找出自己的作品介紹給我們，非常可愛。

通常參觀完學校，都會和校長傾幾句（即使不是校長帶我們參觀，都總會帶我們找一找校長）我們當然都會問下問題，好似像我們新移民到英國，小孩的母語不是英國，學校會點樣幫學生提升英文呢，學校有沒有欺凌問題呢？面對有學習問題的學生，又會點處理呢，從校長的回答中，可以感覺到校長是怎樣帶領學校。

曾參觀過一間學校，有一個小朋友帶著頭盔和一個老師在練習，當時那位校長說，因為這個學生身體有點問題，學校申請了政府的資助，有一個助教去單對單幫助這位學生。其實英國對有特別需要的小朋友的支援都好充足，聽哥哥說，他的班有一位小朋友能力無咁好，有一個TA 會單對單同小朋友做練習。

所以我特別強調參觀學校的重要，與其找一個Outstanding 學校，不如用心找一間對學生用心的學校。當你在參觀學校的時候，就會好清楚知道自己喜不喜歡這家學校，這種由心的感覺，比Ofsted Report 上的分數和評語更重要。

P.S. 當初考慮移民到英國時，便來到英國考察一下。未出發前，先聯絡了不同城巿的不同學校安排參觀，２星期內參觀了十多間分佈不同城巿的不同小學，老實說，當初參觀時我們便說，隨便入一間都己經很好（唯一一家小學是我們不想報名的，就是沒有大草地的巿區學校，我們覺得，難得到了英國，每天可以在草地上玩是一件幸福事）

這十多間小學，大部份都是有位插班的（有些學校，在聯絡時已問小朋友出世年月，知道學校沒有位置便沒有安排參觀了）

另外，不少人問小朋友在英國，要花多少時間適應。可能我家兄弟到英國時還小（Reception Class & Year 4）他們基本上沒有遇到什麼適應問題，他們沒有說識唔到朋友，沒有說聽唔明老師，同學講野，沒有說聽唔明課堂內容。看著他們每天快快樂樂上學去，這就是我們當初決定來英國的最大原因。哥哥在香港讀小學時，每天都不夠睡眠時間，功課和溫習花去太多時間，每天好像只是上學，做功課，溫習。他沒有時間做自己喜歡做的事，幾乎每天只能花一點點時間看書又要睡覺。不過，到了英國，每天３點多放學，吃一點下午茶，之後就是自由活動。每星期只有一份英文和一份數學功課，外加每６星期一份主題功課，就是這樣。

在英國上學，家長反而才是最需要時間適應。要適應小朋友好得閒，要適應小朋友無功課，無測驗考試，沒有書本拿回家，不知他們每天上學學了什麼，不知道可以和他溫習什麼，而小朋友？？你有聽過小朋友會唔適應沒有功課的生活嗎？

當９月開學，希望可以參觀不同的中學，為１０月報中學做準備，到時候，希望可以寫一篇中學參觀日報告！！

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

英國教育 -- HK VS UK 學校校網大比併

通常呢, D 人搵地方落腳, 第一個問題, 邊個城巿校網好??

不過呢, 英國既校網, 和HK 既校網其實好唔同架!!!

係HK, 例如, 假如你住九龍塘, 住址在41校網, 九龍塘每一間公立小學你都可以揀

一共有19間  (男校女校個D 自己研究)

香港政府小學2020年學校LIST

https://www.edb.gov.hk/attachment/tc/edu-system/primary-secondary/spa-systems/primary-1-admission/POA2020_CA_Booklet_TC.pdf

第一輪計分, 呢部份唔講啦, 做家長實知

第二輪大抽獎, 只要你住九龍塘, 就同所有小朋友一齊抽, 你唔知自己好唔好彩, 入到第一志願定第二志願, 定唔知第幾志願

不過係英國, 玩法就完全唔一樣

首先, 英國小學是按就近入學

只要你的小朋友和其他同齡小朋友一齊申請入學

越近學校就派先 (有哥哥姐姐係派先, 必收的)

所以, 一間學校的所謂校網 Catchment Area, 其實就是過去幾年, 最後一位派位的小朋友地址和學校的直線距離 (有D 學校唔係按直線距離, 而是路線, 請參考返自己council)

而英國因為地方大D, 人口密度低D, 一個住宅區附近的小學, 通常不會有好多間, 肯定不會有十幾間學校任你選

例如倫敦以北 New Barnet 呢個地方, 如果你想入呢間outstanding 小學

Monkfrith Primary School

呢間學校既收生距離就係綠色圈, 

即, 只要你申請入學時, 住在綠圈內, 那就可以派入這間學校

(每年的直線距離會有少許出入, 所以越近越安全)

