2021/05/30

Birmingham 一日遊

一早約左朋友，話如果打完針後無乜野，今日就去Birmingham 行下街，食下野


結果呢，我地除左手臂有d 痛之外，都無咩特別，所以今朝食完個豐富早餐就出門
p.s. Birmingham 將由6月1日起實施Clear air zone, 詳細可以睇返下面呢篇
Birmingham中心都已經整晒路標提巿示，大家要留意
今次我地泊Bullring Centre 商場的停車場，因為上次泊 Edgbaston Street 既多層停車場，咁啱個日係Christmas market, 好多人，我地泊到頂層，食完晚餐後，淨係停車場就塞左一小時以上，未出停車場，兩兄弟已訓著左


Bullring Centre 停車場
Spiceal St, Birmingham B5 6BH
今次商場停車場至少不用轉幾層先泊到車
今次係去年3月lockdown 後，第一次帶兩兄弟離開住既city 去其他大城市行下，希望疫情快d 好返，暑假可以去多d 地方玩



商場有一個小小的碰碰車場, 但真係好細, D 車根本只郁得少少
仲要5鎊玩一次, 唔抵玩

一到商場，哥哥已經話想飲珍珠奶茶，每次去商場都少不免要買返杯，結果行左幾間就停低飲下野，可惜無位坐下，弟弟行一陣就話要回家🤷‍♀️

呢間珍珠奶茶好一般







商場外便是古老大教堂






St Martin in the Bull Ring 牛環聖馬丁教堂
Edgbaston St, Birmingham B5 5BB

跟住行Primark, 呢間好大間，有5層，但我地只行左兒童部😒買左d 新衫
行街係唔應該帶細路🤷‍♀️





Primark
38 High St, Birmingham B4 7SL

APPLE Store 好古色古香
128 New St, Birmingham B2 4DB





然後，又四圍行下


T4 Brimingham
50A New St, Birmingham B2 4EG

無印


MUJI Birmingham
Caxton Gate, Unit 2, 40-42 New St, Birmingham B2 4EG


China Town 對面有一個indoor market, 有好多海鮮, 肉檔
肉檔有不同部份的肉, 如牛腩 , 豬頸肉等

打算買魚既, 要早少少去





Bull Ring Indoor Market
Birmingham B5 4RQ

呢個china town, 無乜行, 主要就是餐廳


呢間麵包店既港式麵包不錯



China Court Restaurant
https://chinacourtbirmingham.com/
24 Ladywell Walk, Birmingham B5 4ST


最後又去食無雙茶餐廳，久違了的港式茶餐廳




點了
乾炒牛河，味道ok, 但d 河粉有點碎
焗豬扒飯，根本就係大快活既焗豬扒飯
炒軟殼蟹，不錯
海南雞飯，哥哥好鐘意食
焗牛柳粒飯，不錯
紅豆冰
凍檸茶
芒果冰
鴛鴦
蒜香雞翼
土匪雞翼
估唔到呢d 港式茶餐廳都幾多本地人食，我仲以為得華人會食添

無雙茶餐廳
Wu Shuang Cafe
2 Bath Passage, Birmingham B5 4SZ


===============================================================
香港英國零距離 -- 香港<--> 英國速遞服務
全新 Easy Parcel 速遞服務幫到你!! 我地爭取到比DHL 正價大約6折的運費，只要經我們出DHL 提單，可享最優惠運費，令你感受到香港和英國零距離。
詳細資料:

以下是過往文章大合集, 若對移民英國有疑問, 可以先看以下文章有沒有想知既資料
移民英國新手懶人包 (居住/學校/醫療/工作/交通/購物)

英國教育系列 -- 綜合篇

移民英國, 最常見問題 (英國簽證, 移民前後準備, 英國生活大全集)

===============================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

請留低
姓名
電話
Email

以上只係個人分享, 並不構成任何建議

我之前用的移民顧問，是英國注冊的移民顧問，可以用中文或英文溝通，如果有需要找專業人仕幫手申請各種簽訂，可以Email 比我，請記得留低姓名，電話，和電郵以便聯絡，以及要說要想申請哪一種簽證。

一開始的查詢是免費的，可以先把個人背景，想申請的簽證，大約想申請的時間，到英國的日子和移民顧問傾詳情，若決定要找移民顧問幫手申請才付費的。
===============================================================
更多英國生活分享 https://www.facebook.com/JasperXJayden/

