弟弟的英文學習之路

 昨天係Facebook 提到弟弟的英語朗讀生涯😆

弟弟由香港到英國時，只是一個5歲的K2 學生，中文字又唔多識，英文只識ABC, 正宗文盲

剛剛在英國上學，由一個K2 小朋友，晉升為英國小學Reception 學生，好彩英國小學本來就由phonics 教起。

上學大約一星期時，老師同我地傾計，話弟弟好似唔係好識應老師都唔知佢係聽唔明，定唔知老師叫緊佢 (係香港時，應該無乜人叫佢英文名吧）

而且老師都知佢完全唔識phonics, 而其他同學已上學半年。於是，老師一邊在學校由a 開始教佢，另一方面，print 左一份phonics 生字比我地回家同佢溫習，再比埋教phonics 既youtube channel 我地每日陪佢一齊睇，一齊學下。

到Year 1, 老師都知佢由香港到英國不久，上phonics 堂時會帶佢去reception 一齊上，等佢基礎打好d.

可惜，year 1 未讀完就lockdown, lockdown 時太無聊，我日日叫佢讀書比我聽，結果，佢由一開始既oxford reading tree level 4, 升級到可以讀Magic tree house 比我聽，真係好大進步

有人留言問老師建議的Youtube 是什麼, 現在, 就公開弟弟的英語學習之路

英語學習, 分開書本閱讀, 有聲書, 和電視/Youtube

書本閱讀:

英國教育 -- 如何令小朋友快速適應英國學校生活 (Part 1) Picture Song Book & Rhyme

https://jcinuk.blogspot.com/2020/08/part-1.html

英國教育 -- 如何令小朋友快速適應英國學校生活 (Part 2) Picture Book

https://jcinuk.blogspot.com/2020/08/part-2.html

英國教育 -- 如何令小朋友快速適應英國學校生活 (Part 3) Level Book

https://jcinuk.blogspot.com/2020/09/part-3.html

英國教育 -- 如何令小朋友快速適應英國學校生活 (Part 4) Chapter Book

https://jcinuk.blogspot.com/2020/09/part-4.html

動畫

英國教育 -- 如何令小朋友快速適應英國學校生活 (Part 5) Youtube

https://jcinuk.blogspot.com/2020/09/part-5.html

英國教育 -- 如何令小朋友快速適應英國學校生活 (Part 6) Netflix

https://jcinuk.blogspot.com/2020/09/part-6.html

基本上, 弟弟還我在的肚內時, 就開始學習英文😄

因為哥哥由2歲多開始每天聽英文有聲書

所以弟弟還在我的肚內時, 就己跟著哥哥一起聽

到弟弟出世, 當然, 都是哥哥弟弟一起聽, 當時, 主要是哥哥聽什麼, 弟弟就聽什麼, 反正他什麼都不知道嘛

到弟弟開始大個, 基本上以上列出來的書, 他都差不多看過

現在6歲多, 書本閱讀去到Magic Tree House

其實無論有無諗住來英國, 而兩個都只係讀普通屋村小學和幼稚園

不過, 我一直相信打好英文基礎都好重要

當初給哥哥聽英文有聲書時,

從沒有想過我們一家會來英國住

只想佢從小英文學好DD

來到英國後, 兩兄弟在英國小學的適應可謂完全無問題, 不論是一來英國就是高小year 4 的哥哥, 還是一到英國還是一個連ABC 都分唔出的Reception 小學生, 和老師, 同學全天候用英語溝通, 聽書都沒有遇到什麼問題, 因為他們自細就聽慣英文

英國的教育, 好著重Phonics, 由Reception 一開學, 就把所有英文時間放在Phonics 上

利用Phonics 的英語發音, 教小朋友自己看書 (初小的學生, 每天要諗英文書給老師聽)。

當你識Phonics, 便可以靠併音把書朗讀出來。但，有一個大前提，是你讀這個英文出來，你要知道是代表什麼，才能靠Phonics 閱讀。

好像這一句

I saw a Dinosaur at the Museum.

識Phonics, 可以完全無困難地把這句讀出來, 即使完全不知道Dinosaur & Museum 是什麼, 但, 當你看得多書, 知道什麼是 Dinosaur & Museum, 看到一本新的書, 有這兩個生字, 即使本來你唔識串, 但當你一讀出來, 你就知原來係恐龍和博物館。

這就是英國教英文的方法，靠Phonics 和每天在學校朗讀英文書, 閱讀英文書, 打好英文基礎。

英國小學生，由Reception Class 至Year 6, 每天都有英文和閱讀課, 所以他們很習慣看書。而閲讀，是一個人學習新知識的最基本能力。

無論有無打算來英國生活，學習好英文都對小朋友有好大益處。而透過學習Phonics 和閱讀去學習英文, 是一個完全無痛, 非常愉快的學習, 只要找對書, 小朋友就會好有興趣地一本接一接讀下去。

以下是過往文章大合集, 若對移民英國有疑問, 可以先看以下文章有沒有想知既資料 移民英國, 最常見問題 (英國簽證, 移民前後準備, 英國生活大全集) https://jcinuk.blogspot.com/2020/07/blog-post_4.html ================================================================== 如果大家想我多D 分享唔同既英國資料, 如英國生活, 或移民顧問資料, 可以Email 比我 Email : jcinuk2018@gmail.com 請留低 姓名 電話 Email 以上只係個人分享, 並不構成任何建議 我之前用的移民顧問，是英國注冊的移民顧問，可以用中文或英文溝通，如果有需要找專業人仕幫手申請各種簽訂，可以Email 比我，請記得留低姓名，電話，和電郵以便聯絡，以及要說要想申請哪一種簽證。 ================================================================== 更多英國生活分享 https://www.facebook.com/JasperXJayden/