而綠色圈附近, 其實只有幾間小學, 每間學校的收生距離都唔一樣, 主要是看有多少學生申請

所以, 假如你住在綠圈內, 你可以選擇的學校, 其實就只有附近那三四間

這個郡, 這個城巿還有多少學校都和你沒有關係

你基本上不會選, 選了也不會入

想知道一間學校的收生距離，可以在以下網頁找到：

https://www.192.com/schools/

https://www.locrating.com/schoolsmap.aspx

是不是outstanding 的學校一定比Good 好??

我覺得, 最主要是你參觀過後, 覺得邊間比較喜歡, 

其實outstanding 和good 的學校, 差距係咪好大呢?

每一間學校都唔一樣

而且, 學校的rating 不是每年做, 你的同學, 老師, 亦不會年年相同

比起一定要入outstanding 學校

一間適合, 有愛心的學校更重要 

所以我常說, 要參觀學校, 和校長傾下計, 睇下學校的小朋友上學情況, 開唔開心

呢D 比起政府既rating 更實在

至於中學呢? 同一個住宅區內可以選的中學更少

基本上, 就是最近那一至兩間

(藍色是私立學校)

常常聽人問, 英國邊到校網好

不少人會因此研究一D 大地區, 

比較常聽到的是KENT, SURREY 等傳統白人富人區

呢D 地方, 請看看google map 地圖, 比起倫敦還要大, 包括了很多城巿, 

不過事實上, 

你只能選一間屋, 選住宅區附近那幾間學校, 

其他地方的學校好不好, 都不到你選擇

只要找到一間心水學校就足夠了

Surrey, 是倫敦西南方的一個郡, 接近Heathrow Airport

Kent, 倫敦東南方的一個郡, 面績比整個大倫敦還要大

希望看完這一篇, 令你對英國的校網有一個更深的概念！！

注意, 校網 (Catchment Area) 是和其他同齡小朋友一同申請入學才會用到, 若小朋友需要插班, 最主要, 還是要看心儀學校有沒有位, 若沒有位, 即使住在學校對面也沒有辦法

所以，若小朋友己是小學生，找屋時最好以心儀中學為目標。選擇心儀中學附近，以便在year 6 時申請中學。

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

英國教育 -- 如何申請英國小學，中學（按正常程序和同齡小朋友一同申請）

移民到英國的家庭，到步後第一件事就要幫小朋友找學校。而幫小朋友報學校，首先要看看小朋友是可以和其他本地小朋友一同申請入讀，還是要插班入學。

這一篇，先說明若和同齡小孩一同按正常程序申請入學，應如何申請。

首先，說明一下英國學校的入學年齡。
英國的小學，是４歲後的9月初開始上學，這個年級叫Reception Class。小朋友由Reception Class 開始讀，一年後就升上Year 1, 一直讀到Year 6。

Year 6 之後，就要升上中學的的第一年，Year 7.

(英國有部份小學分為Infant (reception Class - Year 2) & Junior (Year 3 - Year 6), 主要是有些地區比較分散, 故此開了一些小型Infant School 給年紀小的學生上學, 然後到Year 3 時就升上Junior School。如果小朋友讀Infant School, 那Year 2 時要便申請Year 3 的學校, 詳細請參考個別Council)

若你的小孩將在明年9月前滿4歲 (8月31日前)，那麼，就應該在明年一月中前替小孩申請入學。準確的報名日期，請參考各區的Council。若不清楚自己屬於那一個Council, 可以參考以下政府網頁，輪入地址的郵區編號就可以知道是屬於那一個Council。而在Council 的網頁內, 可以找到Apply School 這部份.

https://www.gov.uk/apply-for-primary-school-place

每一個Council 的入學申請表都會有少少出入, 不過報名, 派位時間大致相約, 以下為申請Reception Class 的大約流程:

以2021-2022年度Reception Class 入學為例 (請以自己council 公佈的日子為準)
2021年1月15日前交申請表 （每位小朋友可以選４間學校）
2021年4月中前收到Council 通知派位結果
2021年9月開學

若小朋友應該在2021年9月入讀Reception Class，但並沒有1月15日前交表，就算是late apply，而Council 會按不同的交表日子而再派位，請在Council 網頁查詢Late Apply 的派位日子。故請盡早安排申請小學。