Posted by at 沒有留言:

2021/05/18

英國養車費用

在英國養車, 基本上都可算是必需品
因為我地唔係住倫敦, 所以車係必需品, 只要一出門, 就上車
基本上, 識既大部份朋友, 每個大人一架車 (所以搵屋時, 可以泊兩架車好重要)
亦因為咁, 英國既7人車需求無香港咁高, 
因為好少家庭有 6 - 7 人嘛
亦好少英國家庭和長老們一齊住
而英國的爺爺嫲嫲公公婆婆, 都是自己有車 (你看親王幾年前, 九十幾歲仲自己渣車就知)
我家附近D 退休老人, 都係各自有車, 平日自己住, 自己渣車出入, 好自在

我地在正式定居英國後, 第二天便立即去車行睇車試車, 過兩日便把車帶回家

買車前, 請先看呢幾篇


我地係英國, 己買過3架車
頭2架, 係原廠的Approved Used car
第3架, 係AutoTrader 上找, 一D 細二手車行買的

如果是和原廠買, 基本上保障都好足夠, 
車既性能, 車齡, MOT, Service 通常都比較好
若對車不太熟悉, 其實用原廠買就比較安心
價錢通常由5000+ 鎊起, 越新當然越貴
而自動波又比棍波貴

關於揀自動波或棍波問題
英國的二手車, 尤其平價的, 一定係棍波平及多選擇
不過近年新出既車, 己多左用自動波
揀邊種車, 我覺得最緊要係自己渣唔渣得慣
如果渣開自動波 / 慣左自動波, 甚至個牌係自動波
其實都係一開始買車會選擇少D 同貴少少, 
但之後既保養, 每月開支其實唔差太遠



如果想買再平D 既車, 就可以去AutoTrader 搵, 
揀地區, 基本性能, 大約價錢, 就會SHOW 到有咩車揀
AutoTrader 只係一係買賣車平台, 
除左有二手車行, 仲有原廠, 及私人放售
揀啱就可以聯絡試車
(Covid 19 下, 可能要先打電話去問下有無得試車)
AutoTrader 上的賣家是龍蛇混雜
所以記得先看看其他買家Comments, 
二手車行仔及私人放售, 務必要試車
雖然現在因為Covid 19, 有不少車行推出網上買車, 送到你家, 7天內包換
不過, 先試車才買始終比較放心, 若不熟車, 最好搵一個熟車既朋友陪你試車
可以比較容易發現汽車有沒有問題
若不是和原廠買車，買車前其實最好搵第三方去驗一次車，坊間例如AA 同RAC都有提供到，無論係大大小小既二手車商都有時會好古惑，而佢除左 check車之外仲可以check埋保險記錄同有冇貸款紀錄，貨款紀錄可以在HPI CHECK 檢查到。

還有, 為免買了偷車/未供滿車/被Claim 過既車, 買車前記得先上網做一次  HPI CHECK
HPI Check 可以檢查到架車有無被人偷, 有無貨款在身, 有無write off 過等等
詳細可以睇呢篇

另外, 今年開始, 不少大城巿推出Clear Air Zone, 
汽車排放高既車入大城巿要付CAZ Fee
詳細看這篇

若買柴油車, 就盡量買15年9月以後才註冊的, 汽油車就好D, 2006以後註冊的都OK

買完車, 仲要先上網交Road Tax 及買汽車保險, 汽車才能在路上行走

如何付Road Tax 及買汽車保險可以睇呢2篇
汽車保險費用由幾百鎊一年, 到千幾二千鎊一年都有
最主要影响保費包括:
  • 車主年齡 (30歲以下會特別貴)
  • 職業
  • 汽車種類, 車齡, 價值
  • 汽車用途 (如要唔要渣返工, 還是消閒用)
  • 晚上泊邊 (車房 / 私家路 / parking lot / 路邊)
  • 住址位置 (住址既治安會影響保費)
  • 有多少年NCB (No Claim Bonus) 
關於汽車種類, 如果想知自己架車係保險公司既rating, 可以係呢到SEARCH

