移民英國既生活模式, 當然和香港有分別
英國始終無香港咁方便,
落街乜都有
想食乜, 各國美食任你點
店舖開到夜一夜
黎到英國, 住左成年, 有咩生活技能係必定要有既呢???
NO 1 駕駛
首先, 重中之重, 係渣車, 每個大人都應該要識渣車
而且係香港就要有車牌, 絕對好過黎到英國先學
除非你住係大城巿, 有巴士有地鐵, 否則無車就邊到都唔駛去
我地係英國一年,
只係出倫敦搭過地鐵, 同埋去Oxford 有搭過觀光巴士
其他日子都係全部渣車出入
我住的城巿, 有火車接駁去其他大城巿, 如倫敦, 伯明翰等,
不過英國火車費不便宜, 而且也要先渣車到火車站
所以咁耐以黎都係渣車去各大城巿遊玩
尤其帶著2個小朋友, 可以在車上訓一會
當晚上回程時, 可以直到家門是非常方便的
香港車牌要換成英國牌非常方便, 一考到香港P牌就可以換
不過建議一開始先找教車師傅補鐘
因為英國路面和香港始終有別
想知香港牌點換成英國牌, 可以參考這篇
https://jcinuk.blogspot.com/2019/06/blog-post_13.html
NO 2 煮食技能
英國人通常在家煮食
餐廳既種類始終無香港咁多
尤其沒有平價的茶餐廳, (大城巿既唐人街會有茶餐廳, 但一點也不便宜, 只能當是回味故鄉美食)
麥當勞既價錢同香港比幾乎貴一倍
而其他餐廳都是集中西式餐廳為主, 意粉, PIZZA, 熱狗, 漢堡等等
味道通常不錯
環境也坐得舒服
不過可以選擇既種類就大同小異
其他各國美食嘛, 當然無香港咁容易食到
尤其中式, 日式美食, 好多時為左就本地人口味, 總是混合了西式東西
除非去正宗香港人, 日本人開既餐廳就會好D
不過也不會經常去
唔似香港成日出街食
所以在家煮食既能力就變得非常重要
如果喜歡中餐, 其實去中式超巿買各種調味料,
再去本地超巿買肉類己經可以煮出大部份美食,
而且本地超巿買肉比香港平
如果喜歡西餐, 不論是買RAW MATERIAL 回來慢慢煮
又或者買READY MEAL 回來加熱食都非常抵食
試過好幾款READY MEAL, 其實味道相當不錯
而且仲有分成一人分, 2人份, 4人份
通常我都常備好幾款味道在家
有時唔知食乜好, 焗返熱就食得, 好方便
菜的話, 主要集中西式菜, 沙律菜香港賣頗貴的, 呢邊就好平
生菜, 薯仔, 西蘭花, 椰菜, 各式菇類都好抵食
黃芽白都抵食
現在偶爾係本地超巿都會見到菜心
但要食中式既瓜類, 芥蘭呢D 就要去中式超巿搵了
另外, 牛奶, 芝士, 果汁, 麵包等等本地人既主食,
呢邊都係非常平
所以只要有心煮下野食, 英國食物費用絕對平過香港
黎到英國, 空閒時間會比香港多
上網睇下人地點煮, 再自己試下
尤其LOCKDOWN 其間,
大家都POST 自家食品出來
都係一種娛樂
NO 3 簡單維修
英國人出名慢吞吞
搵英國人維修亦出名貴 (英國人工費, 只要你找人上門, 價錢絕對唔平)
好多簡單既維修, 可以的話就自己整下
上網好容易搵到HOW TO FIX XXX 既短片
少少野可以自己搞掂
唔駛下下搵人整
NO 4 賞試新事物
來到一個全新國度,
應該多賞試新事物,
唔好局限於自己在香港所認知既野
去唔同城巿遊覽下
食下唔同野食
擴大自己眼光
NO 5 認識新朋友
離開香港既親朋好友, 來到一個全新地方
首先要多認識新朋友
有返社交生活, 個人會開心好多
我地黎左唔夠一個月
係FB 見到有個人咁啱又係移民到我地既城巿
跟住我地約出黎見面食飯
佢話佢返既教會搞去動物園, 問我地去唔去, 有好多家庭
就係咁
我地識左好多新朋友
兩個仔都識左好多小朋友
放假可以一齊去玩
每星期去教會, 成為我地聯誼既地方
可以用廣東話同朋友傾計係特別開心架
NO 6 做家務
大部份香港家庭有工人姐姐幫手
黎到英國
絕大部份都要自己做返晒
(Helper 唔係無, 但絕對唔平, 更加唔會24小時留在你家)
每日都要煮三餐, 洗衫晾衫, 拖地吸塵洗廁所
如果香港從來無做過,
就真係要練習下
NO 7 英文溝通能力
英文能力要有幾高, 就睇你要唔要搵工返工
好似我只係照顧下細路, 同鄰居傾下計, 接放學時同家長傾下
咪唔駛好勁既英文囉,
不過成日講下電話, 點都會進步下既
如果要返工, 英文溝通能力點都唔可以差,
否則邊有人請呀
到有工返, 更加要多D 和同事傾計
始終香港人用英文傾計機會比較少
商業英文同傾閒計始終有別
想好好和同事相處
點都要多D 溝通先得
NO 8 放下無謂身段和面子
香港人, 華人, 中國人, 有好多無謂身段同面子放唔低
比較職位高低, 人工高低, 小朋友成績
但黎到英國,
請放下香港的一套
決定移民究竟為左咩??
我係為左小朋友讀書, 為左一家人有多D 相處時間
如果要高人工高職位, 我留返係香港啦
駛乜過黎英國呢
NO 9 珍惜和小朋友, 家人相處
我覺得到左英國之後,
一家人相處既時間係多左唔知幾多倍
以前返工, 放工, 食飯, 沖埋涼,
真正陪小朋友時間, 都唔知有無兩個鐘
中間仲要夾雜教做功課, 溫書默書
去年暑期, 初初到步, 一家人每日去唔同地方玩
去唔同公園, 去旅行, 去博物館, 動物園,
一家人每天24小時相處
呢個美好時光係香港唔會有既
直到現在, 每晚可以一齊食早餐, 晚餐, 聽故事, 星期六日又去玩
大家都多左好多回憶
第日老左, 都會記得大家去過邊到玩
唔會只係記得教仔做功課同溫書, 加埋工作OT 回來對住四面牆食飯
NO 10 強化心臟能力
自問唔係潔癖
不過黎到英國
真係對佢地既衛生習慣好唔慣
好多時都睇到我眼突突
好彩好多時都影響唔到我
只要入屋肯除鞋其實都OK 既
不過呢個LOCKDOWN 時候
對佢地個種唔多理會疫情既態度真係無辦法
仍然唔超過一半人戴口罩
去超巿, 一家大細全部唔當一回事
不在乎會唔會中招
都唔知疫情幾時完
關於佢地既衛生習慣, 可以睇返呢篇
https://jcinuk.blogspot.com/2020/04/blog-post_23.html
以下是過往文章大合集, 若對移民英國有疑問, 可以先看以下文章有沒有想知既資料
移民英國, 最常見問題 (英國簽證, 移民前後準備, 英國生活大全集)
==================================================================
如果大家想我多D 分享唔同既英國資料, 如英國生活, 或移民顧問資料, 可以Email 比我
Email : jcinuk2018@gmail.com
請留低
姓名
電話
以上只係個人分享, 並不構成任何建議
==================================================================
更多英國生活分享 https://www.facebook.com/JasperXJayden/
