移民英國 Q&A

移民英國 Q&A

我都明白近來香港情況令人很擔心
不論是這個BLOG也好，Facebook Page 也好
近期都有好多朋友仔問關於移民的問題

所以決定來一個移民英國 Q&A 把大家最常問的問題集合

1）是否一到英國就可以入讀政府小學，中學？
當你一申請到合法VISA，不論是Settlement Visa，T1 投資，創業，T2 Working Visa等等，你的仔女到英國後就可以向Council 申請學校，政府係必需幫你小朋友搵到學位，當然，係咪你心水學校就要睇學校本身有無位。不過英國學校好多，所以學位唔需要太擔心，每區都有好學校，租屋前可以先問問學校有無位，如果間屋近學校，學校又有位，就自己會派到比你
政府學校是免費的，只要有Visa 就可以申請入學


2）如何搵心儀學校？
首先要諗左住邊個地區先，然後睇下個區邊間學校好，可以睇返我之前呢篇講點揀學校
移民前的準備 – 搵學校
https://jcinuk.blogspot.com/2018/10/blog-post_20.html

3）如何揀居住地區？
住邊個地區係好個人既事，而英國好大，城巿好多，我想，就算是英國人都唔會去晒咁多個CITY，可以比到Comments
我的意見是，如果有親朋好友在英國，住在朋友附近可以更快地適應生活，有人帶你去唔同地方買野，會知邊個Area 居住環境好D，校網好D，治安好D，到住熟左再決定也不遲
如果沒有朋友在英國住，請先來英國來一個短Trip，鎖定3-4 個地區，每個地區住幾日，約Agent 睇下屋，約學校參觀下，行下High Street，商場，比較一下就知大約想住邊

其實香港人到英國，最多都係倫敦，曼城等等，有時間的話，不彷去多幾多城巿感受下。另外，同樣是倫敦，巿中心和外圍既居住環境己經差好遠，就好似一樣是住香港，有人喜歡住銅鑼灣，旺角，有人愛住沙田，大埔，有人喜歡住西貢，而單單倫敦己比香港大，還不計倫敦外的城巿，大約一小時可以到倫敦，很多人在倫敦工作，但住遠一點，可以享受好一點的居住環境，又比較接近香港太活，我知很多人怕英國很悶，住近倫敦就比較多節目



4）什麼時候報學校？
如果小朋友3歲前就在英國，正常滿4歲之後的9月1上小學，而早一年，大約年尾就報小學。即如你小朋友明年1月4歲，應該明年9月入讀小學，今年年尾就要報學校。這邊小學是按地址派位，你住得近心儀學校就會派到
如果小朋友來到己4歲或以上，一到英國，有地址後就向Council 申請插班，小學也好，中學也好，政府一定要有學位給小朋友上學，所以不用擔心，像我們的情況，到英一星期兩兄弟便上學去。

5）如何買車 / 買車保 / 轉英國車牌？
買車有好多方法，如果買新車，當然要同埋車廠買
如果二手車，可以去車廠買Approved Used Car，優點是有車廠驗過，架車無事，如果出車不出3年，還有原廠車保
二手Dealer，優點係有唔同牌子既車，價錢可能平一DD，不過每間二手Dealer 既信用不太一樣，要自己研究
私人買賣，上網自己約車主試車，如果唔熟車就最好唔好搵私人啦

車保可以自己上網買，好多Online Car Insurance Compare 可以比較唔同車保公司既價錢

買車，車保可以參考下文
英國極速買車記

香港牌轉英國牌 可以參考下文
香港車牌換英國車牌

6）如何租屋？
當你有心儀地區後，可以在RightMove 揀屋，揀好就Contact Agent 約時間睇樓
如果從沒有在英國住過，預左要先付半年租金，可以參考下文講解英國物業種類
移民前的準備 – 英國物業種類

7）如何買屋？
首先，如果你從未在英國住過，初到步，請先考慮租屋，而不是一到步就買屋
為什麼呢？英國不是香港，講真，大把地，大把屋，你遲少少買沒什麼大不了
買賣房屋短則三個月，長則半年，買入後若想搬去其他地區，或想搬去另一個校網，賣屋由有人出價，你接受，到成交又拖半年，還不計中間有沒有什麼問題。就算對方出價你接受，一日未和對家律師互簽合約，相方都可以反口，所以未收鎖匙或未收到錢，都可能有變數

8）英國小學中學上學時間？
大約是早上8：30 至15：20，每間學校可能有十幾廿分鐘出入

9）英國幾歲讀小學？中學？
滿4歲後的9月1日升小學，讀Reception Class，然後讀到Year 6，
升Year 7 就是中學
所以英國是比香港早讀小學，亦比香港早讀中學
如果讀完小六才過來升中，其實來到己經是插班