買車保時, 要留意
  • 墊底費多少, 一般200 - 500 鎊之間
  • 有沒有包法律保障 (沒有的, 建議加錢包埋, 萬一有意外, 可以有法律支援)
  • 個人意外保險
  • Breakdown Service
  • 整車時, 包唔包借車 (沒有車太不方便, 很多保險公司會在整車時借車比你, 直到整好)
  • 全保還第三保, 正常全保不會貴好多, 建議買全保
留意, 英國的汽車保險是跟人也跟車, 即你在保險公司登記了誰人會渣車, 就只有登記的人渣才保, 若你借車比人, 而又發生意外, 保險是不會負責的 (如果真係有需要借車比你, 可以向保險公司申請加Temp Driver)
你可以在買保險時, 便加其他司機名, 如夫婦二人都會渣, 就一人係車主, 做Main Driver, 登記另一人做Name Driver, 

除了買車, Road Tax, 保險外
還有的養車洗費包括:
  • 1年一次MOT (年檢), 汽車落地滿三年便要做MOT, 一般若不用整車, MOT 大約100鎊左右 (見到廣告最平45鎊起, 不過我地一向找相熟車房搞)
  • Service, 汽車會有本手冊, 內有過去做Service 的記錄, 一般一至兩年便應該做一次Service, 確保性能正常, 費用多少就根據架車有咩要做保養, 好似換油, 換break 皮等等。大家要留意返車manual 入面既指定既時候去做，通常都係大約10,000 miles 或者一年（睇下邊樣最快到），新車既話就一定要按佢既requirement，因為怕無左原廠既warranty 
  • Breakdown cover 雖然有時可以包埋係每年車保，不過除此之外AA 同RAC都有提供，可以比較下價錢之後先再睇下要唔要買。 而家方間有幾家車廠係原廠保養其內只要每年返原廠做service，就送埋breakdown cover ，例如Hyundai / Kia 等
  • 入油, 柴油一向比汽油貴, 汽油, 平均10X ~ 120P 之間, Lockdown 時最平見過99P / L, 而柴油通常貴10P 左右
    • 我地兩架車, 細5人車, 每次入油約30鎊, 大7人車, 每次入油約60鎊
  • 泊車, 通常除倫敦外, 住宅都會有地方泊車
    • 車房: 雖然好多HOSUE 有車房, 不過其實好少人會每晚泊入車房, 通常都用來做雜物房, 而把車泊在車房門外的私家路上
    • parking lot: 有D House 沒有車房, 或Apartment, 就會有附有一個劃了位的泊車空間
    • 街邊: 如果係排屋, 或Apartment 沒有車位, 便有機會要泊路邊, 或屋企唔只一架車, 亦有機會要泊路邊
    • High Street 泊車位 / parking : 不少Hight Street 附近會有D 路邊泊車位, 或小型停車場, 多數係先揀泊幾耐, 入錢, 出飛, 要放在車頭, 新式的會可以網上 或打電話比錢, 好多時晚上6點後, 或星期日會免費, 記得睇清潔先泊, 有D 街邊的泊車位會寫明最多泊幾耐, 以及一段時間內不能回來再泊, 要先留意。舊式既泊車位可能只供應入coins, 不設電話或上網比錢, 所以預備小量散紙好重要
    • 商場: 和香港差不多, 多數係入閘取飛, 走時付款
    • 預約泊車: 倫敦巿中心車位唔係咁易搵, 想出去, 又想確保有位泊, 可以預先上網預定泊車位, Just Park 可以選擇地點及時段, 適合偶然出倫敦玩的朋友

Just Park : 泊車 Apps, 可以預約泊車位，或在當車泊在路邊泊車位時，可以使用Apps 付款

Ring Go  ：和 Just Park 類似的泊車 Apps，可以用Apps 付款。

Pay by Phone  : 泊車 Apps, ，同樣可以用Apps 付款。

以上三家泊車 Apps 所屬的泊車位置不一樣，若在街上找泊車位，找到的泊車位置是屬於哪一家公司，便在哪一個Apps 付款。若經常需要在街上找泊車位，或出門旅遊，建議可先下載備用。


養車的基本費用大約是以上各項

如果出倫敦 Zone 1, 還有入城費要付, 資料如下



===============================================================
香港英國零距離 -- 香港<--> 英國速遞服務
全新 Easy Parcel 速遞服務幫到你!! 我地爭取到比DHL 正價大約6折的運費，只要經我們出DHL 提單，可享最優惠運費，令你感受到香港和英國零距離。
詳細資料:

以下是過往文章大合集, 若對移民英國有疑問, 可以先看以下文章有沒有想知既資料
移民英國新手懶人包 (居住/學校/醫療/工作/交通/購物)