Council 在1月中收齊申請表後, 便會開始處理入學申請

通常來說, 有兄姐在同一小學的話, 小朋友會優先派位。

之後，到有特殊需要兒童。

再之後，按照申請人的地址和學校距離，由最近學校的小朋友開始派，直到最後一個學位為止。所以，若有心儀學校，住得越近學校越易入。

至於要多近才能入到心儀學校呢？就要查出過往學校的Catchment Area, 即過往幾年, 學校收生最遠的距離是多少, 只要比這個距離近學校, 便比較安全, 當然, 因為每年申請入讀的人數都唔一樣, 所以Catchment Area 的直線距離會有所出入。

有朋友問，有些學校沒有Catchment Area, 為什麼呢? 這個主要原因是學校沒有收滿學生。因為所有申請的學生都能派到這間學校，所以就沒有最遠距離，Catchment Area 了。

以上為正常申請小學的程序。當小朋友升到Year 6, 便要開始申請中學。申請中學和小學大致相同，只是時間上會提早一點：
以2021-2022年度year 7 入學為例 (請以自己council 的日子為準)
2020年10月31日前交申請表（每位小朋友可以選４間學校）
2021年3月中前收到Council 通知派位結果
2021年7月頭, 小朋友到新中學參加transition day
2021年9月, 到新學校上學

政府中學的派位標準和小學一樣，先派有兄姐在學的，再派有特殊需要的，之後再按地址，所以不少人會因為中學而搬家。

至於有人問升中是不是要考試，11+, SAT 是什麼??

首先, 11+ 是考Grammar School 用的, 若你不考慮Grammar School, 或居住的城巿根本沒有Grammar School, 是不用考的, 11+ 並不是一個強制考的試，不是一定要考的。

而SAT 是year 6 的小朋友, 在下學期考的公開試。主要用途並不是考中學用，因為考試前己派了學校。這個試，主要是用來考核學校的小朋友整體成績，故是用來評核學校，而不是小朋友，這個和香港的TSA 有點相似。不過，英國的學校並不會因為SAT 而操練小朋友，這一點和香港完全不同。

下一篇, 會教大家如何替小朋友申請插班, 敬請期待!

==================================================================

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

英國教育 -- 英國邊個城巿校網好??

如果沒有在英國住過, 又沒有親友在英國,
若想移民英國,
通常都對第日住邊個CITY 好迷茫

所以好多人來信或PM 都問一個問題
邊個CITY 校網好D? 學校好D?

呢個問題, 等於你問我, 香港邊個校網好

咁最簡單, 其實我答九龍塘就OK

不過, 事實並唔係你住九龍塘, 就入到名校

首先, 移民的時候, 你的小朋友多大呢?

如果移民一刻, 你的小朋友係3歲以下,
你搬去一間最心儀的學校附近,
係滿4歲前的1月中交小學申請表 (正確日子請查詢自己的council)
咁滿4歲後的9月就可以入讀心儀學校了


不過,
如果你的小朋友並不可以跟其他同齡小朋友同一時間交小學入學申請表
那麼,
你的小朋友就要插班

雖然, 英國小學, 中學都係按地址派學位
(私立, grammar school 除外)
但問題係, 你覺得, 你搬去喇沙小學, 人地學校會咁啱有一個空位等你??
呢D 熱門學校, waiting list 一匹布咁長喎
只要學校人數己滿, 住係隔離又有咩用???

所以, 與其搵一間名校, 倒不如搵一間不錯, 而又有位的學校比較重要
而且, 來到英國, 每一家都好像香港的國際學校,
活動教學,
全英語環境
學校空間大,
戶外設施又多
先把香港的一套價值觀放下
來到英國, 應該多享受童年, 享受學校生活

尤其英國的小學, 以輕鬆, 活動教學為主
所以, 家長們, 放鬆D

而中學呢? 如果係state school, 一樣係以地址為派位標準
申請中學學位的時間, 大約是year 6 一開學就報名, dead line 係10月31日,
故, 若你的小朋友不是在year 6 一開學就在英國讀書,
就不能參加中學派位,
那就要等所有小學生派位後, 有剩的, 才能派給後來申請的小朋友

那麼, 你覺得, 派到outstanding 中學的機會有多大??

唔係outstanding 既學校, 係咪好差??