10）移民英國有什麼方法？
主要有：
BC Holder，自己隨時可以過英國，仔女自動有英國Passport，只要申請配偶Visa 便可以帶配偶來英，相對簡單
居英權二代，自己隨時可以過英國，仔女沒有英國Passport，要申請Settlement Visa 便可以帶配偶仔女來英，相對簡單
可參考下面
https://jcinuk.blogspot.com/2018/11/blog-post.html
T1 Investor Visa，有錢人專用，有200萬鎊，即約2000 萬港幣即可申請，用200 萬買英國國家債卷，取後永居後可以賣掉
T1 Startup /T1 Innovator 創業Visa，取代之前的T1 企業家Visa ，要來英國做生意，入場費唔算高，5 萬鎊，不過做生意係咪可以維持5年就睇各人能力
T2 Working Visa，基本上除非你好叻好勁，有Licensor 既公司非請你不可，否則都幾難

Working Holiday，如果剛出來工作，去英國試下，如果兩年間搵到公司申請T2 Working Visa就可以留英

更詳細既留英Visa可以參考下面Link

英國居留簽證懶人包
https://www.goodbyehkhellouk.com/blog/%E8%8B%B1%E5%9C%8B%E5%B1%85%E7%95%99%E7%B0%BD%E8%AD%89%E6%87%B6%E4%BA%BA%E5%8C%85%EF%BC%88%E9%A6%99%E6%B8%AF%E4%BA%BA%E9%99%90%E5%AE%9A%EF%BC%89


11）唔同Visa 有什麼分別？
睇上面Link

12）居英權二代如何把英藉傳給小朋友？
請參考以下Link
https://jcinuk.blogspot.com/2019/03/blog-post_18.html

13）如何開英國銀行戶口？
請參考以下Link
移民前的準備 – 開英國戶口
英國銀行戶口 -- HSBC
英國銀行戶口 -- HSBC (後續)

14）如何申請水，電？
全部上網申請
水，每個地區有唔同供水公司，基本上無得揀，上網Set 返公司，邊日開始就OK
電，英國有唔同電力公司，可以比較下唔同公司既價錢，基本上間間差不多，都係睇價錢

15）如何申請電話咭？
英國有好多唔同電話供應商
如果你有英國地址，戶口，申請不難，但若果你人在香港，但想先有一個英國電話去處理英國事務，可以申請Giffgaff，可以直接把電話咭寄到香港，在香港開通


16）在英國留學可以入藉嗎？
原則上，你合法連續居留10年係可以申請永居，不過用Student Visa 要連續住10年，Visa斷，10年內離開英國不超過540日可能有點難度，而一讀完書，Visa 就完，如果想留低，要係未離開學校搵到公司幫你申請Working Visa

17）父母都上班的話，小朋友怎辦？
大部份小學有Breakfast Club，Afternoon Tea Club，大約最早可以7點半送校，最遲5-6 點接回，要收費，咁可以上班前送上學，放工後接回，英國這邊打工仔OT 文化不算多，所以還可
反而學校假期多，每上學6星期有Term Break，聖誕，復活節，暑假，這些長假更要考慮如何托管

18）是否一到步就有醫療？
對，當你申請Visa 時就要付NHS，有NHS 就己包醫療，包看醫生，藥費另付，若是小朋友和老人，取藥都是免費的

19）英國會不會日好悶？
呢個問題好難答，Depends On 你在香港如何多姿多采
同埋住邊區
如果住倫敦，當然都可以晚晚約朋友食飯
不過如果有Family，多數人放工都回家食
放假有好多地方可以去，唔同城巿有唔同博物館，公園，動物園，水族館，Theme Park，Family Event，好多活動啱一家大小
單人就約朋友
最重要是多識新朋友

20）申請Visa 要搵Agent 嗎？
其實大部份Visa 都可以自己申請，只要你熟文件，自己對清楚，但如果你申請一家幾口，萬一文件出錯，Visa 費，時間就無左，比少少錢請人幫手係節省好多時間，而且比較容易過關
https://jcinuk.blogspot.com/2019/01/agent.html

21）如何登記GP，配藥？
有地址後，可以拿地址證明去就近GP 登記，睇醫生後，醫生會開藥單，去藥房，Boots 都可以

22）英國難搵工嗎？
呢個問題比較難答，始終每個人背景，學歷，職業都唔一樣，真係好難講可唔可以做返同一行。英國既失業率係近年低位，不過因為無英國工作背景，就算做返同一行，你預左人工，Position 可能都會打折扣
如果係專業人仕，請先查看你的專業資格在英國是不是一樣，要唔要另外再考試
一到英國，請預留多一點生活費，慢慢搵工，先休息一下再出發