英國教育系列 -- 綜合篇

移民英國, 最常見問題 (英國簽證, 移民前後準備, 英國生活大全集)

===============================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

請留低
姓名
電話
Email

以上只係個人分享, 並不構成任何建議

我之前用的移民顧問，是英國注冊的移民顧問，可以用中文或英文溝通，如果有需要找專業人仕幫手申請各種簽訂，可以Email 比我，請記得留低姓名，電話，和電郵以便聯絡，以及要說要想申請哪一種簽證。

一開始的查詢是免費的，可以先把個人背景，想申請的簽證，大約想申請的時間，到英國的日子和移民顧問傾詳情，若決定要找移民顧問幫手申請才付費的。
===============================================================
更多英國生活分享 https://www.facebook.com/JasperXJayden/

Posted by at 沒有留言:

什麼是Clean Air Zones CAZ 清潔空氣區?

Clean Air Zones CAZ 清潔空氣區是英國地方政府採取的措施去改善空氣質量的區域。

一開始的時候, CAZ 僅適用於公共汽車，出租車和HGV (重型汽車)。但是，在面臨法律挑戰後，適用範圍擴大到包括不合規的私家車。

在英國主要城市開設“清潔空氣區” (以後可能擴展到其他城巿)，是政府的“空氣質量計劃”的一部分，該計劃旨在改善空氣質量並解決污染源。

清潔空氣區域將分為兩種類型：非收費區域和收費區域。

在非收費的清潔空氣區，重點是改善空氣質量，而無需為進入該區的車輛付費。措施可包括改裝某些車輛；進行交通流量管理以減少車輛排放，有證據表明該方法將在相關道路上有效；重新路由某些流量或其他本地解決方案。

在收費區，如果駕駛員的車輛不符合要求的環境標準，將向車主收取進入該區域的費用 – 這很可能基於汽車的歐盟排放標準 (Euro emissions standard)。

哪些城巿己開設，或即將開設清潔空氣區？

Bath – 15 March 2021 （私家車不用付費，只限重型車，巴士，旅遊巴，出租車）

  • Zone type: Class C
  • Cost per day for HGVs, buses, and coaches: £100
  • Cost per day for taxis: £9
  • Cost per day for regular passenger cars: £0

Birmingham – 1 June 2021 （非豁免私家車一樣要收費）

  • Zone type: Class D
  • Cost per day for HGVs, buses, and coaches: £50
  • Cost per day for taxis: £8
  • Cost per day for regular passenger cars: £8

Leicester (expected) – Summer 2021 （私家車不用付費，只限重型車，巴士，旅遊巴，出租車）

  • Zone type: Class B
  • Cost per day for HGVs, buses and coaches: £50 (est)
  • Cost per day for taxis: £8 (est)
  • Cost per day for regular passenger cars: £0

London – 25 October 2021 (倫敦本身己有超低排放區 Ultra Low Emission Zone (ULEZ)，非豁免私家車一樣要收費，但由2021年10月25日開始，超低排放區會擴大至倫敦北 (A406) 和倫敦南 (A205)。

  • Zone type: ULEZ
  • Cost per day for HGVs, buses, and coaches: £100
  • Cost per day for taxis: £12.50
  • Cost per day for regular passenger cars: £12.50

Bristol (expected) – 29 October 2021

  • Zone type: Class D
  • Cost per day for HGVs, buses, and coaches: £100
  • Cost per day for taxis: £9
  • Cost per day for regular passenger cars: £9

Oxford (expected) – August 2021

Bradford (expected) – October 2021

Portsmouth – November 2021

Manchester – Spring 2022

Glasgow – Between February and May 2022

Edinburgh – Between February and May 2022

Dundee – Between February and May 2022

Aberdeen – Between February and May 2022

計劃開設 CAZs 的城巿:

Newcastle – 2021

Sheffield – 2021

 

哪些車輛會受到影響？

由於CAZ的目標是減少排放並改善空氣質量，因此零排放車輛便不會受到任何影響。但是，非零排放車輛的車主可能要付費。有兩個因素決定您是否要收費，以及將在什麼水平上收費：（1）您的車輛產生多少排放量； （2）它是什麼類型的，因為根據CAZ類別，某些類型的車輛是免稅的。

