2020/04/22

從來沒有在英國生活過, 怎麼選擇移民後居住的城巿??

從來沒有在英國生活過, 怎麼選擇移民後居住的城巿??

呢條問題, 大概是每一個考慮移民既人都有問過的問題
由一個熟識的地方, 移民去一個陌生的國家, 陌生的城巿
究竟應該如何選擇地點呢??

唔同人, 有唔同答案, 沒有一個標準答案
因為呢個世界上, 唔同國家, 唔同地區, 唔同城巿都有人住緊, 住緊既人當然覺得係適合先住啦
有D 人喜歡熱鬧, 一定要住大城巿中心
有D 人喜歡靜, 希望住郊區一點
有D 人喜歡海, 希望住近海邊
有D 人喜歡大自然, 希望住近森林, 湖區
有D 人移民前己搵定工, 咁必定要住近公司既城巿, 不能離開太遠

有D 人以子女學習為中心, 要揀好學校, 政府學校是以就近入學為主,所以想入邊間學校, 就要住近D,就算已考到私立學校, 都最好住近一點,方便上學


咁點樣先算適合自己呢?
首先, 要問下自己想住係咩地方,
居住既要求係點呢
有無熟識既人住在當地, 可以有個照應呢??

我覺得, 如果你移民前己有熟識的人住在當地,
移民前最好搵幾日時間在親友家住幾日, 找親友帶你去居民會去的商店, 超巿, 學校區看看
看看日常的生活如何, 居住環境如何
有一個熟識當地的親友, 對你移民後的適應有好大幫助
至少, 當你想搵屋時, 親友可以提點你那一個AREA 比較好, 那一個AREA 比較雜,
呢D 係當地人比較熟識
開始住落之後, 想買燈泡應該去哪裡買
邊間超巿比較抵
有一個知門路既人會令你節省好多時間

住落之後, 等你更熟識當地, 才再考慮要唔要搬去其他地方也可以
英國人很常搬家, 換城巿
只要找到一份更好的工, 就會因為轉工而搬家
小朋友轉學也是很輕鬆平常


萬一, 沒有親友在英國
如何選擇落腳的地方呢
咁就要問返自己想要點樣既居住環境了

如果喜歡熱鬧, 喜歡夜生活, 多出街和朋友食飯, 喜歡不同國家美食,
不介意生活指數貴一點, 屋細一點, 交通費貴一點
可以揀大城巿如倫敦, 曼城等地方
不過呢, 大城巿都分好多AREA,
就好似住香港都分中環定沙田定西貢
想近倫敦但又唔想住中環咁中心
咪住遠少少囉
至於邊個AREA 最啱自己? 呢樣野就只自己先知道

如果想偶爾出大城巿即日來回, 但平日想住得舒服D, 大D, 公園多D
可以揀距離大城巿一個鐘至個半鐘距離既地方,
咁放假可以去玩下, 食下野, 買下野

如果有小朋友, 預備有小朋友
學校都係一個好重要因素
英國既小朋友, 滿4歲之後的9月1日開始入讀小學
可以的話, 其實小朋友整個小學都在英國讀會全面D
唔會MISS 左英國教既東西

想小朋友跟大隊一齊入讀小學, 唔怕無位插班入讀好學校
最好就係滿4歲前的1月己在英國居住,
向COUNCIL 申請入學, 咁4月時就會知仔女可以入邊間學校
正常來說, 越近學校就越容易可以入讀
上網可以搵到學校既CATCHMENT AREA 有多遠距離
只要你住既地方係CATCHMENT AREA 之內,
基本上就可以入讀
不用面試, 不用考試

萬一, 到英國時己超過4歲點呢?
咁就要申請插班了
插班的話, 首先當然要知道學校有無位
可以先向學校申請參觀, 覺得OK 就問下學校有無位插班
有位的話, 正常一兩星期就可以開始入讀

如果小朋友己經讀緊小學YEAR 3 或以上
就要開始諗下中學了
升中學是YEAR 6 時的10月31前報YEAR 7 的中學
即你最遲在升YEAR 6 前要諗下讀邊間中學
如果心儀中學和本身居住既地方唔係同一個CATCHMENT AREA,
就要考慮係YEAR 5 時先搬家
咁YEAR 6 一開學就可以用新家地址報中學了

咁, 咁先知一間學校好唔好呢?
有好多唔同方法既
1) 睇下KS1 & KS2 成績
2) 政府既視學報告OFSTED REPORT
3) 自己親身參觀學校
4) 其他家長評語

因英國係實行就行入學
當你搵屋時就會發現,
間屋位於好學校既CATCHMENT AREA 係一個好好既SELLING POINT
通常樓價, 屋租都會貴少少
所以, 就算你沒有小朋友, 如果買屋, 買一間屋係好學校附近, 升值潛力, 第日賣出既機會都好好多架



另外, 當你擇左想住既城巿之後,
都要問下當地人邊個AREA 治安好D, 邊個AREA 比較雜,
因為一個城巿好大, 有唔同住宅區
唔同住宅區可以分別好大,
而呢D 資料, 唔住當地係好難好清楚知道,
問問當地人就最清楚


===============================================================
香港英國零距離 -- 香港<--> 英國速遞服務
全新 Easy Parcel 速遞服務幫到你!! 我地爭取到比DHL 正價大約6折的運費,只要經我們出DHL 提單,可享最優惠運費,令你感受到香港和英國零距離。
詳細資料:

以下是過往文章大合集, 若對移民英國有疑問, 可以先看以下文章有沒有想知既資料
移民英國新手懶人包 (居住/學校/醫療/工作/交通/購物)

英國教育系列 -- 綜合篇

移民英國, 最常見問題 (英國簽證, 移民前後準備, 英國生活大全集)

===============================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

請留低
姓名
電話
Email

以上只係個人分享, 並不構成任何建議

我之前用的移民顧問,是英國注冊的移民顧問,可以用中文或英文溝通,如果有需要找專業人仕幫手申請各種簽訂,可以Email 比我,請記得留低姓名,電話,和電郵以便聯絡,以及要說要想申請哪一種簽證。

一開始的查詢是免費的,可以先把個人背景,想申請的簽證,大約想申請的時間,到英國的日子和移民顧問傾詳情,若決定要找移民顧問幫手申請才付費的。
===============================================================
更多英國生活分享 https://www.facebook.com/JasperXJayden/

2 則留言:

  1. 請問如果我想小朋友去到英國讀Year 7, 咁我係咪應該係佢10歲果年的10月前到英國 ? 咁先可以join英國當地升中? 而不用申請插班? 如果係咁..咪係香港讀完小四, 去英國差不多空窗一年等派位? 唔好意思, 我有好多問題.唔該哂你先

    回覆刪除
    回覆
    1. 對, 應該是10歲果年的10月前到英國, 便可以和其他小朋友一同升中, 不用插班

      幾時到英國都可以插班, 可以插班一年讀小學, 不會空窗一年等派位

      刪除

熱門文章