基本上, 英國的state school 只分為三個等級,
Outstanding, Good & Need Improve
而Good 既學校, 佔了一半以上

Outstanding 既學校, 唔駛講, 一定係各方面都唔錯啦
不過, 我都建議大家參觀多幾間唔同學校, Outstanding & Good 都可以參觀下
比較過, 先知邊間學校最適合


講左咁耐, 究竟邊個城巿校網比較好??

以下, 係全英國TOP 50 state primary school (唔保證最update, 參考用)
詳細列表可以參考以下網頁:
https://www.locrating.com/league_tables.aspx

因為有好多間學校同分
所以排名一樣

從以下參考用TOP 50 全英小學排名就大約睇到
基本上D 好學校係分佈全英國都有
唔同城巿, 唔同郡都有成績好好既學校
而, 英國小學既catchment area 其實好細,
有機會隔2個住宅區己經係另一間小學既catchment area
所以如果你心儀某一間小學
你基本上住佢步行距離最安全
(catchment area 有多遠, 可以參考 https://www.192.com/schools/)

所以呢, 你揀住既地方, 唔係應該問邊個城巿校網好
而係你己經有心水城巿,
再睇呢個城巿邊間學校好

仲要CHECK 下間學校有無oversubscribed (越好既學校, 當然越爆, 你識搵好學校, 難道當地人唔識咩)
雖然英國家長係學業上比香港家長HEA, 
不過孟母三遷係英國係好普遍
好學校附近既屋係特別貴
而且人地係報學校前己經住緊, 
你想插班就更難

不過, 英國小學都係輕鬆讀
無乜測驗考試, 功課又唔多
我自己覺得, 只要校風OK, 學業不錯, 其實在good 既學校入面揀一間己經不錯
反而, 中學就真係要緊張D
始終小朋友大左, 揀校風, 揀成績就真係重要D

所以, 可以的話, 最好跟大隊一齊申請中學派位
咁你只要搬近心儀中學就OK
整件事簡單好多

中學邊間好? 一樣可以係 https://www.192.com/schools/ 睇到
輸入你住既post code 就可以search 到附近學校,
就可以睇到GCSE & sixth form 成績
而小學升中學階段, 最緊要睇GCSE 成績,
因為當GCSE 考得好, 好多人會在sizth form 轉去更勁既學校, 好似私校, 或grammar school
所以比較GCSE 既分數就比較好

萬一, 小朋友到英國己是中學生, 要插中學又如何??
老實說, council 只能派還有空位的中學給你
就算你住超級勁中學隔離, 學校無位, 一樣派唔到比你
(可以排waiting list, 如果咁啱)
最理想做法, 考好GCSE, 跟住sixth form 轉去另一間勁學校
而插班時, 只能盡量揀間比較好的學校

有好多人一聽到英國中學分state school & grammar school,
知道grammar school 成績好好, 就諗住仔女一定要考入grammar school
不過呢, 要考慮既係

1. 如果小朋友到英國己係中學生, 或己經year 6, 基本上, 要插入grammar school 係非常困難, 因為基本上學校就無位收你
2. 如果小朋友到英國己是year 5, 雖然剛好可以報名考grammar school (考Grammar School 的11+ 不是強制要考的), 不過若只有一年時間預備, 要和其他小朋友比拚就唔係咁易了 (可以上網search 11+ mock paper, 大約知考D 咩, 就知小朋友大約程度)
3. 如果小朋友到英國時係初小, 可以上補習班去考11+, grammar school 一樣有catchment area, 如果住得遠, 考得好都無用

因為grammar school 全英國就只有百多間, 而且並唔會再增加, 所以並不是每一個城巿, TOWN 都有grammar school, 而且, 有些學校, 雖然校名有grammar school, 不過實際上是一是私立學校, 因為後來由grammar school 轉了私立, 但沒有改名, 所以搵學校時要留意

好了, 最後, 

係咪私立或grammar school 先可以考好一流大學??

咁梗係唔係啦

入讀普通中學, 係咪一定考唔好勁大學?

誰說的??

雖然grammar school & 私立學校入一流大學既比例高D, 

不過考入呢D 中學本來就是尖子中既尖子

所以不足為奇

而普通中學, 只要sixth form 考得好, 一樣可以入好大學 (GCSE 考得好, sixth form時可以轉勁D 既中學)

希望睇完呢篇, 大家對如何搵好學校有多D 概念

** 如果父母需要工作, 居住既城巿, 係應該以工作地點為中心, 選擇每天可上班既距離內的良好住宅區, 其實每個城巿都有好學校, 不一定要追名牌,

難道你在A 城巿返工, 因為左仔女學校, 每日上下班2-3小時???