一般規則是，要在CAZ內免費行駛，您的車輛必須至少是符合歐盟4排放標準排放。

汽油車，在2006年1月之後註冊

柴油車，則必須符合歐盟6標準（2015年9月之後註冊）。

如果您的車輛符合以上標準，則極有可能無需付費。

但是，即使您的車輛確實超出了4或6歐元，您仍然可以避免收費，具體取決於車輛是哪種類型以及您希望駛過的CAZ的類型。存在四種類型的CAZ，每種都針對不同類別的車輛。這些都是：
（1）Class A – 以公共汽車，長途汽車，出租車和私人租賃車輛（PHV）為目標。

（2）Class B – 以公共汽車，長途汽車，出租車，PHV和重型貨車（HGV）為目標，

（3）Class C – 以公共汽車，長途汽車，出租車，PHV，HGV和輕型貨車（LGV）為目標，

（4）Class D，範圍最廣 – 適用於公共汽車，長途汽車，出租車，PHV，HGV LGV和私家車。

計劃在英國推出的大多數CAZ均為Class D。但是，Bath 和Portsmouth等城市將僅為Class C，因此在這些城市中，普通私家車將不必付費。

另外，部份CAZ都會對該區域內的居民，Blue Badge持有人和具有殘障稅收類別的車輛進行特殊豁免，請參考不同城巿的標準。

不知道自己的車進入CAZ 時要不要付費? 上網檢查一下便知道了。

CAZ 清潔空氣區車輛檢查器

不清楚自己的汽車在進入CAZ 區域時要不要付費？上網檢查一下便可以 online vehicle checker，只要輸入你的的車牌，便會告訴您是否需要在進入CAZ 區域時付費。

留意，要檢查您是否需要在車輛進入倫敦ULEZ 或 LEZ 付費，請改用 TfL vehicle checker。


英國交通相關延伸閱讀:

===============================================================
香港英國零距離 -- 香港<--> 英國速遞服務
全新 Easy Parcel 速遞服務幫到你!! 我地爭取到比DHL 正價大約6折的運費，只要經我們出DHL 提單，可享最優惠運費，令你感受到香港和英國零距離。
詳細資料:

以下是過往文章大合集, 若對移民英國有疑問, 可以先看以下文章有沒有想知既資料
移民英國新手懶人包 (居住/學校/醫療/工作/交通/購物)

英國教育系列 -- 綜合篇

移民英國, 最常見問題 (英國簽證, 移民前後準備, 英國生活大全集)

===============================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

請留低
姓名
電話
Email

以上只係個人分享, 並不構成任何建議

我之前用的移民顧問，是英國注冊的移民顧問，可以用中文或英文溝通，如果有需要找專業人仕幫手申請各種簽訂，可以Email 比我，請記得留低姓名，電話，和電郵以便聯絡，以及要說要想申請哪一種簽證。

一開始的查詢是免費的，可以先把個人背景，想申請的簽證，大約想申請的時間，到英國的日子和移民顧問傾詳情，若決定要找移民顧問幫手申請才付費的。
===============================================================
更多英國生活分享 https://www.facebook.com/JasperXJayden/


Posted by at 沒有留言:

英國申請BNO簽證費用及一年生活費參考

不少人在今次BNO VISA 推出前, 完全無去過英國, 或只去過英國的大城巿旅行

所以在移民前, 不少人會計算一下移民的費用大約是多少, 
估算一下積蓄可以用多久

無論移民的人什麼學歷, 什麼職業, 在移民到英國搵工這件事上, 
都應該要考慮不同的情況
即使你不介意找什麼工, 
有時也不一定立即找到一份工
尤其一家大細梗應該要好好計算一下


首先, 要先計算一下申請簽證的費用要多少
如下圖
簽證費, IHS 費用, TB Test 是申請簽證時要先付的
而6個月生活費是你戶口有這個數便OK
不過, 認真的, 若真的戶口只有這個數, 是不足以在英國生活6個月
一家人申請的話, 只需要提供夫婦二人其中一個銀行戶口, 有足夠款項便可以
不需要聯名, 也不需要是英鎊, 但必須確定月結單有足夠款項


大家最好要以一家人在英國生活一年的費用來做預備會比較好
因為租屋好多時要先付半年至一年租金
而且大多數單位不包括任何傢具, 還是買齊家中各傢私和日用品, 小電器

若不是住大城巿, 可能要買車, 車保等等各項雜費
所以頭兩三個月的洗費會特別多









申請簽證後, 當簽證批出, 或等簽證時, 也有不少移民前開支要預備
以下開支只為大約數
不同家庭環境不一樣, 所需的洗用亦未必一樣
但有一個大約開支, 便比較容易估算頭一年開支
預多左, 總好過到英國才發現唔夠