23）英國生活貴唔貴？
貴唔貴就睇你住邊區，因為住屋既費用可以差好遠
超巿買野食回家煮絕對比香港平幾條街，出街食野就普通啦，你預普通餐廳十幾廿鎊一餐
香港出街食都差不多，不過呢邊就無平價茶餐廳，而快餐店既價錢同普通餐廳唔會差好遠，反正出去都係意粉，Pizza，不如回家煮
呢邊超巿不單只買新鮮食品回家煮抵食，有好多Prepare 好，加熱就食得既野食又抵又好食，反正家家都有焗爐，唔想煮時焗一陣就食得
出街食都係約朋友先出去
而且因為呢邊屋大D，好多時會約朋友回家食，慢慢傾慢慢食

24）係咪一定要渣車出入？
好睇你住個區方唔方便，如果你住倫敦中心就梗係搭Tube啦
好似我地住係周邊D City，我地都係渣車送仔仔返學，渣車去超巿買野，渣車去公園玩
咁係咪唔渣車就生活唔到呢？ 咁又未致於，但你要搵近車站，近Shopping Mall既地方住，巴士又唔係咁密，可能半小時至一小時才一班，反正間屋有車位泊車，咁梗係有車代步比較方便。如果無車牌，最好係香港考左先，係呢邊再補鐘
係英國考，一來你來到英國就要用車，二來你要花時間學車，考試，而且呢邊路試既線路比較多。係香港一考到P 牌就可以來轉正式牌，立即可以渣車


25） 香港慣左有工人，可唔可以帶埋工人去英國？
去得英國生活，請有心理準備乜都自己做返
英國係可以請工人，不過要跟返英國既最低工資，現在應該係8.5 鎊一小時
而且你係唔可以帶你個工人過英國，因為你係幫唔到佢申請Working Visa的，唔好諗住幫佢當旅行來半年再走，請守法
如果覺得自己適應唔到，無工人生存唔到，請留返香港吧

26）歧視嚴重嗎？
我自己就沒有受過有種族歧視，其實英國有法例禁止種族歧視，而且英國比較多元文化，好像我住的這個城巿，除了的英國人，還有來只不同的歐州國家的人，亞洲人，反正就像聯合國一樣，小朋友從小就在多元文化長大，應該不會有很大的種族歧視問題，而且現在移民的人，英文都不差，可以和其他人以英文溝通，所以我不覺得有什麼問題
日常生活中遇到的人都很Nice，學校的老師，家長，鄰居等等都可以有傾有講

我想，可以幾廿年前移民的華人只在唐人街生活，英文不好，文化水平不高，很難融入社會，但現在移民的己不是當年只可以做餐館的人，識左好多移民來的朋友，或在這邊長大的都在這邊的公司上班，基本上和其他人沒什麼分別，只要你有能力，一樣可以找到工作

27）英國買野貴唔貴？
雖然英國買野有20%VAT，不過你買野時係唔會察覺有VAT，因為價錢牌上的價錢是己包VAT 的 （大部份，也有部份如Costco 是分開兩個價錢）
而且我感覺買衫褲鞋和香港相差不遠
電器，在這邊買好了，不會比香港貴
電話，電腦，香港比較平，如果用Notebook，可以在香港買，自己HandCarry過來
雖然呢邊無淘寶，但有更方便的Amazon，通常今天下單，明天就送到，十分方便

28）喜歡食中餐，要煮中餐會唔會好貴，好困難？
其實好多City 都有中式超巿，主要是買調味料，因為肉類，西式菜都可以在普通超巿買，絕對比香港平
而好多大超巿都有中式調味，如鼓油，也有米買，不過可能無咁齊，中式超巿就齊D，又有出前一丁，餃子，丸等等。像我家除近的中式超巿，除了香港牌子調味料，還有藥材，中式菜，河粉，米粉，腸粉等等
所以要晚晚煮飯一D都唔困難
不過呢，食西餐係英國絕對係又平又好味，得閒轉下口味，唔駛晚晚食中餐既

