話咁快, 我地一家正式住在英國己經足足一年了
呢一年以黎, 無論香港, 英國, 以致全世界, 都變到就快認唔到
首先, 講下我地一家既變化
一年來, 兩兄弟己非常習慣英國小學既生活,
認識好多朋友仔
佢地上堂無特別學習和溝通上既問題
本來, 這個學年終於可以完完整整讀完
(上一個學年, 只讀了不足2個月)
但因為一個武漢肺炎, 今學年只讀到3月中
雖說政府話有可能6月1日重開小學
但以現在咁既情況
我傾向暫時不帶佢地返學
始終每日仲有幾千單新症
如何確保安全呢
兩兄弟既英文真係進步不少
現在他們偶爾會用英文對答, 尤其在吵架既時候
見他們和朋友仔玩得咁開心,
真係放心不少
住方面, 2月搬了新家
幸好搬了家才LOCKDOWN
一來住既地方大DD, 大家可以有多D 私人空間
兩兄弟即使日日在家都可以走上走落,
玩都玩得開心D
交朋友方面
在舊家識左唔少鄰居,
有D 到現在仍保持聯絡
但新家, 因為搬入不久就LOCKDOWN,
剛搬入時仍時是冬天
除了偶見面打招呼外,
仍未正式認識
希望等疫情過去,
可以認識下鄰居
而其他朋友方面
今年又有兩家人由香港搬過來
和我們家只有3分鐘車程
(只是在隔離的住宅區, 隔了一條大馬路)
可惜因為LOCKDOWN
連朋友都無得見,
只係whatsapp 聯絡咋
因為返教會,
識左好多香港人移民 (仲有馬拉, 新加坡架)
教會係雙語的(國語和廣東話, 牧師都係香港人)
可以在教會完結後和香港人用廣東話傾計, 真係有種他鄉遇故知既感覺
之後, 因為大家都有小朋友, 放假成日約埋出去玩
每個月又會去其中一家人既屋企聚會
真係非常開心
好多人問, 移民英國係咪好悶架
其實除左LOCKDOWN 呢個幾月真係好無聊之外
之前真係唔覺得悶架喎
或者夜生活係無香港咁多 (帶住兩個仔, 邊有夜生活呀)
不過FAMILY 既活動就一D 都唔輸饋
英國有好多動物園, FARM, 我地暫時只係去過一個動物園, 同2個農場
淨係由我們家, 可以DAY TRIP 去到既, 仲有好多未去過
博物館都有好多架, 倫敦既博物館之中,
只帶兩兄弟去過自然史博物館, 交通博物館和大英博物館
連科學博物館都未有時間去
暑假時去過OXFORD 和劍橋, 一日遊都唔錯架
如果講悶,
食野方面就真係悶左DD
(倫敦會好D, 多D 各國美食)
呢到不論餐廳既超巿可以買既材料,
都係以西餐為主,
PIZZA, 意粉, BURGER, 炸雞, 炸魚等等
其實超巿己經比較好
有炒飯加唔同配料, 中或既EGG NOODLE, 米粉等都有
有D 炸既中式點心, 好似春卷
有D 超巿有壽司, 不過款式比較少
(問過呢到住既日本人, 要食家鄉菜都要出倫敦)
大路既中式調味料都可以係普通超巿找到
要在家煮中餐唔難, 肉類係超巿比香港平
菜既種類當然集中係西式菜
附近中超有好齊全既各式調味, 中, 日, 韓, 泰都有
想食乜, 唯有自己整
另外, 中超有各式點心, 放入冰櫃, 要食時拎去蒸就OK , 味道都唔錯
不過價錢就略貴, 而且好阻地方 (一個大膠盒只放幾件點心)
現在非常時期, 冰櫃要留來放肉類
因為要搬黎英國, 我專登係香港先考車牌
黎到再搵教車師傅補鐘 (又係因為教會朋友, 介紹香港人移民既教車師傅, 連補鐘都係用廣東話)
現在可以自己渣車送仔返學放學, 去超巿買野
係英國, 始終都要自己有架車先方便
兩個大人, 就要兩架車
否則去邊都要人接送或CALL 車, 好鬼煩
不少人問英國有無歧視問題
我覺得因為香港曾經係英國既殖民地
好多英國人都知道香港係咩地方
唔少人仲去過香港添
所以當識到新朋友, 介紹自己來由香港,
佢地都知係咩地方,
暫時, 我又無遇到歧視問題
識既人都好NICE
不用太擔心
一年以來,
唔少人問我地住得慣唔慣, 適唔適應英國既生活
而我們一家, 好像由DAY 1 就沒有適應問題
冬天時日短夜長又無乜感覺 (只係小朋友無得放學出去玩)
冬天凍?? 又唔係好覺, 因為屋企有暖氣, 車有暖氣, 商場有暖氣
冬天成日落雨?? 但冬天咁凍, 我地唔係戶外, 其實無咩關係
渣車又係點到點, 無乜時間要淋雨
無得去夜街?? 但我地本身就好少出夜街, 放工都回家陪孩子
放假去玩都可以去得夜, 有時會食完晚飯回家
試過去 Birmingham 一日遊, 食完晚飯回家都接近11 點, 好夜架啦,
平日兩兄弟9點前上床
近幾次出倫敦都係食埋晚飯先返 (避開塞車, 而且難得有唔同餐廳揀)
回家都至少9點幾
有時去朋友家聚會, 都會成9點幾, 十點幾先玩完,
所以節目豐唔豐富
睇你鐘意玩咩,
同識唔識去玩既
以下是過往文章大合集, 若對移民英國有疑問, 可以先看以下文章有沒有想知既資料
移民英國, 最常見問題 (英國簽證, 移民前後準備, 英國生活大全集)
==================================================================
如果大家想我多D 分享唔同既英國資料, 如英國生活, 或移民顧問資料, 可以Email 比我
Email : jcinuk2018@gmail.com
請留低
姓名
電話
以上只係個人分享, 並不構成任何建議
==================================================================
更多英國生活分享 https://www.facebook.com/JasperXJayden/
沒有留言:
張貼留言