買車費用
買唔同車, 價錢當然可以相差好遠, 
原廠的二手車Approved Used Car 質數好D, 價錢貴D, 通常有一年保養
其他二手車行, 價錢相對平D, 但真係睇你好唔好彩, 同熟唔熟車

如果打算買車, 或將來會買車, 找屋時就要留意泊車空間, 可以泊到幾多架車, 
有朋友來時, 有無地方泊

通常超巿, Retail Centre 都有限時的免費泊車
巿中心, 商場就通常取飛仔, 或者上網/電話比

入油, 以我家為例
細5人車, 每次入油大約30鎊
大7人車, 每次入油大約60鎊
 
倫敦當然最貴, 唔同地區租金都可以相差好遠

倫敦以外既地方, 多數2房1000鎊或以下, 3 房1500鎊或以下
唔同城巿會有出入, 可以先作參考, 再上Rightmove Search 下

即使同一個城巿, 東南西北, 不同住宅區, 價錢都會有出入
比較貴既地區, 當然有佢既原因
可能是學校好D, 治安好D 等等

留意, 英國當地人不會以一個住宅區是否 [方便] 為主要考慮因素, 
因為除左倫敦或大城巿巿中心, 好多時戶戶有車, 
出入都係渣車為主, 方不方便就不太重要
反而佢地會覺得近High Street / 火車站會人流多, 比較雜, 反而無咁受歡近
(如果有好學校又唔同講法)


每月開支, 其實除了Council Tax 外, 和香港都差不多
但要留意一樣野
英國的水, 電, 煤的通常做法是, 
在你登記時, 問你的家庭狀況, 然後估你每月開支, 再每月扣呢個數
但, 呢個唔係最終的收費
如果是水, 有D 住宅有水錶, 就按錶收費, 沒有的話, 就按供應商給你的費用, 反正水是不能轉供應商的
如果是電及煤, 即使便用扣款, 但其實都按錶收費
所以要比較價錢的話, 應該是比較不同公司的daily service charge 及每度電/煤的價錢
而不是供應商的估算費用



除了以上的硬件開支外

每月的食物和雜費, 普通飲食, 4人家庭大約預500-800鎊, 己包買野食和雜貨


出去食, 普通餐廳, 一家四口預約50鎊
快餐店不見得平好多, 食麥當勞, 一家四口都要廿幾三十鎊

不過, 差不多質數, 買ready meal 回家焗熱食, 價錢可能只係 20% 價錢
反正我覺得超巿既Ready Meal 好好味, 而且, 如果係西餐, 都係個D 野食, 
在家食, 仲可以酒水任飲添

所以通常約朋友, 或出去玩先會出去食, 其他時間多數在家食

睇完呢篇, 希望對大家有幫助, 
可以計算一下要頭一年預幾多錢

延伸閱讀:



===============================================================
香港英國零距離 -- 香港<--> 英國速遞服務
全新 Easy Parcel 速遞服務幫到你!! 我地爭取到比DHL 正價大約6折的運費，只要經我們出DHL 提單，可享最優惠運費，令你感受到香港和英國零距離。
詳細資料:

以下是過往文章大合集, 若對移民英國有疑問, 可以先看以下文章有沒有想知既資料
移民英國新手懶人包 (居住/學校/醫療/工作/交通/購物)

英國教育系列 -- 綜合篇

移民英國, 最常見問題 (英國簽證, 移民前後準備, 英國生活大全集)

===============================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

請留低
姓名
電話
Email

以上只係個人分享, 並不構成任何建議

我之前用的移民顧問，是英國注冊的移民顧問，可以用中文或英文溝通，如果有需要找專業人仕幫手申請各種簽訂，可以Email 比我，請記得留低姓名，電話，和電郵以便聯絡，以及要說要想申請哪一種簽證。

一開始的查詢是免費的，可以先把個人背景，想申請的簽證，大約想申請的時間，到英國的日子和移民顧問傾詳情，若決定要找移民顧問幫手申請才付費的。
===============================================================
更多英國生活分享 https://www.facebook.com/JasperXJayden/