29）生活費貴唔貴？
我家只有水和電，沒有煤氣，所以電費比在香港時貴一點
水費比香港貴D
寬頻又比香港貴D
住屋比香港平
如果住House，只要比Council Tax，沒有管理費，Council Tax 是地區政府用返係地區，如學校，收垃圾，起路，剪路邊的草，消防等等
如果住Appartment 好像還有管理費吧
車費比香港貴，不過通常都渣車出入，好少要搭公共交通，入油和香港差不多
呢邊學費不用錢，不用買書買簿買文具，只要買校服就可以，年中慳唔少

30）難唔難適應英國生活？
我地一家由5月中到英國，現在住左2個半月，其實從來沒有覺得不適應
兩兄弟上學好開心
我地又覺得生活得好自在
每日都好悠閒地過日子
很多住得耐既朋友話到冬天就比較難捱，因為日短夜長，我地係2月時住過兩星期，可能日子短，沒什麼感覺，等今年冬天再感受一下

31）居英權二代，可以自己留香港，配偶，仔女先過英國嗎？
首先，居英權二代申請的Visa 是Family Settlement Visa，家庭團聚Visa，給你一家人在英國團聚用的，如果父母唔一齊係英國住，算什麼家庭團聚呢？
當申請時，一家人都在香港，你申請Visa 是沒有問題，但你續Visa 時要證明一家人一齊生活，不然Home Office 是會Reject Renew Visa，那配偶和仔女就要回香港了
另外，你真的覺得一家人分隔半個地球對一家人是好事嗎？仔女成長，好需要父母都在身邊，尤其長期分隔兩地，對仔女成長影響好大，係咪值得？
所以，打算移民前先想清楚，一係全家留香港，一係全家去英國

32）由申請Visa 到定居英國，大約要多少時間？
申請Visa，如果係Settlement Visa， Spouse Visa 等等，普通申請大約3個月，申請快証大約個半月，如果係 Peak Season （6-9月）可能會耐D
等Visa 成功批左，要去Visa 中心取回Passport，Passport 內己有Visa Sticker，要係Visa Sticker 內指定日子到英國，通常有一個月期限，由收到Visa 計，一個月內到英國
到英國後，去指定Post Office 取BRP （通常係最近住址的大郵局）
取BRP 時間好快，唔計係郵局排隊，應該大約15分鐘
BRP 到手後，記得Double Check資料是否完全正確，而且取BRP 時那封信 和  BRP 請好好保管，最好先影定相
在英國出入基本上係唔駛拎BRP，而BRP如果唔見左，要補領好煩，所以最好放在家好好保管
BRP 上的資烞正確無誤後，基本上就可以回香港處理離開香港既事務
記得一年不能離開超過183 天，所以即使回香港，也要小心計算時間，不要超過規定日子

33）我己經入藉英國，可以申請父母或兄弟姐妹來英國嗎？
不可以，以英國的移民資格來說，18 歲後就是獨立個體，父母，兄弟姐妹，就算18歲以上仔女，都唔可以就咁申請移民
要申請，就只可以以個人名義，揀合適的移民Visa



想到有新問題，或有其他人有新問題再更新吧

===============================================================

香港英國零距離 -- 香港<--> 英國速遞服務

全新 Easy Parcel 速遞服務幫到你!! 我地爭取到比DHL 正價大約6折的運費，只要經我們出DHL 提單，可享最優惠運費，令你感受到香港和英國零距離。

詳細資料:

https://jcinuk.blogspot.com/2021/05/blog-post_8.html

以下是過往文章大合集, 若對移民英國有疑問, 可以先看以下文章有沒有想知既資料

移民英國新手懶人包 (居住/學校/醫療/工作/交通/購物)

https://jcinuk.blogspot.com/2020/11/blog-post_18.html

英國教育系列 -- 綜合篇

https://jcinuk.blogspot.com/2021/01/blog-post_4.html

移民英國, 最常見問題 (英國簽證, 移民前後準備, 英國生活大全集)

https://jcinuk.blogspot.com/2020/07/blog-post_4.html

===============================================================

如果大家想我多D 分享唔同既英國資料, 如英國生活, 或移民顧問資料, 可以Email 比我

Email : jcinuk2018@gmail.com

請留低

姓名

電話

Email

以上只係個人分享, 並不構成任何建議

我之前用的移民顧問，是英國注冊的移民顧問，可以用中文或英文溝通，如果有需要找專業人仕幫手申請各種簽訂，可以Email 比我，請記得留低姓名，電話，和電郵以便聯絡，以及要說要想申請哪一種簽證。

一開始的查詢是免費的，可以先把個人背景，想申請的簽證，大約想申請的時間，到英國的日子和移民顧問傾詳情，若決定要找移民顧問幫手申請才付費的。

===============================================================

更多英國生活分享 https://www.facebook.com/JasperXJayden/