如果學校在南部, 工作在中部, 甚至北部呢??

所以, 係研究邊間學校好之前, 應該先諗下邊個城巿最易搵到你心水既工, 

然後以工作地點為中心, 向外研究車程一小時內, 或1.5小時內的住宅區

呢方面, 可以在facebook 內唔同城巿既page 問下當地人 (不一定要問香港移民, 問問當地人仲清楚)

希望大家都搵到心水城巿同心水學校!!

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/

英國教育 -- 在英國申請State School 插班 Step by Step

如何在英國申請State School 插班 Step by Step

係英國, 申請插班, 轉校比在香港普遍得多
所以學校經常有學生退學, 插班
那麼, 當一家人由香港搬到英國
如何申請State School 呢?

首先, 小朋友要入讀State School, 必需是持英國護照, 或持合法Visa,
最普遍是申請Family Visa, 或父母申請投資移民Visa, 子女申請Dependants Visa
只要是可合法居住在英國, 就可以免費入讀政府State School,
不單不用學費, 更不用買書, 不同買簿, 基本上連文具都不用預備
學校提供了一切所需
只要買套校服便可以去上學

通常, 申請移民要有一個必要程序, 就是在VISA 批出後一個月內到英國取BRP
這時, 有部份人就會在這個時間租屋
當你租到屋後, 就要到Council 交Council Tax, Council 會給你一個Council Tax Code, 證明你己交Council Tax, 這個Council Tax Code 非常重要,
因為申請學校時, 申請表要填Council Tax Code,
證明你們真的住在這裡

係英國, Council Tax 係住客付的, 所以不論是住客是業主自住, 還是租客租住,
都是由住的人付Council Tax,
而Council Tax Code 係好重要既地址證明
上面應該有地址內居住既大人姓名

說回正題, 申請學校必需提供:
1) 申請表
2) 小朋友護照 / BRP
3) 地址證明

申請表上,
除了要填小朋友資料, 父母資料外
還要填現在讀哪間學校,
為什麼要申請插班,
以及可以選4間學校, 要填原因

我地係交申請表之前, 己參觀過幾間學校
參觀後, 我地有直接問學校, 有沒有插班位, 話比學校知小朋友咩年咩月出世, 其實學校係直接知有無位收到小朋友, 不過要等Council 正式派位
所以, 如果你參觀了學校, 喜歡呢間學校, 而學校又有位, 最好排第一,
Council 收到申請表後,
會先跟學校溝通, 確保有位後, 再通知家長

如果你選一間學校是根本沒有位
那Council 基本上都要先問學校, 學校回覆沒有位, Council 再問第二間
萬一, 你選的4間學校都沒有位
那Council 就會派一間有位的學校給你
因為法例規定小朋友要上學,
所以Council 一定會搵到一個學位給你,
只是未必是你心水的一間


講返我地當日申請插班的TIME LINE
19年2月頭, 我地一家到英國取BRP
因為未取BRP 前我地己租了屋
所以取BRP 後, 再去Council 交Council Tax
接著便申請學校
因為我地只會在英國留2星期便回香港
我地在申請表上寫明希望5月才上學

大約一星期後, Council 回覆說若現在派了學位, 便要立即讀,
著我們在正式Settle 前一個月才再email 申請表去Council

4月頭, 我們再Send 申請表去Council,
不久, Council 就回覆因為正值復活節,
要等學校Reopen 才可以處理申請

直到我們出發離開香港前, 再打電話去Council 那邊
對方說我們到了英國便會處理

我們是在星期六離開香港,
星期日早上到英國
星期一早上, Council 就打電話通知我們己派了學位給我們,
是我們的第一選擇
(參觀學校時己問過學校有位, 然後, 我們離開香港前也有聯絡學校, 知道學校仍然有位)
即日可以去學校取文件

文件主要是有入學的學生資料表,
學校的通知信
要買什麼校服, 和買校服的地址
還有上課, 下課時間等

然後就問我們可否下星期一開學
我們當然沒有問題

所以, 我們到步後一星期, 小朋友就開始上學了

只要安排得好一點,
預早參觀, 申請學校
就可以把小朋友停課的日子減到最低

希望大家既仔女都可以入讀心儀學校

以下是過往文章大合集, 若對移民英國有疑問, 可以先看以下文章有沒有想知既資料

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

==================================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

==================================================================

更多英國生活分享 https://www.facebook.com/JasperXJayden/