Posted by at 沒有留言:
訂閱： 文章 (Atom)

熱門文章

  • 移民英國, 最常見問題 (英國簽證, 移民前後準備, 英國生活大全集)
    移民英國, 最常見問題 (英國簽證, 移民前後準備, 英國生活大全集) 太多人查詢移民英國, 以下列出各常見問題, 方便大家研究移民英國既種種問題 如果有其他問題, 歡迎提出!! Part 1: 各種移民英國簽證 (BNO 移民方法還未正式出台, 待有官方申請方法才...
  • 移民英國新手懶人包 (居住/學校/醫療/工作/交通/購物/簽證)
    自從英國政府提出BNO VISA之後, 有好多本來無打算移民的朋友都心郁郁想移民 有不少更從未到過英國 對移民後的生活, 有期待, 有擔心, 有興奮, 有迷茫 尤其今年因為疫情, 很難先到英國一轉考察 所有野都只能靠上網查詢 不少人都是摸著石頭過河, 見步行步 所以...
  • 移民英國前, 有咩要在香港先處理??
    當大家努力研究英國的各種生活，學校，搵工等等細節時，不要忘記在離開香港前處理香港的大小事務！ 現在，先由當你己取得VISA 後, 你有什麼是離開香港前必需處理呢? 辭職 假設你還是一個打工仔，你便要考慮幾時比信公司。大部份打工人都係一個月通知，比較易搞，不過有Ｄ...
  • Life in the UK Test -- 筆記, 心得 Part 1 -- 準備篇
    剛過去的星期六, 終於考了 Life in the UK Test.  明年初可以申永居的我, 最終拖到最後一年才去考 若不是朋友剛考完, 還是書本借給我, 可能我也還在拖下去 回到正題 Life in the UK Test 考試規則: 24條選擇題, 只要答對18題或以上便合...
  • 牛魔王—英國買牛肉的種類, 哪間超巿買牛肉最多款? 用什麼牛肉煮中餐?
    英國買新鮮肉類，蔬菜，水果都很便宜。 不過，在普通超巿買到的牛肉，類種不太多，而且大部份都是預先包裝好，已固定了大小，價錢，想用中式煮法時，往往覺得不足夠。 在英國的普通超巿, 通常只有以下牛肉:  Steak (有不同部份,如 ribeye, Sirloin, Rump, F...
  • 英國居家必備藥箱
    現在正值疫情高峰期，在家要預備一點常用藥以防萬一。 留意，對藥物敏感的話， 最好向GP / 藥劑師查詢, 各大超巿, 藥房, 如BOOTS 都有藥劑師駐場, 可以向他們查詢。如果唔知英文係乜，用Google Translate 查完, 直接比藥劑師看也可以。 以下藥， 是一般輕微...
  • 初到英國, 應該要先處理什麼?? Step by Step 話你知移民英國後的處理先後次序!!!
    無論你用咩方法在英國居留, 居英權也好, 投資移民也好, BNO 簽證也好, 其實初到英國後, 要處理的事情都是大同小異!! 在英國, 無論申請什麼, 都首先要有 地址 !!! 如果沒有在移民英國前買屋, 租屋便是必然是第一個步驟 如何租屋及注意事項? 如何買屋? 沒有在英國居住...
  • 英倫生活記 - 目錄
    BLOG 內的文章越來越多, 漸漸發現不加上一個目錄實在非常難找回舊文章 所以特地整合一個目錄方便大家 新增 : Life in the UK Test 筆記 + 心得 Life in the UK Test Study Guide YouTube Version Life in...
  • 英國學車考車牌 -- 考取駕駛執照詳情
    英國交通沒有香港方便， 雖然英國有不同的公共交通網絡，大城巿也好，小城鎮也好，都有不同的交通工共可以接駁到不同地方，如巴士，但若不是繁忙時間，有時要半小時至一小時才有一班。 英國只有倫敦，格拉斯哥和紐卡素有地鐵，而電車就有8個地方有 ，分別位於克羅伊登  Croydon ，倫敦碼...
  • 居英權二代的小孩, 入藉英國的要求和時間
    P.S. 因此POST 留言太多, Blog 內出不了太多留言, 若有網友想留言問野, 請Email 比我:  jcinuk2018@gmail.com 97年英國給予部份香港人有居英權, 當年申請的人, 一家都可以獲得居英權 申請人, 算是拿居英權的第一代 申請人的子...