2020/09/17

移民英國讀者問題大全

 唔少人會INBOX 問移民英國問題, 以下, 集合左唔少讀者來信, 比大家參考一下:

1) P 牌可唔可以轉英國車牌?

YES, 絕對無問題!! 其實英國車牌無分P 牌, 正式牌的。香港的P 牌己可直接轉英國車牌! 我在香港一考到車牌就移民, 只拿著P牌一樣換到英國車牌, 不過提提大家, 無渣開車, 最好搵人補補鐘

2) Council Tax 係業主還是租客比??

英國的Council Tax 是住客比, 即誰住誰付錢, 所以, 當然是租客付!!

而且, Council Tax 是非常好的地址證明, 可以用來申請學校, 開銀行戶口等等

英國COUNCIL TAX

3) 可唔可以2家人合租一間屋?

唔知點解, 唔只一個人問呢個問題, 其實我就唔建議兩家人一齊住, 有個照應唔係唔好, 不過有返D 私人空間會比較好, 2間2房單位, 不會比一個4房單位貴好多, 但各自有各自的空間

可以的話, 其實揀同一個住宅區己經好方便

萬一, 真係要一齊住, 其實租屋時, 應該要填晒所有大人既名上去, 因為業主都要確保所有人有合居留簽證。

另外,去登記council tax 時, 可以把所有同住的大人名加上去, 小朋友不同, 便可以用來做地址證明, 報學校, 申請銀行戶口之類

P.S. 其實英國本身,都有人均居住要求, 正常來講, 一個4人家庭, 若小朋友在10歲以下, 至少要2房, 若小朋友10歲以上, 性別不同, 應該要3房, 不過, living room 都可以算係一間房, 所以要留意一下

2家人同住一間屋己是上限, 3 parties 租同一間屋的話, 業主要申請HMO (合法分租單位) 的

之前我地去睇屋時, 一開始係諗住租3房house 的, 當時, 地產就同我地講, 4人家庭應該要揀4房比較好, 英國人對居住要求似乎高好多呢

如果不是在大城巿住, 3房和4房價錢可能不是差太遠, 不過, 1樓多一間房, 等於地下也大一間房的面積, 其實住落會舒服好多, 睇屋時, 不妨多睇幾間才決定

4) 無車係咪生活唔到?

主要睇你住邊個地方, 如果係大城巿, 其實都OK, 當然, 有車點都方便D!! 即使你住倫敦, 大型中超, 傢私店, 大超巿既位置都未必係車站附近, 買野又好, 去邊都好, 都係有車比較好, 英國不同香港, 交通無咁方便。而如果放假想去遠DD地方玩,就更加覺得無車唔方便

如果唔係住巿中心,車更加係必需品,就像我住的地方,我要渣車送兩個小朋友返學放學,要渣車去超巿買野,連買樽牛奶都要渣車,無車真係邊到都唔駛去。

5) 係香港學車先好, 定去英國學好?

如果你係移民前考到車牌, 咁梗係香港考左先好D, 去到英國, 換左車牌就可以搵人補補鐘, 就可以試下自己渣。如果去到英國先學,講真,頭兩三個月肯定好忙,之後再搵人去學,考筆試,學車,考路試,時間真係可長可短,如果一家人之中,本身有一個己有車牌,只差一個,其實都可以去英國慢慢考既,如果兩個人都無,其實焗限左可以居住既地方

6) 可唔可以12月時,用旅客身份入英國租屋, 1月才申請BNO 簽證?

首先, 最重要一點, 旅客是沒有合法居留簽證,業主係唔可以租屋比你, 否則業主就犯法。所以,未入簽證前係租唔到屋的,至於用LOTR 入境又如何? 因為己有半年居留許可, 是可以租屋的

7) 英國租屋有無分生約死約??

沒有的, 基本上, 英國租約只有死約, 租約期通常半年或一年, 完結前再傾係咪續約。未到期前唔租,租客有責任要付餘下的租金,或你找到人頂替你的租約,但要通知業主

8) 有寵物係咪好難租屋?

係, 大部份在rightmove / zoopla 看到的屋, 都注明no pet 的, 若你有貓貓狗狗, 搵屋時要先和地產傾, 看看有哪間屋既業主肯比你養寵物, 但有機會要加錢

9) 為什麼銀行戶口的saving account 不能提款?

通常在英國銀行開戶, 是有分current account & saving account,不過和香港不同,英國人普遍是用Current account 作日常往來之用, 付款, 轉帳, 出糧都係用current account ,而current account 是沒有利息的。saving account 有利息, 但不能提款,轉帳給第三者, 付款, 所以平常應該把日常開支既錢放current account , 真係儲既錢才放在saving account


如果大家有其他問題, 都歡迎提出, 盡量解答



以下是過往文章大合集, 若對移民英國有疑問, 可以先看以下文章有沒有想知既資料
移民英國, 最常見問題 (英國簽證, 移民前後準備, 英國生活大全集)
https://jcinuk.blogspot.com/2020/07/blog-post_4.html
==================================================================
如果大家想我多D 分享唔同既英國資料, 如英國生活, 或移民顧問資料, 可以Email 比我
Email : jcinuk2018@gmail.com
請留低
姓名
電話
Email
以上只係個人分享, 並不構成任何建議
我之前用的移民顧問,是英國注冊的移民顧問,可以用中文或英文溝通,如果有需要找專業人仕幫手申請各種簽訂,可以Email 比我,請記得留低姓名,電話,和電郵以便聯絡,以及要說要想申請哪一種簽證。
==================================================================
更多英國生活分享 https://www.facebook.com/JasperXJayden/




2 則留言:

熱門文章